زلمے خلیل زاد کے بعد نمائندہ خصوصی صادق خان کا دورہ افغانستان، کابل میں اہم ملاقاتیں
اشاعت کی تاریخ: 22nd, March 2025 GMT
اسلام آباد:
افغانستان کے لیے پاکستان کے نمائندہ خصوصی صادق خان نے دورہ افغانستان میں اہم ملاقاتیں کیں اور مزید شیڈول ہیں۔
محمد صادق خان نے سماجی رابطے کی ویب سائٹ پر کابل میں اپنی مصروفیات اور ملاقاتوں کی تفصیل جاری کر دی ہے، جس کے مطابق انہوں نے افغان عبوری وزیر خارجہ امیر خان متقی سے کابل میں ملاقات کی۔
انہوں نے بتایا کہ افغانستان کے ساتھ مسلسل مصروفیات اور باہمی فائدہ مند تعلقات کے لیے پاکستان کے عزم کا اعادہ کیا ہے، دونوں اطراف سے دوطرفہ تعلقات کو مزید مستحکم کرنے کے لیے اعلیٰ سطح کی مصروفیات اور بات چیت آگے بڑھانے پر اتفاق کیا ہے۔
صادق خان نے افغانستان کے قائم مقام وزیر تجارت نورالدین عزیزی سے ملاقات کی تفصیلات بھی جاری کی ہیں، جن سے آج کابل میں ملاقات ہوئی تھی۔
انہوں نے بتایا کہ ہم نے دوطرفہ تجارتی اور اقتصادی تعلقات کے ساتھ ساتھ راہداری اور رابطے کے شعبوں میں تعاون پر تبادلہ خیال کیا ہے اور ملاقات میں افغانستان کے ساتھ باہمی فائدہ مند تعلقات کے لیے پاکستان کے عزم پر زور دیا۔
صادق خان کا کہنا تھا کہ فریقین نے دونوں ممالک کے باہمی فائدے کے لیے علاقائی تجارت اور رابطوں کی مکمل صلاحیت کو بروئے کار لانے پر اتفاق کیا ہے۔
اس سے قبل ترجمان دفترخارجہ نے بتایا تھا کہ نائب وزیر اعظم اور وزیر خارجہ اسحاق ڈارکی ہدایت پر سفیر محمد صادق خان افغانستان کا سرکاری دورہ کررہے ہیں، دورے کا مقصد پاکستان افغانستان دو طرفہ تعلقات پربات چیت کرنا ہے۔
انہوں نے کہا تھا کہ دورے کے دوران افغان قیادت سے اعلی سطح کی ملاقاتیں کریں گے، جس میں پاکستان میں حالیہ دہشت گردی کے واقعات اور ٹی ٹی پی اور داعش کی بڑھتی ہوئی کارروائیوں پر غور کیا جا رہا ہے اور پاکستان ان ملاقاتوں میں افغانستان کی سرزمیں استعمال ہو نے کا بھی معاملہ اٹھا ئے گا۔
ترجمان کا کہنا تھا کہ حال ہی میں سابق امریکی سفارت کار زلمے خلیل زاد نے کابل میں طالبان حکومت کے نمائندوں سے ملاقات کی، اس ملاقات کے نتیجے میں طالبان حکومت نے 65 سالہ امریکی شہری جارج گلیزمین کو رہا کیا، جو دو سال سے زائد عرصے سے قید میں تھے اور دوحہ مذاکرات کی سربراہی کرنے والے زلمے خلیل زاد نے اس پیش رفت پر اطمینان کا اظہار کیا۔
انہوں نے اپنے ایک پیغام میں کہا کہ یہ ایک اچھا دن ہے کیونکہ ہم کابل میں دو سال کی قید کے بعد ایک امریکی شہری کی رہائی حاصل کرنے میں کامیاب ہوئے ہیں، اس ملاقات اور امریکی شہری کی رہائی کو طالبان حکومت کی جانب سے امریکا کے لیے خیر سگالی کے اشارے کے طور پر دیکھا جا رہا ہے۔
ان کا کہنا تھا کہ اس سے ظاہر ہوتا ہے کہ طالبان حکومت بین الاقوامی تعلقات میں مثبت پیش رفت کی خواہاں ہے، زلمے خلیل زاد کی طالبان حکام سے ملاقات کے سب سے نمایاں نتائج میں ایک امریکی شہری، جارج گلیزمین کی رہائی شامل ہے، جو تقریباً دو سال سے طالبان کی حراست میں تھا اور خلیل زاد کی سفارتی کوششوں کے نتیجے میں اسے آزاد کر دیا گیا۔
امریکی شہری کی رہائی کو طالبان کی طرف سے امریکا کے لیے ایک خیرسگالی کا اقدام سمجھا جا رہا ہے، اس سے طالبان اور امریکا کے درمیان تعلقات میں بہتری کی امید پیدا ہو سکتی ہے۔
یہ واضح نہیں کہ زلمے خلیل زاد نے طالبان سے مزید کیا رعایتیں حاصل کیں لیکن ایک امریکی شہری کی رہائی ایک بڑی سفارتی کامیابی سمجھی جا رہی ہے، اگر مستقبل میں اس ملاقات کے مزید نتائج سامنے آتے ہیں، تو یہ ظاہر ہوگا کہ کیا طالبان اور امریکا کے درمیان مزید کوئی معاہدے یا بات چیت ہوئی ہے۔
.ذریعہ: Express News
کلیدی لفظ: امریکی شہری کی رہائی زلمے خلیل زاد طالبان حکومت افغانستان کے امریکا کے کابل میں انہوں نے کیا ہے کے لیے تھا کہ
پڑھیں:
کئی سمجھوتے : سرمایہ کاری بڑھانا چاہتے ہیں : امارتی وزیر خارجہ : شہباز شریف ‘ جنرلعاصم منیر اسحاق سے ڈار ملاقاتیں
اسلام آباد (خبر نگار خصوصی+ نوائے وقت رپورٹ+ آئی این پی+ این این آئی) پاکستان اور متحدہ عرب امارات کے درمیان مفاہمت کی مختلف یادداشتوں پر دستخط ہو گئے۔ نائب وزیراعظم اسحاق ڈار اور نائب وزیراعظم و وزیر خارجہ یو اے ای نے دستخط کی تقریب میں شرکت کی۔ دونوں ممالک کے نائب وزرائے اعظم کے درمیان مفاہمتی یادداشت کا تبادلہ بھی ہوا۔ وفود کی سطح پر مذاکرات ہوئے۔ اماراتی نائب وزیراعظم و وزیر خارجہ شیخ عبداللہ بن زاید نے دفتر خارجہ کا دورہ کیا۔ اسحاق ڈار نے ان کا استقبال کیا۔ اس موقع پر قومی ورثہ ثقافت ڈویژن اور وزارت ثقافت یو اے ای کے درمیان ثقافتی تعاون‘ خارجہ وزارتوں کے درمیان قونصلر امور کیلئے مشترکہ کمیٹی کے قیام پر تعاون‘ یو اے ای پاکستان مشترکہ بزنس کونسل کے قیام کیلئے تعاون کی یادداشت پر بھی دستخط کئے گئے۔ پاکستان اور روانڈا کا دوطرفہ تعلقات مزید مستحکم بنانے پر اتفاق ہوگیا۔ پاکستان اور روانڈا نے تجارت، دفاع، ٹیکنالوجی اور سفارت کاری سمیت مختلف شعبوں میں دوطرفہ تعاون کو مضبوط بنانے کے عزم کا اظہار کیا ہے تاکہ باہمی طور پر فائدہ مند شراکت داری قائم اور ترقی کی موجودہ صلاحیت سے فائدہ اٹھایا جاسکے۔ نائب وزیر اعظم اور وزیر خارجہ سینیٹر محمد اسحاق ڈار اور روانڈا کے وزیر برائے امور خارجہ اور بین الاقوامی تعاون اولیور جین پیٹرک ندوہنگرے کے درمیان یہاں بات چیت کے دوران دو طرفہ تعلقات پر تبادلہ خیال کیا گیا۔ وفود کی سطح پر ہونے والی ملاقات اور سفارتی تربیت کے شعبے میں مفاہمت کی یادداشت پر دستخط کے بعد دونوں وزرائے خارجہ نے دوطرفہ تعلقات کی مضبوطی پر اطمینان کا اظہار کیا۔ بعدازاں مشترکہ پریس کانفرنس سے خطاب کرتے ہوئے نائب وزیر اعظم سینیٹر محمد اسحاق ڈار نے کہا کہ پاکستان روانڈا کے ساتھ اپنے تعلقات کو بہت اہمیت دیتا ہے، پاکستان نے 2021 میں کیگالی میں اپنا ہائی کمیشن قائم کیا، روانڈا کے وزیر خارجہ کے دورہ اسلام آباد کے دوران روانڈا ہائی کمیشن کا افتتاح کیا جائے گا۔ انہوں نے کہا کہ پاکستان روانڈا کی چائے کے سب سے بڑے درآمد کنندگان میں شامل ہے اور وہ روانڈا کی کافی، ایوکاڈو، دالوں اور باغبانی کی مصنوعات کی مزید درآمدات کا خواہشمند ہے۔ انہوں نے کہا کہ پاکستان کی دواسازی، ٹیکسٹائل، چاول، آلات جراحی، ایگری ٹیک اور کھیلوں کے سامان کی برآمدات روانڈا میں مضبوط امکانات رکھتی ہیں۔ پاکستان ڈیجیٹل ٹرانسفارمیشن، ای گورننس، فن ٹیک اور نوجوانوں کے لیے اختراعی پلیٹ فارمز میں روانڈا کے ساتھ شراکت داری کا خواہاں ہے۔ انہوں نے کہا کہ مئی 2025 میں عدیس ابابا میں ہونے والی آئندہ پاکستان-افریقہ ٹریڈ ڈویلپمنٹ کانفرنس اور سنگل کنٹری نمائش ہوگی۔ روانڈا کے وزیر خارجہ نے کہا کہ سفارتی تربیت پر مفاہمت نامے پر دستخط کرنے کے علاوہ فریقین تعاون کو مزید وسعت دینے کے لیے مختلف شعبوں میں دیگر مفاہمت ناموں پر غور کر رہے ہیں۔ روانڈا کے وزیر خارجہ نے سیاحت اور کھیلوں بالخصوص کرکٹ میں دوطرفہ تعاون پر بھی زور دیا۔ وزیر نے کہا کہ پاکستان اور روانڈا نے عالمی امن کے لیے یکساں عزم کا اظہار کیا ہے۔ انہوں نے اقوام متحدہ کی سلامتی کونسل کے غیر مستقل رکن کی حیثیت سے افریقی براعظم میں تنازعات کا حل تلاش کرنے میں پاکستان کے کردار کو سراہا۔ وزیراعظم محمد شہباز شریف سے متحدہ عرب امارات کے نائب وزیراعظم و وزیر خارجہ شیخ عبداللہ بن زاید النہیان نے وزیراعظم ہاؤس اسلام آباد میں ملاقات کی۔ ملاقات کے دوران وزیراعظم نے پاکستان اور متحدہ عرب امارات کے درمیان مشترکہ تاریخ، باہمی احترام کے ساتھ ساتھ مضبوط ثقافتی اور اقتصادی روابط پر مبنی برادرانہ تعلقات کو مزید مستحکم بنانے کے عزم کا اعادہ کیا۔ انہوں نے متحدہ عرب امارات کے صدر و ابوظہبی کے حکمران شیخ محمد بن زاید النہیان کے لئے نیک خواہشات کا اظہار کیا اور مختلف شعبوں میں متحدہ عرب امارات کی پاکستان کے لیے مسلسل حمایت کو سراہا۔ وزیراعظم نے تجارت، سرمایہ کاری، توانائی اور عوام سے عوام کے روابط میں تعاون بڑھانے کی ضرورت پر زور دیا۔ انہوں نے پاکستان اور متحدہ عرب امارات کے درمیان بہترین سیاسی تعلقات کو باہمی طور پر فائدہ مند اقتصادی شراکت داری تک بڑھانے کی پاکستان کی خواہش کا اعادہ کیا۔ ملاقات میں دوطرفہ تعلقات کے علاوہ علاقائی صورتحال اور عالمی پیش رفت پر بھی تبادلہ خیال کیا گیا۔ اسحاق ڈار اور شیخ عبداللہ بن زید النہیان کے درمیان اسلام آباد میں خوشگوار اور تفصیلی بات چیت ہوئی۔ دفتر خارجہ کے مطابق متحدہ عرب امارات کے نائب وزیر اعظم اور وزیر خارجہ کے دورہ پاکستان کے موقع پر بہترین دوطرفہ تعلقات کو مزید مضبوط بنانے پر توجہ مرکوز کرنے کے علاوہ باہمی دلچسپی کے علاقائی اور عالمی مسائل اور تشویش کے بارے میں واضح ماحول میں تبادلہ خیال کیا گیا۔ شیخ عبداﷲ بن زاید النہیان نے دوطرفہ تعاون کو مزید گہرا کرنے کے عزم کا اعادہ کیا۔ ملاقات میں وزیر خارجہ اسحاق ڈار اور آرمی چیف جنرل عاصم منیر بھی موجود تھے۔ شیخ عبداللہ بن زید النیہان نے کہا کہ پاکستان اور متحدہ عرب امارات کے دیرینہ تعلقات اور مختلف شعبوں میں دوطرفہ تعلقات کو مزید گہرا کرنے میں اہم کردار ادا کرتے ہیں، جس سے دونوں ممالک کے عوام مستفید ہوں گے۔ اپنے پاکستانی ہم منصب نائب وزیر اعظم اور وزیر خارجہ اسحٰق ڈار کے ساتھ مشترکہ پریس کانفرنس میں انہوں نے کہا کہ متحدہ عرب امارات پاکستان کے ساتھ تعلقات کو مزید فروغ دینا چاہتا ہے۔ ’میرے خیال میں پاکستان اور متحدہ عرب امارات کے عوام تعلقات میں مزید پیش رفت دیکھنا چاہتے ہیں، اور میں اس بات پر زور دینا چاہتا ہوں کہ گزشتہ ایک یا دو سال میں چیزیں اس سے کہیں زیادہ تیزی سے آگے بڑھ رہی ہیں۔ ’مجھے امید ہے کہ تجارت، سرمایہ کاری اور ہوا بازی سمیت بہت سے مختلف شعبوں میں یہ جذبہ تیزی سے فروغ پائے گا‘۔ دریں اثنا نائب وزیراعظم اور وزیر خارجہ اسحٰق ڈار نے معزز مہمان کا خیرمقدم کرتے ہوئے کہا کہ دونوں ممالک کے صدیوں پرانے برادرانہ تعلقات ہیں، اور ایک دوسرے کے لیے مشترکہ عزم اور محبت اور پیار ہے۔ خواہش ہے کہ یہ دورہ طویل عرصے تک جاری رہتا، تاہم وہ جانتے ہیں کہ شیخ عبداللہ زید النہیان کے دیگر عالمی وعدے بھی ہیں۔ پاکستان اور متحدہ عرب امارات کے درمیان قریبی سفارتی، اقتصادی اور ثقافتی تعلقات ہیں۔ متحدہ عرب امارات مشرق وسطیٰ میں پاکستان کے سب سے بڑے تجارتی شراکت داروں میں سے ایک ہے اور ترسیلات زر کا ایک بڑا ذریعہ ہے، جس میں بڑی تعداد میں پاکستانی تارکین وطن رہتے ہیں اور کام کرتے ہیں۔ شیخ عبداﷲ بن زاید النہیان اور اسحاق ڈار نے گرمجوشی سے مصافحہ کیا۔ اسحاق ڈار نے یو اے ای ہم منصب سے اپنے وفد کا تعارف کرایا۔ شیخ عبداﷲ بن زاید النہیان کے اعزاز میں دفتر خارجہ میں استقبالیہ تقریب ہوئی۔ اسحاق ڈار نے کہا معزز مہمان کو اپنے گھر آمد پر خوش آمدید کہتا ہوں‘ خواہش ہے کہ آپ کا دورہ پاکستان مفید ثابت ہو‘ شیخ عبداﷲ بن زاید النہیان نے کہا کہ پرتپاک استقبال پر نائب وزیراعظم پاکستان اسحاق ڈار کا شکرگزار ہوں‘ پاکستان کے ساتھ تعلقات کو مزید مضبوط کریں گے‘ پاکستان کے لوگ یو اے ای کی ترقی میں اہم کردار ادا کر رہے ہیں‘ پاکستان کے ساتھ تجارت اور سرمایہ کاری سمیت مختلف امور پر بات چیت ہوئی۔ خیال رہے کہ یو اے ای کے نائب وزیراعظم شیخ عبداﷲ بن زاید النہیان 2 روزہ دورے پر پاکستان میں ہیں۔ متحدہ عرب امارات کے نائب وزیر خارجہ نے وزیراعظم شہباز شریف سے ملاقات کی۔ شیخ عبداﷲ بن زاید النہیان نے یو اے ای میں پاکستانی کمیونٹی کے تعاون کی ستائش کی ہے۔ دوطرفہ تعلقات کے فروغ اور تعاون کی نئی راہیں تلاش کرنے کے عزم کا اعادہ کیا گیا۔ روانڈا کے وزیر خارجہ نے چیئرمین سینٹ یوسف رضا گیلانی سے بھی ملاقات کی۔ چیئرمین سینٹ نے پاکستان روانڈا تعلقات اعلیٰ سطح روابط ترجیحی نکات‘ مشترکہ تعاون پر زور دیا۔ چیئرمین سینٹ نے کہا کہ پاکستان روانڈا سے تعلقات کو قدر کی نگاہ سے دیکھتا ہے۔ روانڈا سے اقتصادی تعلقات کو انتہائی اہمیت دیتے ہیں۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش