پہلگام حملہ: بھارت کے فالس فلیگ بیانے کا پردہ چاک
اشاعت کی تاریخ: 23rd, April 2025 GMT
پہلگام حملہ: بھارت کے فالس فلیگ بیانے کا پردہ چاک WhatsAppFacebookTwitter 0 23 April, 2025 سب نیوز
پہلگام میں نہتے سیاحوں پر حالیہ حملہ جس میں 27 ہلاکتیں ہو چکی ہیں بھارت کی فالس فلیگ آپریشنز کی تاریخ میں ایک اور باب کا اضافہ ہے، جہاں بغیر کسی ٹھوس ثبوت کے پاکستان پر الزام دھر دینا معمول بن چکا ہے۔
یہ عمل دراصل بھارت کی ہائبرڈ جنگی حکمت عملی کا حصہ ہے جس کا مقصد پاکستان کو عالمی سطح پر بدنام کرنا، داخلی عوامی توجہ ہٹانا اور سیاسی مفادات حاصل کرنا ہوتا ہے، بھارت کی تاریخ اس طرح کےجھوٹے پراپیگنڈے سے بھری پڑی ہے۔
2007 کا سمجھوتہ ایکسپریس دھماکہ، جس میں 68 افراد جاں بحق ہوئے اور بعد میں ہندو انتہا پسند، حتیٰ کہ بھارتی فوج کا میجر رمیش بھی اس میں ملوث پایا گیا، 2008 کے ممبئی حملے، جنہیں انسدادِ دہشتگردی قوانین کے جواز کے طور پر استعمال کیا گیا اور 2013 میں سی بی آئی کے سابق افسر کے انکشافات نے کئی پردے ہٹا دیے،2018 میں انتخابات سے پہلے سیاحوں پر حملے، پلوامہ 2019 کا واقعہ، جہاں بغیر کسی تحقیق کے پاکستان کو مورد الزام ٹھہرایا گیا، اور بعد میں خود بھارت کے سابق گورنر نے حقائق سے پردہ اٹھایا، 2023 میں راجوری کا واقعہ، جو بی جے پی کے انتہا پسندانہ بیانیے کے عین مطابق سامنے آیااور اب 2025 کا پہلگام حملہ کسی ڈرامے سے کم نہیں
یہ سب واقعات اس بات کو واضح کرتے ہیں کہ بھارت کی ریاستی مشینری فالس فلیگ آپریشنز کے ذریعے ایک مربوط بیانیہ تشکیل دیتی ہے۔ دلچسپ بات یہ ہے کہ مقبوضہ کشمیر جیسے مکمل سیکیورٹی لاک ڈاؤن والے علاقے میں، جہاں ہر ساتویں شہری پر ایک بھارتی سپاہی تعینات ہے، ایسے حملے کیسے ممکن ہیں۔۔۔؟ بھارت کا بیانیہ نہ صرف کمزور ہے بلکہ حقائق کے سامنے مکمل طور پر بے نقاب ہو چکا ہے۔
بھارت نے ہمیشہ ایسے جعلی حملے اہم غیر ملکی معززین کے دوروں کے دوران رچائے، اور اس بار بھی امریکی نائب صدر کے دورہ بھارت کے موقع پر پاکستان کو دہشت گرد کے طور پر پیش کرنے کی ناکام کوشش کی گئی ہے۔ بھارت کی انٹیلی جنس اور سیکیورٹی ادارے اس طرح کی کارروائیوں میں مہارت رکھتے ہیں، جبکہ بھارتی میڈیا اس ریاستی بیانیے کو تقویت دینے والا اہم پروپگینڈا ہتھیار ہے۔
مقبوضہ جموں و کشمیر میں سیاحوں پر ہونے والے حالیہ حملے کا الزام پاکستان پر عائد بے بنیاد اور اپنی سکیورٹی کی ناکامیوں پر پردہ ڈالنے کے مترداف ہے۔ بین الاقوامی میڈیا میں شائع ہونے والی رپورٹس کے مطابق حملے کی ذمہ داری ایک کشمیری مزاحمتی گروپ نے قبول کی ہے، جو اس بات کا ثبوت ہے کہ یہ واقعہ مقامی سطح پر پیش آیا۔ بھارت کو اس بات پر شرم آنی چاہیے کہ مقبوضہ وادی میں سات سے آٹھ لاکھ فوجی تعینات ہونے کے باوجود وہ نہتے سیاحوں کو تحفظ فراہم کرنے میں ناکام رہا ہے۔
ایک ایسے وقت میں جب پاکستان نے فتنہ الخوراج اور بی ایل اے جیسے دہشتگرد گروہوں کو منظم اور عسکری حکمت عملی سے زیر کرلیا ہے اور پاکستان کے افغانستان کے ساتھ بھی تعمیری تعلقات قائم ہو رہے ہیں اس کے ساتھ ساتھ امریکا کی جانب سے بھی معاملات ٹھیک روش پر چل رہے ہیں ملک میں بھی سیاسی استحکام آرہا ہے تو یہی وجہ ہے کہ بھارت اپنے ناکام مگر طے شدہ عسکری آپشن آزمانے کی کوشش کررہا ہے تاکہ پاکستان کو اپنے پراکسی گروہوں کے ذریعے غیر مستحکم کرے اور فوجی محاذ پر الجھائے مگر بھارت یہ بات بھول جاتا ہے کہ پاکستان کی مسلح افواج شہادت کو عزیز رکھتی ہے اور ہندوتوا کے فاشزم کا مقابلہ کرتے ہوئے جان دینا اس کیلئے باعث فخر ہے۔
پہلگام واقعہ کے حوالے سے کچھ ایسے حقائق سامنے آئے ہیں جن سے یہ دعویٰ جھوٹ، بے بنیاد اور منفی پروپیگنڈا نظر آتا ہے، دیکھا جائے تو یہ واقعہ مقبوضہ کشمیر کے سیاحتی مقام پہلگام پر ہوا ہے، اگر نقشہ کو دیکھا جائے تو حیران کن بات سامنے آئے گی کہ یہ علاقے پاکستانی سرحد سے کافی دور واقع ہے۔ یہ علاقے کسی طرح بھی پاکستان کا سرحدی شہر نہیں بنتا جہاں باآسانی کو سرحد پار کرکے یہ سب کچھ کر جائے۔ پہگام پاکستانی سرحد سے تقریباً 400 کلومیٹر مغرب میں واقع ہے اور سری نگر کے مغرب میں تقریباً دو گھنٹے کی مسافت پر ہے۔ درمیان بھارت کی فوج بڑی تعداد میں موجود ہے تو یہ کیسے ممکن ہے کہ دہشتگرد باآسانی وہاں پہنچ کر یہ سب کچھ کر جائیں۔ اس لیے یہ واقعہ یقینی طور پر مقامی سطح پر ہوا ہے، چاہے وہ کشمیری عسکریت پسندوں کے ذریعے ہو یا بی جے پی کے حامیوں کی کسی کارروائی کا نتیجہ ہو۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرمستونگ: پولیو ٹیم پر حملہ، سکیورٹی پر مامور 2 لیویز اہلکار شہید مستونگ: پولیو ٹیم پر حملہ، سکیورٹی پر مامور 2 لیویز اہلکار شہید وزیراعظم نے حکومتی کارکردگی کے نظام میں بہتری کیلئے کمیٹی تشکیل دیدی امریکی کانگریس مین جیک برگمین کا عمران خان کی رہائی کا مطالبہ حساس اداروں سمیت سربراہ کیخلاف توہین آمیز پوسٹ؛ پیکا ایکٹ کے تحت شہری پر مقدمہ درج اسلام آباد میں عوامی سہولت کے لیے کئی بڑے منصوبے شروع کرنے کا فیصلہ عمران خان کی نااہلی پر احتجاج؛ پی ٹی آئی رہنماؤں سمیت دیگر ملزمان پر فرد جرم عائدCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
پڑھیں:
بھارت میں امریکی صدور کے دوروں سے جڑے دہشتگردی کے واقعات
امریکی نائب صدر جے ڈی وانس اس وقت بھارت کے سرکاری دورے پر ہیں اور اسی وقت بھارت میں مقبوضہ کشمیر کے سیاحتی مقام پہلگام میں دہشتگرد حملہ ہوا ہے۔ بھارتی میڈیا کی جانب سے حملے کا الزام پاکستان پر عائد کیا جا رہا ہے لیکن ابھی تک بھارت کی جانب سے سرکاری طور ایسا نہیں کہا گیا۔
ایک ایسے وقت میں جب انتہا پسند ہندو جماعت بھارتیہ جنتا پارٹی وقف ترمیمی بل کی وجہ سے بھارت کے اندر شدید تنقید کی زد میں ہے اور مغربی ممالک میں بھارت کی جانب سے لوگوں کی ٹارگٹ کلنگ کے ثبوت سامنے آ چکے ہیں، بھارت سفارتی میدان میں شدید دباؤ میں نظر آتا ہے اور ایسے ہی دباؤ کو ہٹانے کے لیے شاید اس نے اڑی اور پلوامہ طرز کا ایک فالس فلیگ آپریشن کر دیا ہے۔
یہ بھی پڑھیں مقبوضہ کشمیر: نامعلوم افراد کا سیاحتی مقام پر حملہ، 27 افراد ہلاک
اس فالس فلیگ آپریشن کی اہمیت اس وجہ سے بھی بڑھ جاتی ہے کیونکہ ماضی میں بھارت امریکی صدور کی آمد کے وقت یا کچھ دن بعد ایسے فالس فلیگ آپریشنز کرتا رہا ہے۔
20 مارچ سنہ 2000 کو جب سابق امریکی صدر بل کلنٹن بھارت کے دورے پر تھے تو مقبوضہ کشمیر کے ضلع اننت ناگ میں چٹھی سنگھ پورہ کے مقام پر ایسا ہی دہشتگرد حملہ کروایا گیا جس میں 35 سکھ موت کے گھاٹ اتار دیے گئے۔ امریکی صدر بل کلنٹن نے بھارت کے فوراً بعد پاکستان کا دورہ کیا تو اس واقعہ کی شدت نے ماحول کشیدہ کردیا۔
یکم مارچ 2006 کو امریکی صدر جارج بش بھارت کے دورے پر آئے تو ان کے دورے کے کچھ دن بعد 7 مارچ کو ہندوؤں کے مقدس شہر وارانسی کے مختلف مندروں میں بم حملے ہوئے جس کے لیے بھارت نے پاکستانی تنظیم لشکر طیبہ کو مورد الزام ٹھہرایا۔
نومبر 2010 میں امریکی صدر باراک اوباما نے بھارت کا دورہ کیا اور اس کے بعد دسمبر 2010 میں ایک بار پھر وارانسی میں بم حملے کیے گئے جن میں 37 لوگوں کی موت ہوئی۔
اس نقطہ نظر سے ہم نے دفاعی تجزیہ نگاروں سے بات چیت کی ہے، اور جاننے کی کوشش کی ہے کہ آخر ہر بار ایسا کیوں ہوتا ہے۔
بھارت مغربی سرحد سے پاکستان کی توجہ ہٹانا چاہتا ہے، جنرل (ریٹائرڈ) خالد نعیم لودھیجنرل (ر) خالد نعیم لودھی نے ’وی نیوز‘ سے گفتگو کرتے ہوئے کہاکہ جب بھی بھارت میں کوئی بڑا عالمی لیڈر آئے یا کوئی عالمی سطح کا ایونٹ ہو وہ اس طرح کا فالس فلیگ آپریشن کرتے ہیں۔ پلوامہ میں بھی یہی ہوا تھا جب ان کے اپنے گورنر نے تسلیم کیا تھا کہ یہ اندرونی کارروائی ہے، وہ بھی ایک ڈرامہ تھا اور یہ بھی ایک ڈرامہ ہے۔
انہوں نے کہاکہ بھارت اس سے پہلے امریکا اور کینیڈا میں اس نوعیت کی قتل کی وارداتیں کر چکا ہے اور اس کے کچھ مقاصد ہیں، سب سے پہلا مقصد یہ کہ پاکستان کی توجہ مغربی سرحد سے ہٹ جائے اور وہاں سے ٹی ٹی پی، داعش اور بی ایل اے کو پاکستان کے خلاف کارروائیاں کرنے کا موقع ملے، دوسرا مقصد اس کا یہ ہے کہ امریکا کو پاکستان سے دور کر دیا جائے اور بھارت امریکا کے قریب آ جائے۔
کیا بھارت پاکستان پر حملہ کرنے کی کوشش کر سکتا ہے؟ اس سوال کے جواب میں جنرل لودھی کا کہنا تھا کہ وہ ایسی غلطی نہیں کرےگا کیونکہ ایسی کسی کوشش کے نتیجے میں پاکستان میں داخلی انتشار ختم ہو جائے گا جس میں بھارت کا بھی ہاتھ ہے، اور تمام پاکستانی متحد ہو جائیں گے۔
کیا بھارت کی جانب سے لگائے جانے والے الزامات پر پاکستان کو بین الاقوامی تحقیقات کے لیے کہنا چاہیے؟ اس سوال کے جواب میں جنرل لودھی نے کہاکہ ابھی بھارت نے سرکاری طور پر پاکستان پر الزام عائد نہیں کیا بلکہ ان کا میڈیا اس طرح کا شور مچا رہا ہے، اگر بھارت سرکاری طور پر یہ الزام عائد کرتا ہے تو پاکستان کو بین الاقوامی تحقیقات کے لیے عالمی فورمز سے رجوع کرنے کی تجویز دینی چاہیے۔
اس طرح کے فالس فلیگ آپریشن بھارت کی پرانی عادت ہے، بریگیڈیئر (ر) آصف ہارونبریگیڈیئر(ریٹائرڈ) آصف ہارون نے وی نیوز سے گفتگو کرتے ہوئے کہاکہ سنہ 2000 میں امریکی صدر بل کلنٹن بھارت کے دورے پر آئے ہوئے تھے تو بھارت نے ایسا ہی ایک فالس فلیگ آپریشن چٹھی سنگھ پورہ میں کیا جس میں اپنے ہی لوگوں سے سکھوں کو مروایا اور الزام کشمیری مجاہدین پر ڈال دیا۔ یہ بھارت کی پرانی عادت ہے کہ جب بھی وہاں کوئی اعلیٰ سطحی دورہ ہوتا ہے وہ ایسی حرکت کرتے ہیں۔
انہوں نے کہاکہ 90 کی دہائی میں انہوں نے ایک جعلی الفاران گروپ بنایا جو ایک جعلی جہادی گروپ تھا اور وہ اصل جہادی تنظیموں کے اندر گھس چکا تھا، اس وقت بھارتی خفیہ ایجنسی اسرائیلی خفیہ ایجنسی موساد کے ساتھ مل کر کام کررہی تھی اور ان دونوں کا تعلق بہت پرانا ہے۔
انہوں نے کہاکہ 1989 سے ’را‘ اور موساد کا تعلق ہے اور اس نے انہیں سکھایا کہ کیسے حراستی مراکز بنانے ہیں، جھوٹی خبریں کیسے پھیلانی ہیں اور کیسے لوگوں کے اندر غلط فہمیاں پیدا کرنی ہیں۔ ممبئی حملوں کے بعد سے بھارت کئی فالس فلیگ آپریشن کر چکا ہے۔ وہ اڑی ہو، پلوامہ یا پھر ادھم کوٹ۔ لیکن اس وقت بھارت بہت زیادہ زیرعتاب آ چکا ہے۔
’مقبوضہ کشمیر میں نسل کشی پر بھارت پر بے انتہا دباؤ ہے‘انہوں نے کہاکہ امریکا اور کینیڈا سمیت مغربی ممالک نے اسے اپنی ریاستی حدود سے باہر کارروائیاں کرنے پر چارج شیٹ کردیا ہے اور بھارت نے وہیں پر پاکستان میں 15 سے 25 افراد کے قتل کی ذمے داری بھی قبول کی ہے۔
یہ بھی پڑھیں پاکستانی عوام نے بھارتی میڈیا کا پروپیگنڈا مسترد کردیا، ’انڈین فالس فلیگ آپریشن‘ سوشل میڈیا پر ٹاپ ٹرینڈ
آصف ہارون نے کہاکہ 5 اگست 2019 کے بعد سے بھارت نے کشمیر میں جو نسل کشی کر رکھی ہے اس کی وجہ سے بھی اس پر بے انتہا دباؤ ہے، جبکہ جعفر ایکسپریس حملے میں بھارت کے ملوث ہونے کے باقاعدہ ثبوت مل چکے ہیں اور پاکستان میں ’را‘ کے نیٹ ورک کو توڑا جا رہا ہے۔ دوسری طرف حکمران انتہا پسند جماعت بی جے پی اپنا ووٹ بینک کھو رہی ہے تو ان ساری وجوہات کی بنا پر یہ ڈراما رچایا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدور بھارت بی جے پی پاکستان پر الزامات دہشتگردی واقعات دورے فالس فلیگ آپریشن مودی سرکار وی نیوز
بجٹ میں تنخواہ دار طبقے کے لیے کیا ریلیف ملے گا، مجوزہ تفصیلات سامنے آ گئیں