’پریانکا کے سیٹ پر ڈائن کی طرح بیٹھی رہتی تھی‘، مدھو چوپڑا کا انکشاف
اشاعت کی تاریخ: 11th, March 2025 GMT
معروف بھارتی اداکارہ پریانکا چوپڑا کی والدہ ڈاکٹر مدھو چوپڑا نے حال ہی میں پریانکا چوپڑا کی بالی ووڈ میں ابتدائی دنوں کی جدوجہد کے بارے میں بات کی اور بتایا کہ وہ کس طرح پریانکا کے کام کی جگہ کی نگرانی کرتی تھیں تاکہ ان کی حفاظت کو یقینی بنایا جا سکے۔
مدھو چوپڑا نے کہا کہ ’کیریئر کے ابتدائی دنوں میں، میں سیٹ پر ایک ڈائن (چڑیل) کی طرح بیٹھی رہتی تھی کیونکہ پریانکا بہت چھوٹی تھی اور بہت محفوظ ماحول سے آئی تھی۔ ہمیں یہ سننے کو ملا تھا کہ بالی ووڈ محفوظ جگہ نہیں ہے، اور وہ ہماری واحد بیٹی ہے، تو ہم کوئی خطرہ نہیں اٹھانا چاہتے تھے‘۔
یہ بھی پڑھیں: پریانکا چوپڑا نے بالی ووڈ کی اگلی سپر اسٹار کی پیشگوئی کردی؟
ڈاکٹر مدھو چوپڑا نے ایک واقعہ یاد کرتے ہوئے بتایا کہ پریانکا سے ایک پرائیویٹ اسکرپٹ کی کہانی سننے کے لیے کہا گیا تھا اور ڈائریکٹر نے یہ اصرار کیا کہ ان کی والدہ باہر چلی جائیں۔ تاہم پریانکا نے فوراً اس بات کو مسترد کر دیا اور وہاں سے باہر نکل آئیں۔
پریانکا چوپڑا نے کہا کہ ’اگر آپ میری ماں کے سامنے اسکرپٹ نہیں سنا سکتے، تو کیا آپ سمجھتے ہیں کہ میں فلم کروں گی؟ نہیں، میں نہیں کروں گی‘۔ مدھو چوپڑا نے بتایا کہ ’پریانکا چوپڑا ہمیشہ بہت پُرعزم رہیں، وہ فلم کھونے سے نہیں ڈرتی تھیں اور ہمیشہ ان کے پاس پلان بی تھا‘۔
یہ بھی پڑھیں: اداکارہ پریانکا چوپڑا نے بالی ووڈ کیوں چھوڑا اور ہالی ووڈ کا تجربہ کیسا رہا؟
پریانکا کی والدہ نے بتایا کہ ’میں پریانکا سے ہمیشہ کہتی تھی کہ اگر تم خود کو چونی کی طرح پیش کرو گی تو لوگ تمہیں ویسا ہی دیکھیں گے لیکن اگر تم اپنے آپ کو روپیہ بناؤ گی تو لوگ تمہاری قدر کریں گے اور تمہیں کچرا نہیں سمجھیں گے‘۔
دوسری جانب بالی ووڈ سے کنارہ کشی کے بعد اداکارہ پریانکا چوپڑا نے اپنی توجہ ہالی ووڈ کی طرف مبذول کر لی۔ پریانکا چوپڑا ان دنوں اپنی ہالی ووڈ فلموں ’ہیڈز آف اسٹیٹ‘ اور ’دی بلف‘ کی تیاری کر رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پریانکا چوپڑا مدھو چوپڑا ہالی ووڈ.ذریعہ: WE News
کلیدی لفظ: بالی ووڈ پریانکا چوپڑا مدھو چوپڑا ہالی ووڈ پریانکا چوپڑا نے بالی ووڈ بتایا کہ ہالی ووڈ
پڑھیں:
5 فلموں سے 2200 کروڑ بھارتی روپے کمانے والے اداکار کون ہیں؟
گزشتہ سالوں کے دوران بالی وڈ کنگ شاہ رخ خان اور رجنی کانت جیسے سپر اسٹارز نے بالی ووڈ کے باکس آفس پر راج کیا اور بزنس کے سابقہ تمام ریکارڈ توڑے، شاہ رخ خان کی 2023 میں 3 فلموں کا مجموعی بزنس 2600 کروڑ روپے تھا۔
دوسری طرف بالی ووڈ کا ایک اسٹار ایسا بھی ہے جس کی فلموں نے آمدنی کے لحاظ سے کئی بڑے اسٹارز کو پیچھے چھوڑ دیا ہے۔
یہ بھی پڑھیں: فلم کالکی نے شاہ رخ خان کی ’جوان‘ کا ریکارڈ توڑ دیا
بھارتی میڈیا رپورٹ کے مطابق 27 سالہ جعفر صادق 5 سال سے بھارتی فلمز انڈسٹری سے وابستہ ہیں، جنہوں نے بطور ڈانسر اپنے کیرئیر کا آغاز کیا اور پھر اداکار کمل ہاسن کی فلم ’ وکرم‘سے انڈسٹری میں اپنا نام بنایا، انہوں نے رجنی کانت کی فلم ’جیلر‘ میں بھی لاجواب اداکاری کی، جو ان کی پہلی فلم سے بھی زیادہ کامیاب رہی۔
جعفر خان نے بالی ووڈ کنگ شاہ رخ خاں کے ساتھ بھی کام کیا، انہوں نے شاہ رخ خان کی فلم ’جوان‘ سے بالی وڈ میں قدم رکھا اور ان کی آخری آن اسکرین فلم ’بے بی جوہن‘ تھی۔
ان کی فلمیں بزنس کے لحاظ سے کافی کامیاب رہیں، ان کی پہلی فلم’ وکرم‘ نے عالمی سطح پر 414 کروڑ بھارتی روپے، رجنی کانت کی فلم’ جیلر‘ نے 650 کروڑ بھارتی روپے کمائے۔
View this post on Instagram
A post shared by Kishor Ravichandran (@sinty_boy)
جعفر صادق کی بالی ووڈ ڈیبیو فلم ’جوان‘ نے بھی بزنس کے تمام ریکارڈ توڑتے ہوئے 1150 کروڑ بھارتی روپے کمائے، مجموعی طور پر ان کی 5 فلمیں باکس آفس پر اب تک 2200 کروڑ سے زیادہ بزنس کرچکی ہیں۔
یہ بھی پڑھیں: سلمان خان کی ایکشن فلم سکندر باکس آفس پر تہلکہ مچانے میں ناکام
رجنی کانت، سنی دیول یا رنبیر کپور جیسے سپر اسٹارز کی فلموں نے بھی باکس آفس پر اتنا زیادہ بزنس نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news باکس آفس بالی ووڈ بزنس جعفر خان رجنی کانت شاہ رخ خان
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج