کولمبیا: زرد بخار پھیلنے پر ہیلتھ ایمرجنسی نافذ، عوام سے ویکسین لگوانے کی اپیل
اشاعت کی تاریخ: 17th, April 2025 GMT
کولمبیا(نیوز ڈیسک)کولمبیا نے مہلک زرد بخار (یلو فیور) پھیلنے پر قومی صحت اور اقتصادی ایمرجنسی کا اعلان کیا ہے، حکومت نے لوگوں پر زور دیا ہے کہ وہ ایسٹر کے ویک اینڈ پر سفر کرتے وقت ویکسین لگوائیں اور احتیاطی تدابیر اختیار کریں۔
فرانسیسی خبر رساں ادارے ’اے ایف پی‘ کی رپورٹ کے مطابق مچھروں سے پھیلنے والا یہ وائرس، جو عام طور پر بخار، پٹھوں میں درد، متلی اور سر درد کا سبب بنتا ہے، جنوبی امریکا کے متعدد ممالک بشمول کولمبیا میں پھیلا ہوا ہے، جہاں موجودہ وبا سے اموات کی شرح بہت زیادہ ہے۔
کولمبیا کے وزیر صحت گلرمو جارامیلو نے بدھ کے روز سرکاری ریڈیو ’نیشنل ڈی کولمبیا‘ کو بتایا کہ اس سال کے آغاز سے اب تک 74 مصدقہ کیسز میں سے کم از کم 34 افراد ہلاک ہو چکے ہیں۔
انہوں نے ہنگامی حکم نامے کی وضاحت کرتے ہوئے کہا کہ یہ ایسی بیماری ہے جس سے متاثرہ افراد میں اموات کی شرح تقریباً 50 فیصد ہے۔
زرد بخار کی ابتدائی علامات میں بخار، سردی لگنا، شدید سر درد، کمر درد، عام جسم میں درد، متلی، قے، تھکاوٹ محسوس کرنا اور کمزوری شامل ہوسکتی ہے۔
انہوں نے کہا کہ یہ وائرس دیہی علاقوں سے باہر بھی پھیل چکا ہے، جس سے یہ زیادہ لوگوں کے لیے خطرہ بن گیا ہے۔
جارامیلو کے مطابق سب سے زیادہ سنگین صورتحال کافی اگانے والے ٹولیما علاقے میں ہے، جہاں زرد بخار کے کیسز کی تعداد ستمبر 2024 میں 4 سے بڑھ کر اپریل کے وسط تک 22 ہوچکی ہے۔
انہوں نے ریڈیو اسٹیشن کو بتایا کہ ہمیں کولمبیا میں داخل ہونے یا جانے والے افراد کے لیے ویکسینیشن کارڈ کی ضرورت ہوگی۔کولمبیا کے صدر گستاوو پیٹرو نے صحت کے حکم نامے کے بعد اقتصادی ایمرجنسی کا اعلان کیا اور شہریوں سے ویکسین لگوانے کی اپیل کی۔
انہوں نے بدھ کے روز فیس بک پر لکھا کہ جن لوگوں نے ویکسین نہیں لگوائی، انہیں ایسٹر کے موقع پر ہائی رسک علاقوں میں نہیں جانا چاہیے۔گستاوو پیٹرو نے بیماری پھیلانے والے مچھروں کو زیادہ اونچائی پر لاکر وائرس کو مزید پھیلانے کے لیے آب و ہوا کی تبدیلی کو مورد الزام ٹھہرایا۔
منگل کے روز امریکا کے سینٹر فار ڈیزیز کنٹرول اینڈ پریوینشن (سی ڈی سی) نے جنوبی امریکا کے لیے زرد بخار کے الرٹ کو 4 میں سے دوسرے درجے تک اپ گریڈ کرتے ہوئے کہا تھا کہ جنوبی امریکا کے کچھ حصوں میں زرد بخار کے کیسز کی تعداد میں اضافہ ہوا ہے۔
الرٹ میں مسافروں کو مشورہ دیا گیا ہے کہ وہ بولیویا، کولمبیا اور پیرو کے کچھ علاقوں کا دورہ کرنے سے پہلے زرد بخار کے خلاف ویکسین لگوانے یا بوسٹر ٹیکے لگوانے پر غور کریں۔
پی ایس ایل میں عمدہ کارکردگی پر لاہور قلندرز کو بڑا اعزاز حاصل
.ذریعہ: Daily Ausaf
کلیدی لفظ: زرد بخار کے امریکا کے انہوں نے کے لیے
پڑھیں:
نہروں کا مسئلہ وفاق کو خطرے میں ڈال سکتا، منصوبہ واپس نہ لیا تو حکومت کیساتھ نہیں چلیں گے: بلاول
حیدرآباد (نوائے وقت رپورٹ)پیپلز پارٹی کے چیئرمین بلاول بھٹو زرداری نے کہا ہے کہ وفاق کینالز منصوبے کو واپس لے ورنہ پیپلزپارٹی حکومت کے ساتھ نہیں چلے گی۔ پانی کی تقسیم کا مسئلہ وفاق کو خطرے میں ڈال سکتا ہے۔ یہ بات انہوں نے حیدر آباد میں پیپلز پارٹی کے جلسہ عام سے خطاب کرتے ہوئے کہی۔ بلاول بھٹو زرداری نے کہا عمر کوٹ میں پیپلز پارٹی کی جیت مبارک ہو، پاکستان کے عوام آج بھی شہید بینظیر بھٹو کے ساتھ کھڑے ہیں۔ سندھ کے عوام نے ثابت کردیا کہ سندھ میں صرف تیر کا مینڈیٹ ہے، 17 جماعتیں ایک طرف اور پیپلز پارٹی ایک طرف تھی پھر بھی فتح ہمیں ملی۔ انہوں نے کہا حیرت تو اس بات پر ہے کہ ضمنی الیکشن میں تحریک انصاف اور ن لیگ ایک پیج پر تھے مگر عوام نے انہیں تاریخی شکست دی اور وہ منہ دکھانے کے قابل نہیں رہے۔چیئرمین پیپلزپارٹی نے کہا اسلام آباد والے اندھے اور بہرے ہیں، سندھ کے عوام نے کینالز منصوبہ مسترد کردیا ہے۔ انہوں نے کہا 6 میں سے دو کینالز کی منظوری قیدی نمبر 420 نے دی تھی، اس وقت بھی پیپلزپارٹی نے مزاحمت کی تھی۔ ہم عوام کی طاقت سے انکے خلاف عدم اعتماد لے کر آئے اور دو کینال کی اجازت دینے والے کوگھر بھیج دیا۔ بلاول بھٹو زرداری نے کہا اگر حکومت یہ متنازعہ منصوبہ روک دے تو میں اسکے ساتھ بیٹھ کر زرعی ترقی کیلئے اگلے 50سال کے منصوبے بنانے کیلئے تیار ہوں۔چیئرمین پی پی نے کہا پانی کی تقسیم کا مسئلہ وفاق کو خطرے میں ڈال سکتا ہے، انہوں نے کہا دہشت گرد تنظیمیں بلوچستان اور خیبر پی کے میں حملے کر رہی ہیں عین اسی وقت ایسا موضوع چھیڑ دیا گیا جس سے بھائی کے بھائی سے لڑنے کا خطرہ ہے‘ سب سے بڑھ کر یہ کہ ہمارے پیاسے مرجانے کا خطرہ ہے۔ ان کا کہنا تھا کہ شیر والوں کا ہر منصوبہ کسان دشمن ہوتا ہے، گندم سکینڈل کی وجہ سے کسانوں کا معاشی قتل عام ہو رہا ہے۔ انہوں نے کہا شیر والے صرف عوام کا خون چوستے ہیں اور کچھ نہیں کرتے۔ چیئرمین پیپلزپارٹی نے کہا حکومت کسی غلط فہمی میں نہ رہے کہ پیچھے ہٹ جاؤں گا‘ میں عوام کے ساتھ کھڑا ہوں۔ ہم نے شہباز شریف کو ایک بار نہیں دو بار وزیراعظم بنوایا اور کیا اب دھمکی سے پیپلز پارٹی کو ڈرایا جائے گا؟ یہ سمجھتے ہیں دھمکیوں سے ہمیں ڈرائیں گے، ہم تو ہر مشکل سہہ کر بھی پیچھے نہیں ہٹتے‘ ہم اصولوں پر سودا نہیں کریں گے۔ آپ آپنا متنازعہ کینالز منصوبہ چھوڑ دیں، میں عوام کا ساتھ نہیں چھوڑوں گا‘ ہم اپنا وفاق‘ اپنا کسان اور اپنا سندھ بچائیں گے۔ بلاول بھٹو زرداری نے شہباز حکومت کا ساتھ چھوڑنے کی دھمکی دیدی اور کہا کہ وفاق کینالز منصوبے کو واپس لے ورنہ پیپلز پارٹی حکومت کے ساتھ نہیں چلے گی۔ انہوں نے کہا 25اپریل کو سکھر میں پیپلزپارٹی کا تاریخی جلسہ اور احتجاج ہوگا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج