وہ معاشرے اور قومیں ہمیشہ ترقی کرتی ہیں جہاں ذمہ داری کو تسلیم کیا جائے، میئر کراچی
اشاعت کی تاریخ: 18th, April 2025 GMT
تقریب سے خطاب کرتے ہوئے بیرسڑ مرتضیٰ وہاب نے کہا کہ جو شخص زندگی میں کامیابی حاصل کرتا ہے اس کو یہاں تک پہنچانے میں اساتذہ، والدین اور معاشرے کا اہم کردار ہوتا ہے، ہمیں سی ایس ایس کارنر جیسے بے لوث اداروں کی کوششوں کو پروان چڑھانا چاہیئے۔ اسلام ٹائمز۔ میئر کراچی بیرسٹر مرتضیٰ وہاب نے کہا ہے کہ جس معاشرے اور شہر نے ہمیں عزت دی، شہرت دی اور جینے کا سلیقہ سکھایا، ہم پر فرض ہے کہ ہم اس شہر کی خدمت کریں اور مل جل کر آنے والے وقت کو اپنی نسل کے لئے بہتر بنائیں۔ ان خیالات کا اظہار میئر کراچی بیر سٹر مرتضیٰ وہاب نے فریئر ہال میں سی ایس ایس کارنر کے نئے بیج کی افتتاحی تقریب سے مہمان خصوصی کی حیثیت سے خطاب کرتے ہوئے کیا۔ اس موقع پر ڈپٹی کمشنر وسطی طحہٰ سلیم، چیف پیٹرن سی ایس ایس کارنر طارق مصطفی، سلطانہ صدیقی، طارق فواد، علی حسن ساجد اور دیگر نے بھی خطاب کیا۔
میئر کراچی بیرسٹر مرتضیٰ وہاب نے کہا کہ وہ معاشرے اور قومیں ہمیشہ ترقی کرتی ہیں جہاں ذمہ داری کو تسلیم کیا جائے اور حقوق کے ساتھ ساتھ فرائض بھی انجام دیئے جائیں۔ انہوں نے کہا کہ جو شخص زندگی میں کامیابی حاصل کرتا ہے اس کو یہاں تک پہنچانے میں اساتذہ، والدین اور معاشرے کا اہم کردار ہوتا ہے، ہمیں سی ایس ایس کارنر جیسے بے لوث اداروں کی کوششوں کو پروان چڑھانا چاہیئے۔ انہوں نے کہا کہ اعلیٰ تعلیم پر بلاامتیاز و تفریق ہر شخص کا حق ہے اور علم کسی کی میراث نہیں ہے، آج بے شمار غریب والدین کے بچے سی ایس ایس کی تعلیم حاصل کرکے اعلیٰ عہدوں پر فائز ہیں اور ملک و قوم کی خدمت کر رہے ہیں۔
میئر کراچی بیر سٹر مرتضیٰ وہاب نے کہا کہ کراچی کی تاریخ و تہذیب کو ہمیں سنبھالنا ہے اور تاریخی مقامات کو محفوظ بنانا ہے، بلدیہ عظمیٰ کراچی فریئر ہال، خالقدینا ہال، کے ایم سی بلڈنگ اور ڈینسو ہال کی تعمیر اور تزئین و آرائش کر رہی ہے اور ان تمام عمارات کو عوام کے لئے کھلا رکھا جائے گا۔ انہوں نے کہا کہ کراچی میں جتنے بھی پبلک مقامات ہیں وہ شہریوں کی امانت ہیں۔ انہوں نے کہا کہ مجھے تاریخی عمارات اور عوامی مقامات سے محبت ہے اور میں چاہتا ہوں کہ یہ عوام کے لئے کھلے ہوں، ان عوامی مقامات پر مشاعرے، مذاکرے، شام موسیقی اوردیگر تقریبات منعقد ہوں۔
ذریعہ: Islam Times
کلیدی لفظ: سی ایس ایس کارنر انہوں نے کہا کہ وہاب نے کہا میئر کراچی ہے اور
پڑھیں:
لاہور، پوپ فرانسس کے انتقال کر تعزیتی اجلاس کا انعقاد
اجلاس میں مولانا عاصم مخدوم کا کہنا تھا کہ پوپ فرانسس کی بین المذاہب خدمات اور دنیا بھر کے مظلوموں کیلئے جدوجہد کو ہمیشہ یاد رکھا جائے گا۔ انہوں نے مزید کہا کہ پوپ فرانسس نے ہمیشہ ظلم کیخلاف آواز بلند کی، انکی وفات سے بین المذاہب رواداری کیلئے ایک خلا پیدا ہو گیا ہے۔ اسلام ٹائمز۔ ریگل چوک چرچ میں عالمی کیتھولک چرچ کے روحانی پیشوا پوپ فرانسس کے انتقال پر بین المذاہب تعزیتی اجلاس کا انعقاد کیا گیا۔ تقریب میں مسلم، مسیحی، ہندو اور سکھ رہنماوں نے شرکت کی۔ رہنماوں نے پوپ فرانسس کی خدمات کو خراج عقیدت پیش کیا اور ان کی یاد میں شمعیں روشن کیں۔ اجلاس میں چیئرمین کُل مسالک علماء بورڈ مولانا عاصم مخدوم، مفتی عاشق حسین، علامہ اصغر عارف چشتی، صغیر ورک، فادر آصف سردار، فادر نقاش اعظم، فادر رفحان فیاض، ماڈریٹر ڈاکٹر مجید ایبل، پنڈت بھگت لال کھوکھر سمیت دیگر موجود تھے۔ اجلاس میں مولانا عاصم مخدوم کا کہنا تھا کہ پوپ فرانسس کی بین المذاہب خدمات اور دنیا بھر کے مظلوموں کیلئے جدوجہد کو ہمیشہ یاد رکھا جائے گا۔ انہوں نے مزید کہا کہ پوپ فرانسس نے ہمیشہ ظلم کیخلاف آواز بلند کی، انکی وفات سے بین المذاہب رواداری کیلئے ایک خلا پیدا ہو گیا ہے۔
سنگاپور میں پارلیمنٹ تحلیل، عام انتخابات 3 مئی کو ہوں گے