بلوچستان سے سینیٹ کی خالی نشست پر 8 مارچ کو پولنگ ہوگی
اشاعت کی تاریخ: 17th, February 2025 GMT
بی این پی کے سینیٹر قاسم رونجھو کے استعفیٰ کے بعد خالی ہونیوالی سینیٹ کی نشست کیلئے انتخاب کا شیڈول جاری کردیا گیا ہے۔ جسکے مطابق 8 مارچ کو بلوچستان اسمبلی کی بلڈنگ میں پولنگ ہوگی۔ اسلام ٹائمز۔ بلوچستان سے سینیٹ کی ایک خالی نشست پر ضمنی انتخاب 8 مارچ کو ہوگا۔ الیکشن کمیشن آف پاکستان نے بلوچستان سے بی این پی کے سینیٹر قاسم رونجھو کے استعفیٰ کے بعد خالی ہونے والی جنرل نشست پر ضمنی انتخاب کا شیڈول جاری کر دیا۔ جس کے مطابق امیدوار 19 فروری تک کاغذات نامزدگی جمع کروا سکیں گے۔ 20 فروری کو امیدواروں کے ناموں کی فہرست آجاری ہوگی۔ 22 فروری تک کاغذات نامزدگی کی جانچ پڑتال کا عمل مکمل کیا جائے گا۔ شیڈول کے مطابق 25 فروری تک کاغذات نامزدگی پر فیصلوں کے خلاف اپیلیں دائر کی جاسکیں گی، جبکہ 27 فروری تک ان درخواستوں پر فیصلہ سنایا جائے گا۔ انتخابی شیڈول کے مطابق 28 فروری کو امیدواروں کی نظرثانی شدہ فہرست جاری کی جائے گی۔ امیدوار 1 مارچ تک کاغذات نامزدگی واپس لے سکیں گے۔ جس کے بعد 8 مارچ کو بلوچستان اسمبلی کی بلڈنگ میں سینیٹ کا ضمنی انتخاب ہوگا۔ الیکشن کمیشن آف پاکستان کے اعلامیے کے مطابق سینیٹ کے ضمنی انتخاب کے لئے صوبائی الیکشن کمشنر محمد فرید آفریدی ریٹرننگ آفیسر، جبکہ سید وسیم احمد جعفری، عبداللہ اور نعیم احمد پولنگ افسران کے فرائض سرانجام دیں گے۔
.ذریعہ: Islam Times
کلیدی لفظ: تک کاغذات نامزدگی کے مطابق فروری تک مارچ کو
پڑھیں:
صدر مملکت نے سینیٹ کا اجلاس 22اپریل کی سہ پہر 4بجے طلب کر لیا
صدر مملکت نے سینیٹ کا اجلاس 22اپریل کی سہ پہر 4بجے طلب کر لیا WhatsAppFacebookTwitter 0 19 April, 2025 سب نیوز
اسلام آباد (سب نیوز)صدر مملکت آصف علی زرداری نے سینیٹ کا اجلاس آئین کے آرٹیکل 54 کے تحت طلب کر لیا، سینیٹ سیکرٹریٹ نے نوٹیفکیشن جاری کر دیا۔ ادھر وزیراعظم شہبازشریف نے وزرا اور مشیروں کو پارلیمنٹ کے اجلاسوں میں شرکت کی ہدایت کر دی۔
تفصیلات کے مطابق سینیٹ کا اجلاس 22 اپریل بروز منگل طلب کر لیا گیا، صدرآصف زرداری نے آئین کے آرٹیکل 54 کے تحت سینیٹ اجلاس طلب کیا۔سینیٹ کا اجلاس منگل کی سہہ پہر چار بجے پارلیمنٹ ہاوس میں ہوگا، سینیٹ سیکرٹریٹ نے اجلاس طلبی کا باضابطہ نوٹیفکیشن جاری کر دیا۔
دوسری جانب وزیراعظم شہباز شریف نے وزرا اور مشیروں کو احکامات جاری کر دیے ہیں، وزیراعظم کی جانب سے پارلیمنٹ اجلاسوں میں شرکت کو یقینی بنانے کی ہدایت کرتے ہوئے اجلاسوں کے دوران سرکاری ذمہ داریاں چیمبرز میں ادا کرنے کا کہا گیا ہے۔وزیراعظم نے ہدایت کی کہ ارکان پارلیمنٹ کے مسائل سنیں اورقومی اسمبلی اجلاس کے دوران کورم ٹوٹنے سے بچاو کیلئے حکمت عملی بنائی جائے۔
کراچی: کورنگی کریک میں ماہرین نے دوبارہ آگ لگا دی