کیا عمر رسیدہ افراد میں سماعت کی کمی ڈیمینشیا کا باعث بن سکتی ہے؟
اشاعت کی تاریخ: 18th, April 2025 GMT
ایک تفصیلی تحقیق سے پتا چلا ہے کہ عمررسیدہ افراد میں سماعت کی کمی اور ڈیمنشیا کے درمیان ایک مضبوط تعلق پایا جاتا ہے۔
یہ بھی پڑھیں: تنہائی، پریشانی اور افسردگی کس بڑی بیماری میں مبتلا کرتی ہیں؟
غیر ملکی میڈیا کے مطابق جانز ہاپکنز یونیورسٹی، نیو یارک یونیورسٹی اور دیگر جگہوں کے محققین کا کہنا ہے کہ نئی ریسرچ نے عمر رسیدہ افراد میں سماعت کی کمی اور ڈیمینشیا کے بیچ تعلق کو مزید تقویت بخشی ہے۔
نئی تحقیق میں 3000 لوگوں کے میڈیکل ریکارڈ کا جائزہ لیا گیا۔ نیشنل انسٹی ٹیوٹ آف ہیلتھ کی قیادت میں یہ تاریخی کوشش بنیادی طور پر ایتھروسکلروسیس اور دل کی بیماری کی وجوہات کو سمجھنے کے لیے کئ گئی ہے۔ سنہ 1987 سے 2014 تک اس نے 4 امریکی کمیونٹیز میں رہنے والے 35 سے 84 سال کی عمر کے 400،000 بالغوں کی صحت کے نتائج کا پتا لگایا۔
75 سال کی اوسط عمر کے 2,946 شرکا کے ریکارڈز کا مطالعہ کرکے ماہرین نے اندازہ لگایا کہ اس آبادی میں ڈیمینشیا کے 3 نئے کیسز میں سے ایک کو طبی لحاظ سے اہم سماعت کی کمی سے منسوب کیا جا سکتا ہے۔
بالٹی مور کے جانس ہاپکنز بلومبرگ اسکول آف پبلک ہیلتھ کے سرکردہ مصنفین میں سے ایک ڈاکٹریٹ طالب علم جیسن آر اسمتھ کا کہنا ہے کہ اس تجزیے نے کئی سطحوں پر نئی انکشافات کیے ہیں۔
مزید پڑھیں: آٹزم پیدا ہونے کی وجہ اور اس کا جینیاتی راز کیا ہے؟
جیسن آر اسمتھ نے کہا کہ اگرچہ سماعت کی کمی اور ڈیمینشیا کے درمیان تعلق مضبوط ہو رہا ہے لیکن یہ ایک معمہ ہے کہ وہ کیوں جڑے ہوئے دکھائی دیتے ہیں۔
چند ممکنہ وضاحتیں پیش کرتے ہوئے اسمتھ نے کہا کہ یہ ہو سکتا ہے کہ سماعت کی کمی سماجی تنہائی کو بڑھاتی ہو اور علمی طور پر افزودگی کی سرگرمیوں کو کم کرتی ہو۔
انہوں نے کہا کہ سماعت کا نقصان دماغ پر تناؤ کو بھی بڑھا سکتا ہے اور روزمرہ زندگی کے کاموں کو کرنے کی کوشش کرتے ہوئے سننے میں مسلسل دشواری کا سامنا کرنا پڑتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈیمینشیا سماعت کی کمی عمر رسیدہ افراد.ذریعہ: WE News
کلیدی لفظ: ڈیمینشیا سماعت کی کمی عمر رسیدہ افراد سماعت کی کمی
پڑھیں:
جی ایچ کیو حملہ کیس کی سماعت پھر ملتوی، وجہ بھی سامنے آگئی
راولپنڈی:بانی چیئرمین پی ٹی آئی عمران خان سمیت سیگر ملزمان کے خلاف جی ایچ کیو حملہ کیس کی سماعت آج نہیں ہوگی، عدالتی اہلکار کچھ دیر میں سماعت کے لیے نئی تاریخ مقرر کریں گے۔
انسداد دہشت گردی عدالت کے جج آج چھٹی پر ہیں اور اس حوالے سے تمام بڑے ملزمان کو جج کی چھٹی سے متعلق آگاہ کر دیا گیا۔
سپریم کورٹ کا چار ماہ میں ٹرائل مکمل کرنے کا حکم ابھی عدالت نہیں پہنچا۔
جج کی چھٹی کے باعث عدالت کے باہر سے پولیس کی نفری بھی واپس بھیج دی گئی جبکہ عدالت پیش ہونے والے ملزمان کو حاضری لگا کر جانے کی اجازت دی گئی۔
انسداد دہشت گردی عدالت کے جج امجد علی شاہ نے کیس کی سماعت کرنا تھی، جس میں دو اہم گواہان، مجسٹریٹ مجتبیٰ اور سب انسپکٹر ریاض کو پانچویں بار طلب کیا گیا تھا۔
مذکورہ کیس گزشتہ دو ماہ سے التواء کا شکار ہے اور اب تک مقدمہ میں 119 گواہان میں سے صرف 25 کے بیانات ریکارڈ ہو سکے ہیں، جبکہ جرح کا عمل ابھی تک مکمل نہیں ہو سکا۔
پاراچنار کے منتخب چیئرمین مزمل حسین فصیح کو بلاجواز جیل میں قید رکھا گیا ہے، علامہ مقصود ڈومکی