میرپورخاص،شہر بھر میں بے امنی کا راج ،شہری عدم تحفظ کا شکار
اشاعت کی تاریخ: 6th, February 2025 GMT
میرپورخاص (نمائندہ جسارت) ضلع بھر میں بے امنی عروج پر چوری ڈکیتی لوٹ مار موٹر سائیکل چوری واردتوں میں اضافہ متعدد تھانوں میں مسلسل تعینات ایس ایچ آوز کی کارکردگی پر سوالیہ نشان۔ تفصیلات کے مطابق میرپورخاص ضلع میں بے امنی عروج پر ہونے سے تمام تھانوں کی حدود میں چوری ڈکیتی موٹر سائیکل چوری لوٹ مار کی وارداتوں میں اضافے کے سبب شہری تشویش میں مبتلا ہیں شہریوں کا کہنا تھا کہ آئے روز کھلے عام لوٹ مار کرنے والے ملزمان سے شہری غیر محفوظ ہوچکے ہیں دکانوں کے تالے توڑنے اسلحہ کے زور پر تاجروں کے ساتھ اور شہریوں سے لوٹ مار موٹر سائیکل چوری کی وارداتوں میں مسلسل اضافہ دیکھا جارہا ہے ضلع کا کوئی بھی تھانہ بے امنی کی لپیٹ سے محفوظ نہیں رہا ہے ضلع بھر میں تعینات ایس ایچ اوز میں متعدد ایس ایچ مستقل بنیادوں میں تعینات رہنے پر ان کی کارکردگی سوالیہ نشان بنی ہوئی ہے۔ ذرائع کے مطابق ڈی آئی جی اور ایس ایس پی کی جانب سے متعدد ایس ایچ آوز کو شوکاز نوٹس اور انکریمنٹ سمیت محکمہ جاتی کارروائی کے باوجود ایس ایچ اوز اپنی کارکردگی بہتر کرنے کے بجائے من پسند تھانوں پر تعینات رہنے کے لیے کوششوں میں مصروف دکھائی دیتے ہیں۔ ضلع بھر میں چوری ڈکیتی لوٹ مار چوری کی وارداتوں میں اضافہ کے ساتھ ساتھ ضلع بھر میں ہیروئن کرسٹل آئس چرس کچی شراب سمیت دیگر منشیات کا کاروبار عروج پر ہے۔ ذرائع کے مطابق پولیس کی جانب سے ہر ماہ کارکردگی رپورٹ میں سب اچھے کا راگ الاپا جاتا ہے۔ شہریوں نے آئی جی سندھ ڈی آئی جی اور ایس ایس پی میرپورخاص سے مطالبہ کیا ہے کہ ایسے ایس ایچ آوز جو عرصہ دراز سے ایک ہی تھانے پر تعینات ہے ان کی جگہ دوسرے فرض شناس افسر کو تعینات کیا جائے اور ہر تین ماہ کی کارکردگی رپورٹ کی روشنی میں ایس ایچ آوز کے تبادلے دیگر تھانوں میں کیے جائیں تاکہ کچھ حد تک ضلع میں بے امنی کی بڑھتی ہوئی لہر کو کم کیا جاسکے۔
.
ذریعہ: Al Qamar Online
کلیدی لفظ: پاکستان کھیل ایس ایچ ا وز لوٹ مار
پڑھیں:
سندھ کا پانی چھینیں گے نہ چوری کریں گے، رانا ثناء
وزیراعظم کے سیاسی مشیر رانا ثناءاللّٰہ نے کہا ہے کہ سندھ کا پانی نہ چھینیں گے نہ چوری کریں گے۔
جیو نیوز کے پروگرام آج شاہزیب خانزادہ کے ساتھ میں رانا ثناء نے کہا کہ نہروں پر پیپلز پارٹی کے تحفظات دور کر کے آگے بڑھیں گے۔ اسی پروگرام میں بات کرتے ہوئے شرجیل میمن نے کہا کہ نہروں کا معاملہ سنجیدہ ہے، چاہتے ہیں وزیراعظم منصوبہ ختم کرنے کا اعلان کریں۔
پاکستان پیپلز پارٹی کے چیئرمین بلاول بھٹو زرداری...
سندھ کے سینئر وزیر شرجیل میمن نے کہا کہ وزیراعظم 6 کینالز منصوبہ ختم کرنے کا اعلان کریں، وزیراعظم منصوبہ ختم کرنے کا اعلان کریں گے تو لوگوں میں خدشات ختم ہوں گے، خدشات ختم ہوں گے تو لوگ پرامن ہوجائیں گے اور احتجاج ختم ہوجائے گا۔
رانا ثناء نے کہا کہ سندھ میں نام نہاد قوم پرستوں کو لوگوں نے کبھی مینڈیٹ نہیں دیا، ابھی ہم منصوبہ سے متعلق کوئی اعلان کریں تو اس کا تاثر غلط جائے گا، تاثر جائے گا کہ ہم کوئی چوری کر رہے تھے اس لیے اب منصوبے سے واپس ہوئے، ہمارا کبھی ایسا پروگرام نہیں ہوسکتا کہ سندھ کو بنجر کیا جائے۔
جواب میں شرجیل میمن نے کہا کہ ہمیں ان کی نیت پر شک نہیں ہم ان سے بات چیت کے لیے تیار ہیں، وزیر اعلیٰ سندھ نے مشترکہ مفادات کونسل کی میٹنگ بلانے کیلئے کئی خطوط لکھے، نئے پانی کا کوئی سورس نہیں تو نئے کینالز کے لیے اسی پانی کو استعمال کیا جائے گا، یہ بتائیں کہ ان کینالوں کے لیے پنجاب کی کس جگہ سے پانی لیا جائے گا۔
شرجیل میمن نے کہا کہ سندھ میں جتنا پانی دیا جانا چاہیے وہ پہلے ہی کم مل رہا ہے، سندھ کو حصے کا پانی نہیں دیا جارہا تو مانیں کہ پانی کی قلت ہے، پنجاب میں پھر زیر زمین پانی میٹھا ہے سندھ میں زیر زمین پانی کڑوا ہے۔
رانا ثناء نے کہا کہ جس کے بارے میں الزام دیا جا رہا ہے کہ صدر نے منظوری دے دی ،وہ مشاورتی میٹنگ تھی، وزیراعظم جیسے ہی ترکیہ سے آتے ہیں تو کینالز منصوبے سے متعلق پیشرفت ہوگی۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش