وزیراعلیٰ سندھ مراد علی شاہ نے نیشنل بینک کرکٹ اسٹیڈیم کراچی کی تعمیر نو کا افتتاح کردیا
اشاعت کی تاریخ: 11th, February 2025 GMT
وزیراعلیٰ سندھ مراد علی شاہ نے نیشنل بینک کرکٹ اسٹیڈیم کراچی کی تعمیر نو کا افتتاح کردیا ہے۔
منگل کے روز پاکستان کرکٹ بورڈ (پی سی بی) کے زیر اہتمام نیشنل کرکٹ اسٹیڈیم کراچی کی تعمیر نو مکمل ہونے پر افتتاحی تقریب منعقد ہوئی، تقریب کے مہمان خصوصی وزیراعلیٰ سندھ مراد علی شاہ تھے جنہوں نے اس عظیم الشان بین الاقوامی کرکٹ اسٹیڈیم کی تعمیر نو کا افتتاح کیا۔
اسٹیڈیم کا افتتاح صدر آصف علی زرداری کو کرنا تھا، تاہم ان کی غیر موجودگی میں وزیراعلیٰ سندھ سید مراد علی شاہ نے ان کی نمائندگی کی۔
اس سے قبل اس اسٹیڈیم کی تعمیر نو میں حصہ لینے والے ورکرز کے اعزاز میں چیئرمین پی سی بی محسن نقوی کی جانب سے استقبالیہ بھی دیا گیا، استقبالیے سے خطاب کرتے ہوئے محسن نقوی نے کہا کہ نیشنل اسٹیڈیم کی مین بلڈنگ کا ڈیزائن بہت خوبصورت ہے، یہ اسٹیڈیم 4 ماہ کی قلیل مدت میں مکمل ہوا ہے،قذافی اسٹیڈیم لاہور سے بہتر یہ اسٹیڈیم تعمیر ہوا ہے، ورکرز نے نہ صرف قذافی اسٹیڈیم سے پہلے تعمیر کی بلکہ بلڈنگ کے اندر کی فنشنگ اور اسٹینڈرڈ لاہور سے بہتر بنایا ہے۔
محسن نقوی نے کہا کہ ہرمزدور ہمارا ہیرو ہے، مزدوروں نے محنت سے دل جیت لیا ہے سب کا بہت شکریہ، ورکرز کی انتھک محنت کے باعث آج ہم سرخرو ہوئے، کئی مزدور دو، دو مہینے گھر نہیں گئے، 14 سے 16 گھنٹے یہاں کام کرتے رہے، نیسپا کی ٹیم نے بھی بہت محنت کی ہے، نیسپا کے ورکرز دن رات لگے رہے، پی سی بی کی ٹیم نے بھی 16 ، 18 گھنٹے کام کیا ہے، چھٹی تو ناممکن میرے خیال میں ان کی نیند بھی مشکل سے پوری ہوئی ہوگی، کئی دفعہ یہ گاڑیوں میں سوتے تھے۔
چیئرمین پی سی بی نے کہا کہ ہمیں اپنی ٹیم پر اعتماد ہونا چاہیے، جس طرح آپ بہادر لوگ ہیں ہماری ٹیم بھی بہادر ہے۔’خداراہ ایک آدھے میچ سے ناراض نہ ہوجایا کریں، یہ دیکھیں کہ اس ٹیم نے پچھلے تین، چار ماہ میں رزلٹ کیا دیا ہے، ۰ہم نے صرف ایک چیز دیکھنی ہے کہ ہماری ٹیم محنت کتنی کررہی ہے، ہار، جیت اللہ کے ہاتھ میں ہے۔‘
انہوں نے کہا کہ اگر تیم محنت کرتی نظر آئے تو کھلاڑیوں کو داد دیں، چاہے وہ ہارے یا جیتیں، ٹیم پر اعتماد کریں تو جس طرح اس نے پہلے اچھے نتائج دے ہیں آگے بھی دے گی، پی سی بی کو رضوان، ٹیم اور سلیکشن ٹیم پر مکمل اعتماد ہے، یہ میدان ماریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افتتاح سابق نگران وزیراعلیٰ محسن نقوی کراچی محسن نقوی مراد علی شاہ نیشنل بینک کرکٹ اسٹیڈیم وزیراعلیٰ سندھ.ذریعہ: WE News
کلیدی لفظ: افتتاح سابق نگران وزیراعلی محسن نقوی کراچی محسن نقوی مراد علی شاہ نیشنل بینک کرکٹ اسٹیڈیم وزیراعلی سندھ کرکٹ اسٹیڈیم مراد علی شاہ کی تعمیر نو کا افتتاح محسن نقوی نے کہا کہ پی سی بی
پڑھیں:
کینالز منصوبہ پیپلز پارٹی ہی مسترد کرائے گی: وزیرِاعلیٰ سندھ مراد علی شاہ
وزیرِ اعلیٰ سندھ مراد علی شاہ — فائل فوٹووزیرِ اعلیٰ سندھ مراد علی شاہ نے کہا ہے کہ کینالز منصوبہ پیپلز پارٹی ہی مسترد کرائے گی۔
وزیرِ اعلیٰ سندھ مراد علی شاہ نے سندھ کے شہر سیہون میں میڈیا سے گفتگو کرتے ہوئے کہا ہے کہ دریائے سندھ میں پانی کی قلت کے باعث سیہون میں پانی کا بحران پیدا ہوا ہے۔
انہوں نے کہا ہے کہ کینالز منصوبوں کے خلاف پورا سندھ سراپائے احتجاج ہے، پیپلز پارٹی کے ہوتے ہوئے سندھ کے خلاف کوئی سازش کامیاب نہیں ہو گی۔
وزیرِ اعلیٰ سندھ سید مراد علی شاہ نے کہا ہے کہ کالاباغ ڈیم کا بھی لوگ کہتے تھے بن رہا ہے، اب یہی صورتحال چولستان کینال کے لیے پیدا کی جا رہی ہے، پیپلز پارٹی ایک طاقت ہے اور ہم اس کا استعمال بھی کریں گے، پیپلز پارٹی کی حمایت کے بغیر یہ وفاقی حکومت چل نہیں سکتی، ہمارے پاس اسے گرانے کی طاقت ہے۔
مراد علی شاہ نے پیپلز پارٹی کی مقبولیت کے حوالے سے کہا ہے کہ عمر کوٹ کے عوام نے بتا دیا کہ عوام پیپلز پارٹی کے ساتھ ہیں، کچھ لوگوں نے کہا کہ سندھ کے لوگ پیپلز پارٹی سے ناراض ہیں۔
کنالز کے منصوبے پر بات کرتے ہوئے وزیرِ اعلیٰ سنھ نے کہا ہے کہ بلاول بھٹو اور صدر آصف زرداری نے پارلیمنٹ میں کینالز منصوبوں کو مسترد کیا، بلاول کہہ چکے کہ کینالز معاملے پر عوام کے ساتھ ہوں، وزیرِاعظم کے ساتھ نہیں۔
انہوں نے کہا کہ میں نے وفاق کے سامنے کینالز کے خلاف بھرپور احتجاج کیا، عوام کینالز منصوبوں کے خلاف احتجاج کر رہے ہیں، وکلاء کے احتجاج کی حمایت کرتے ہیں۔
مراد علی شاہ نے بتایا ہے کہ حیدرآباد میں گزشتہ روز جلسہ کیا، 25 اپریل کو سکھر میں جلسہ ہو گا۔
وزیراعلیٰ خیبرپختونخوا کے خلاف کتنے مقدمات درج ہیں؟ تفصیلات سامنے آ گئیں