مشہور اداکارہ نے ویٹریس بننے کیلئے اداکاری چھوڑ دی
اشاعت کی تاریخ: 23rd, April 2025 GMT
ہانگ کانگ کی معروف اداکارہ میگی یو میاؤ ، جنہوں نے کئی مشہور ٹی وی ڈراموں میں اپنی اداکاری کے جوہر دکھائے، نے 2023 میں اچانک شوبز کو خیرباد کہہ دیا۔اب وہ چین کے شہر ڈونگ گوان میں ایک معمولی ریستوران میں ویٹریس (ویٹریس) کے طور پر کام کر رہی ہیں۔
میگی، جو 2012 میں مس چائنا انٹرنیشنل پیجینٹ کی فائنلسٹ رہی تھیں اور ٹی وی بی چینل پرگھوسٹ آف ریئلٹی اور مائی لوور فرام دی پلانٹ میاو جیسے ڈراموں سے شہرت حاصل کر چکی ہیں، اب اپنی سادہ زندگی سے بھرپور اطمینان کا اظہار کر رہی ہیں۔
میگی یو میاؤ کبھی کبھار سوشل میڈیا پر اپنی روزمرہ زندگی کی جھلکیاں شیئر کرتی ہیں۔ حالیہ ویڈیوز میں وہ تربوز کاٹتے ہوئے نظر آئیں، جس کے بدلے انہوں نے 150 یوان کمائے۔ اس سے قبل میزیں لگانے کے کام پر انہیں 180 یوان کی اجرت ملی۔
انہوں نے ایک فلمی کردار کی پیشکش کا اسکرین شاٹ بھی شیئر کیا، جس میں انہیں 500 یوان یومیہ کے عوض کام کی دعوت دی گئی تھی۔
اس پر میگی نے جواب دیا، ”میں اب ڈونگ گوان میں ہوں اور یہاں کچھ شہرت بھی حاصل کی ہے، سوچوں گی۔ 500 یوان… کیا ہانگ کانگ جا کر فلم کروں یا یہیں کام کرتی رہوں؟“
میگی نے بتایا کہ انہوں نے اداکاری چھوڑنے کا فیصلہ زندگی میں سکون، تحفظ اور یقین کی تلاش میں کیا۔
ان کے مطابق ”ڈونگ گوان میں ہر دن مصروف ہوتا ہے، ہر دن کی آمدنی ہوتی ہے۔ اداکاری میں غیر یقینی بہت ہے، کبھی چھ مہینے تو کبھی سال بھر ایک کردار کے انتظار میں بیٹھنا پڑتا ہے۔“
انہوں نے مزید کہا کہ، ”یہاں محنت کا صلہ فوراً ملتا ہے، اس لیے میں یہی کام جاری رکھوں گی۔“
چکن کی قیمتیں عام شہری کی پہنچ سے باہر ، عوام کو اربوں روپے کا نقصان
.ذریعہ: Daily Ausaf
کلیدی لفظ: انہوں نے
پڑھیں:
بھارت: مشہور ٹی وی اسٹار کی 36 سال کی عمر میں خودکشی
MEERUT:بھارت کے ٹی وی اسٹار اور مشہور ڈراما تارک مہتا کا الٹا چشمہ کے اداکار للیت مانچندا اپنے گھر میں مردہ پائے گئے اور پولیس نے ان کی خود کشی کی تصدیق کردی ہے۔
بھارتی میڈیا کی رپورٹ کے مطابق 36 سالہ ٹی وی اسٹار للیت مانچندا کی لاش 21 اپریل کو ان کے رہائش سے برآمد ہوئی تھی اور پولیس تصدیق کرتے ہوئے کہا کہ اداکار کی لاش ان کے گھر سے پھندا لگی ہوئی ملی ہے۔
رپورٹ میں بتایا گیا کہ حکام نے واقعے کی اطلاع ملتے ہی وہاں پہنچے اور اداکار کی لاش پوسٹ مارٹم کے لیے اسپتال منتقل کردی۔
پولیس نے بتایا کہ جائے وقوع سے کوئی نوٹ نہیں ملا اور ابتدائی تفتیش میں قتل یا کسی اور کے ملوث ہونے کے نشانات نہیں ملے۔
تارک مہتا کا الٹا چشمہ کے مشہور اداکار کی موت کی خبر سنتے ہی ان کے دوستوں، مداحوں اور ساتھی غم میں ڈوب گئے ہیں۔
مقامی میڈیا کی رپورٹس میں بتایا گیا کہ للیت مانچندا ذہنی مسائل کے شکار تھے اور حالیہ مہینوں میں مشکلات کا سامنا کر رہے تھے۔
ایک رپورٹ میں بتایا گیا کہ انہیں ممبئی میں مالی مشکلات کا سامنا تھا اور 6 ماہ قبل واپس اپنے شہر میرٹھ منتقل ہوگئے تھے۔
سائن اینڈ ٹی وی آرٹسٹس ایسوسی ایشن نے سوشل میڈیا پر جاری بیان میں ساتھی اداکار کو خراج عقیدت پیش کیا اور ان کی انسٹاگرام پوسٹ میں ان کی تصویر بھی جاری کی۔
ایسوسی ایشن نے للیت مانچندا کی اچانک موت پر ان کے لواحقین سے اظہار تعزیت کیا اور للیت مانچندا 2012 سے ایسوسی ایشن کا رکن تھے۔
View this post on InstagramA post shared by CINTAA | Cine & TV Artistes' Association (@cintaaofficial)
للیت مانچندا نے ٹی وی ڈراموں اور پروگراموں کے ساتھ ساتھ بالی وڈ کی چند فلموں میں مختصر کردار بھی ادا کیے تاہم انہیں شہرت تارک مہتا کا الٹا چشمہ سے ملی اور ان کا آخری کام اسی مزاحیہ سیریز میں نظر آیا۔
سوشل میڈیا میں اسی ڈرامے کی مناسبت سے ان کی تصویر دلیپ جوشی کے نام سے مشہور ہوئی تھی۔
انہوں نے یہ رشتہ کیا کہلاتا ہے، کرائم پیٹرول، انڈیاز موسٹ وانٹڈ سمیت دیگر پروگراموں میں بھی کام کیا۔
عمرکوٹ این اے 213 پر ضمنی انتخاب آج ہوگا