ویمنز ورلڈ کپ تک رسائی، پاکستان ٹیم کی کپتان فاطمہ ثنا کیلیے بڑا اعزاز
اشاعت کی تاریخ: 21st, April 2025 GMT
لاہور:
انٹرنیشنل کرکٹ کونسل نے ویمنز کرکٹ ورلڈ کپ کوالیفائر 2025 کے اختتام پر ٹیم آف دی ٹورنامنٹ کا اعلان کر دیا ہے، جس میں چار مختلف ممالک کی بہترین کھلاڑیوں کو شامل کیا گیا ہے۔
پاکستان کی باصلاحیت کپتان فاطمہ ثنا کو ٹیم آف دی ٹورنامنٹ کی کپتانی سونپی گئی ہے۔
آئی سی سی ویمنز ٹیم آف دی ٹورنامنٹ میں فاطمہ ثنا کے ساتھ پاکستان کی منیبہ علی، نشرا سندھو، سعدیہ اقبال کو بھی شامل کیا گیا ہے۔
اوپنرز کی جوڑی میں ہیلی میتھیوز اور منیبہ علی شامل ہیں۔ ویسٹ انڈیز کی ہیلی میتھیوز نے شاندار آل راؤنڈر کارکردگی دکھائی، 240 رنز اور 13 وکٹیں حاصل کرکے وہ نہ صرف ٹورنامنٹ کی ٹاپ وکٹ ٹیکر رہیں بلکہ اپنی ٹیم کو کئی مواقع پر فتح کے قریب بھی پہنچایا۔
پاکستان کی منیبہ علی نے بھی مستحکم آغاز فراہم کیے، اسکاٹ لینڈ کے خلاف ان کی 71 رنز کی اننگز یادگار رہی۔
مڈل آرڈر میں شارمین اختر، کیتھرین بروس اور نگار سلطانہ کو شامل کیا گیا ہے۔ بنگلا دیش کی شارمین اختر نے 266 رنز کے ساتھ دوسرے سب سے زیادہ رنز بنانے والی بیٹر کا اعزاز حاصل کیا جبکہ اسکاٹ لینڈ کی کیتھرین بروس نے 293 رنز اور 6 وکٹوں کے ساتھ پلیئر آف دی ٹورنامنٹ کا خطاب اپنے نام کیا۔
View this post on InstagramA post shared by ICC (@icc)
بنگلا دیش کی کپتان اور وکٹ کیپر نگار سلطانہ جوٹی نے ایک سنچری اور دو نصف سنچریوں کے ساتھ شاندار بیٹنگ کی اور وکٹوں کے پیچھے بھی 5 کھلاڑیوں کو آؤٹ کیا۔
پاکستانی کپتان فاطمہ ثنا نے نہ صرف 12 وکٹیں حاصل کیں بلکہ مشکل مواقع پر ٹیم کو سنبھالا، تھائی لینڈ کے خلاف ان کی ناقابل شکست 62 رنز کی اننگز ٹیم کے لیے ریڑھ کی ہڈی ثابت ہوئی۔ ان کی قیادت میں پاکستان نے شاندار فتوحات حاصل کر کے میگا ایونٹ میں ناقابل شکست رہنے کا اعزاز بھی حاصل کیا۔
مڈل اور لوئر آرڈر میں چینیل ہنری اور عالیہ آلین شامل ہیں۔
ویسٹ انڈیز کی چینیل ہنری نے جارحانہ انداز میں بیٹنگ کرتے ہوئے کم گیندوں پر بڑے رنز بنائے، خاص طور پر بنگلا دیش کے خلاف 51 کی ناقابل شکست اننگز قابل ذکر ہے۔
عالیہ آلین نے نہ صرف 12 وکٹیں حاصل کیں بلکہ بیٹنگ میں بھی شاندار کارکردگی دکھائی، کیتھرین فریزر نے 10 وکٹیں حاصل کیں اور ویسٹ انڈیز کے خلاف اہم کامیابیاں حاصل کیں۔
پاکستان کی اسپن جوڑی نشرا سندھو اور سعدیہ اقبال نے مڈل اوورز میں حریف ٹیموں پر دباؤ ڈالا، نشرا نے 10 اور سعدیہ نے 9 وکٹیں حاصل کیں، دونوں کا اکانومی ریٹ شاندار رہا۔ ریزرو پلیئر میں بنگلا دیش کی رابعہ خان کو رکھا گیا ہے۔
.ذریعہ: Express News
کلیدی لفظ: ا ف دی ٹورنامنٹ وکٹیں حاصل کیں پاکستان کی فاطمہ ثنا بنگلا دیش کے ساتھ کے خلاف گیا ہے
پڑھیں:
مریم نواز کی ٹیم پنجاب کا فخر، سہولت بازار اتھارٹی کے لیے عالمی سرٹیفکیٹ کا اعزاز
پنجاب سہولت بازار اتھارٹی کو سوئٹزرلینڈ کے مستند ادارے کی جانب سے آئی ایس او 901 اور آئی ایس او 27001 کے عالمی معیار کے سرٹیفکیٹ حاصل ہونے پر وزیراعلیٰ مریم نواز شریف نے خوشی اور مبارکباد کا اظہار کیا۔
یہ بھی پڑھیں:شاندار کارکردگی اور تاریخی پیشرفت، پنجاب پرفارمنس اور احتساب میں سب سے آگے
یہ کامیابی پنجاب کے عوام کے لیے سستی اور معیاری اشیاء کی فراہمی کے سلسلے میں سہولت بازار اتھارٹی کے اہم کردار کو اجاگر کرتی ہے۔
مریم نواز نے کہا کہ پنجاب سہولت بازار اتھارٹی پہلی ایسی ادارہ بن گئی ہے جس نے آئی ایس او 901 اور آئی ایس او 27001 سرٹیفکیٹ حاصل کر کے عالمی معیار پر اپنی کارکردگی ثابت کی۔ انہوں نے اس کامیابی کو پنجاب اور عوام کے لیے شاندار اور بے مثال قرار دیا۔
جس شہر میں بھی جائیں، وزیراعلیٰ پنجاب مریم نواز کی سہولتیں ہر جگہ نظر آتی ہیں۔ آج پتوکی میں ماڈل سہولت بازار کا وزٹ کیا گیا، شہری سستی اور معیاری اشیاء سے مستفید ہو رہے ہیں۔ pic.twitter.com/R4qpUnfgtk
— ALI HASNAIN BHATTI (@ah_bhti1) December 13, 2025
سہولت بازار اتھارٹی نے صوبہ بھر میں 17 ہزار سے زائد سٹال قائم کر کے عوام کو سستی اور معیاری اشیاء فراہم کرنے کا منفرد ریکارڈ قائم کیا ہے۔
پنجاب کے 36 اضلاع میں 6 ہزار سٹال قائم ہیں جبکہ نئے بننے والے 10 سہولت بازاروں میں ایک ہزار سٹال مزید عوام کی سہولت کے لیے فراہم کیے گئے ہیں۔ ویک اینڈ پر پنجاب بھر میں 10 ہزار سے زائد عارضی سٹال عوامی ضرورت پوری کرتے ہیں۔
وزیراعلیٰ مریم نواز نے کہا کہ سہولت بازار اتھارٹی نے پھل، سبزیوں اور دیگر اشیاء کی سستے داموں فراہمی یقینی بنا کر عوامی خدمت میں نمایاں کردار ادا کیا ہے۔
یہ بھی پڑھیں: پنجاب اسمبلی: اسموگ اور موسمی بیماریوں کے تدارک سے متعلق قرارداد منظور
انہوں نے مزید کہا کہ سستی اور معیاری اشیاء پنجاب کے عوام کا حق ہیں اور سہولت بازار اتھارٹی صوبہ کے سرکاری اداروں کو حقیقی معنوں میں خدمت مرکز بنانے کے عزم پر کاربند ہے۔
مریم نواز نے کہا کہ سہولت بازاروں کا دائرہ کار ڈویژن، اضلاع، تحصیل سے لے کر چھوٹے شہروں تک بڑھانے کے لیے کام جاری ہے اور جنوری تک مزید 3 اضلاع میں سہولت بازار شروع کرنے کا ہدف مقرر کیا گیا ہے۔
انہوں نے اس بات پر زور دیا کہ پنجاب میں سستی روٹی اور سستا آٹا عوام کے لیے احساس پروگرام کا ناقابل تردید ثبوت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب سہولت بازار مریم نواز وزیراعلٰی پنجاب
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر