تل ابیب اور 2 طیارہ بردار امریکی بحری جہازوں پر کامیاب یمنی حملے
اشاعت کی تاریخ: 18th, April 2025 GMT
یمنی مسلح افواج کے ترجمان نے صنعاء کے عوام کو، غاصب صیہونی رژیم کے دارالحکومت اور اسکے ساتھ ساتھ بحیرۂ مکران میں موجود طیارہ بردار امریکی بحری بیڑوں "ٹرومین" و "ونسن" پر یمنی مسلح افواج کے وسیع میزائل و ڈرون حملوں کی خبر دی ہے! اسلام ٹائمز۔ یمنی مسلح افواج کے ترجمان بریگیڈیئر جنرل یحیی السریع نے آج صنعا کے السبعین اسکوائر میں جمع ہونے والے لاکھوں یمنی عوام کے ساتھ خطاب میں حالیہ دنوں میں انجام پانے والے متعدد میزائل، ڈرون و دفاعی آپریشنز کا اعلان کیا ہے۔ جنرل یحیی السریع نے اعلان کیا کہ 2 علیحدہ علیحدہ فوجی کارروائیوں میں مقبوضہ فلسطینی شہر یافا (تل ابیب) میں بن گورین ہوائی اڈے کے قریب واقع غاصب و سفاک صیہونی فوج کے 1 حساس فوجی ہدف کے ساتھ ساتھ 2 طیارہ بردار امریکی بحری بیڑوں "ٹرومین" اور "فنسن" اور بحیرہ احمر و بحیرہ عرب میں، ان کے ساتھ آنے والے دوسرے جنگی بحری جہازوں کو بھی کامیابی کے ساتھ نشانہ بنایا گیا ہے۔ انہوں نے زور دیتے ہوئے کہا کہ پہلی کارروائی میں بن گورین نامی صیہونی ہوائی اڈے کے قریب واقع اہم اسرائیلی فوجی ہدف پر "ذوالفقار" بیلسٹک میزائل داغا گیا۔
جنرل یحیی السریع نے کہا کہ یمنی مسلح افواج مسلسل دوسرے مہینے میں بھی امریکی جارحیت کا فعال انداز میں مکمل ذمہ داری کے ساتھ مقابلہ کر رہی ہیں اور جیسا کہ انہوں نے وعدہ کیا ہے، کشیدگی میں اضافے کا بھرپور ردعمل کے ساتھ جواب دیا جائے گا۔ یمنی مسلح افواج کے ترجمان کے مطابق دوسری یمنی مزاحمتی کارروائی میں یمنی میزائل، ڈرون و بحری یونٹس نے کئی ایک کروز میزائلوں اور ڈرون طیاروں کے ذریعے، مشترکہ طور پر بحیرہ احمر و بحیرہ عرب میں موجود 2 طیارہ بردار امریکی بحری جہازوں ٹرومین اور فنسن اور ان کے ہمراہ موجود دوسرے جنگی جہازوں کو نشانہ بنایا ہے۔ انہوں نے زور دیتے ہوئے کہا کہ یہ پہلا موقع ہے کہ جب بحیرہ عرب میں داخل ہونے کے بعد "فنسن" پر حملہ کیا گیا ہے۔ بریگیڈیئر جنرل یحیی السریع نے صوبہ صنعا کے آسمان پر ایک پیشرفتہ امریکی MQ-9 ڈرون طیارے کے مار گرائے جانے کا بھی اعلان کیا اور تاکید کرتے ہوئے کہا کہ اس ڈرون طیارے کو مقامی سطح پر بنائے گئے زمین سے فضا میں مار کرنے والے یمنی میزائل کے ساتھ معاندانہ کارروائیوں کے دوران نشانہ بناتے ہوئے مار گرایا گیا۔ انہوں نے غزہ کی حمایت میں یمنی مزاحمتی کارروائیوں کے تسلسل پر تاکید کرتے ہوئے اعلان کیا یہ گذشتہ 3 ہفتوں میں مار گرایا جانے والا 5واں امریکی ڈرون ہے جبکہ "فتح موعود و جہاد مقدس" کے آغاز سے لے کر اب تک مار گرایا جانے والا 20واں پیشرفتہ امریکی ڈرون ہے!
ذریعہ: Islam Times
کلیدی لفظ: طیارہ بردار امریکی بحری جنرل یحیی السریع نے یمنی مسلح افواج کے اعلان کیا انہوں نے کے ساتھ کہا کہ
پڑھیں:
امریکی وزیر دفاع نے یمن حملے سے متعلق حساس منصوبہ غیر متعلقہ افراد سے شیئر کیا، میڈیا رپورٹس
امریکی وزیر دفاع پیٹ ہیگستھ نے نجی سگنل چیٹ گروپ میں یمن پر امریکی فضائی حملوں کے بارے میں حساس معلومات غیر متعلقہ افراد کے ساتھ شیئر کردیں۔
نیویارک ٹائمز اور سی این این نے رپورٹ کیا کہ امریکی وزیر نے نجی سگنل چیٹ گروپ میں یمن پر آئندہ امریکی فضائی حملوں کے بارے میں معلومات شیئر کیں جب کہ اس گروپ میں ان کی اہلیہ، بھائی اور ذاتی وکیل شامل تھے۔
رپورٹ کے مطابق اس بات چیت میں تفصیل سے بتایا گیا تھا کہ کب کیا ہوگا، جب کہ امریکی وزیر دفاع پر غیر مجاز افراد کے ساتھ ایک کمرشل پیغام رسا ایپ کے ذریعے حساس فوجی معلومات کا اشتراک کرنے کا الزام لگایا گیا ہے۔
پچھلے مہینے دی اٹلانٹک میگزین نے انکشاف کیا تھا کہ اس کے ایڈیٹر انچیف کو انجانے میں ایک سگنل چیٹ میں شامل کیا گیا جس میں وزیر دفاع اور قومی سلامتی کے مشیر مائیک والٹز سمیت دیگر حکام نے 15 مارچ کو ہونے والے حملوں پر تبادلہ خیال کیا تھا۔
اس انکشاف نے ہنگامہ برپا کر دیا تھا جب کہ امریکی صدر ڈونلڈ ٹرمپ کی انتظامیہ کو غیر دانستہ طور پر حساس معلومات لیک کرنے پر اسکینڈل کا سامنا کرنا پڑا، اس اس لیک کے بارے میں پینٹاگون کے انسپکٹر جنرل کی تحقیقات جاری ہیں۔
امریکی وزیر دفاع کو اپنے ہی حامی کیمپ کے اندر سے بڑھتی ہوئی تنقید کا سامنا ہے جب کہ تین سابق عہدیداروں نے اپنے ایک تحریری بیان میں ان کی مذمت کی اور پینٹاگون کے ان کے اپنے ایک سابق ترجمان نے اتوار کو انہیں برطرف کرنے کا مطالبہ کیا۔
میڈیا رپورٹ پر رد عمل دیتے ہوئے پینٹاگون کے ترجمان شان پارنیل نے نیویارک ٹائمز پر ٹرمپ سے نفرت کرنے والا میڈیا گروپ ہونے کا الزام لگایا۔
اخبار نے رپورٹ کیا کہ شیئر کی گئی معلومات میں یمن میں حوثیوں کو نشانہ بنانے والی پروازوں کا شیڈول بھی شامل ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج