نسیم شاہ کا خوش رہنے کا عزم اور نجی زندگی پر تنقید کا دوٹوک جواب
اشاعت کی تاریخ: 18th, April 2025 GMT
قومی کرکٹ ٹیم کے نوجوان فاسٹ بولر نسیم شاہ نے کہا ہے کہ وہ ہمیشہ یہی کوشش کرتے ہیں کہ خوش رہیں اور امید رکھتے ہیں کہ شادی کے بعد بھی خوشی کا یہ سلسلہ جاری رہے گا اسلام آباد یونائیٹڈ کی جانب سے پاکستان سپر لیگ سیزن دس میں نمائندگی کرنے والے نسیم شاہ نے ایک انٹرویو میں گفتگو کرتے ہوئے کہا کہ بابر اعظم والی ڈرائیو انہیں بہت پسند ہے اور وہ اشتہارات میں زیادہ آنے کے حوالے سے کسی کو جوابدہ نہیں نسیم شاہ کا کہنا تھا کہ انہیں زندگی کو انجوائے کرنے کا خوب انداز آتا ہے اور اگر کوئی جاننا چاہے تو شاداب خان سے پوچھ سکتا ہے ان کا کہنا تھا کہ انسان کو ہمیشہ سیکھنے کی کوشش کرنی چاہیے اور بطور کھلاڑی میدان میں جارحانہ انداز اختیار کرنا ضروری ہے تاکہ اپنی صلاحیتوں کا بھرپور اظہار کیا جا سکے فاسٹ بولر نے سابق کرکٹرز کی جانب سے نجی زندگی پر تنقید کیے جانے پر واضح موقف اختیار کرتے ہوئے کہا کہ مداح اگر ذاتی زندگی پر بات کریں تو قابل فہم ہے کیونکہ وہ صرف کرکٹ دیکھتے ہیں لیکن سابق کرکٹرز جنہوں نے دس سے پندرہ سال کرکٹ کھیلی ہو انہیں ذاتی معاملات پر تنقید سے گریز کرنا چاہیے ان کا کہنا تھا کہ اگر سابق کھلاڑی یہ بتائیں کہ اس پچ پر کیسے گیند بازی کی جانی چاہیے یا بولنگ میں بہتری کے مشورے دیں تو وہ نہ صرف دلچسپی سے سنیں گے بلکہ سیکھنے کی بھی کوشش کریں گے نسیم شاہ نے کہا کہ بعض لوگ اس بات پر تنقید کرتے ہیں کہ کھلاڑی نے کیسا بال بنایا یا شیو کی یا کوئی اشتہار کیا جو سراسر ذاتی زندگی سے متعلق باتیں ہیں اور انہیں اس میں تنقید کا نشانہ بنانا مناسب نہیں وہ سابق کرکٹرز کو لیجنڈ سمجھتے ہیں لیکن اگر وہ اسی انداز میں بات کریں گے تو کیا انہیں بھی نظرانداز کر دیا جائے ان کا کہنا تھا کہ اگر میچ میں کارکردگی بہتر نہ ہو تو مداحوں کی جانب سے تنقید سمجھ میں آتی ہے لیکن سابق کرکٹرز کی جانب سے اگر وہی باتیں ہوں جن کا کرکٹ سے کوئی تعلق نہ ہو تو وہ بات ناقابل فہم ہو جاتی ہے
.ذریعہ: Nawaiwaqt
کلیدی لفظ: کا کہنا تھا کہ سابق کرکٹرز کی جانب سے نسیم شاہ
پڑھیں:
بھارتی کرکٹرز کے سینٹرل کنٹریکٹس کا اعلان، کئی نئے چہرے شامل
نیو دہلی:بھارتی کرکٹ بورڈ نے 2024-25 کے لیے سینٹرل کنٹریکٹس حاصل کرنے والے کھلاڑیوں کی فہرست جاری کر دی۔
مجموعی طور پر 34 کھلاڑیوں کو سینٹرل کنٹریکٹ دیا گیا جس میں شریاس آئیر اور ایشان کشن نے واپسی کی ہے جبکہ متعدد نئے چہروں کو بھی شامل کیا گیا ہے۔
شریاس آئیر نے آئی سی سی چیمپئنز ٹرافی 2025 میں شاندار کارکردگی کا مظاہرہ کرتے ہوئے بھارت کے لیے سب سے زیادہ رنز بنائے تھے جنہیں گریڈ 'بی' میں شامل کیا گیا ہے۔
دوسری جانب وکٹ کیپر بلے باز ایشان کشن جو گزشتہ سیزن میں کنٹریکٹ سے محروم ہوگئے تھے اس بار گریڈ 'سی' میں واپس آگئے ہیں۔
بی سی سی آئی کی جانب سے جاری کردہ فہرست کے مطابق روہت شرما، ویرات کوہلی، جسپریت بمراہ اور رویندرا جڈیجا کو سب سے اعلیٰ کیٹیگری یعنی گریڈ 'اے پلس' میں برقرار رکھا گیا ہے۔ ان کھلاڑیوں کو سالانہ 7 کروڑ بھارتی روپے معاوضہ ملے گا۔
فہرست میں رشبھ پنت کو گریڈ 'اے' میں ترقی دی گئی ہے جبکہ سینئر آف اسپنر روی چندرن اشون کو فہرست سے نکال دیا گیا ہے کیونکہ وہ گزشتہ سال آسٹریلیا کے خلاف سیریز کے بعد بین الاقوامی کرکٹ سے ریٹائر ہو چکے ہیں۔
دیگر چار کھلاڑیوں جتیس شرما، کے ایس بھارت، آویش خان اور شاردل ٹھاکر کو بھی اس سال سینٹرل کنٹریکٹ نہیں دیا گیا۔
کنٹریکٹ یافتہ کھلاڑیوں میں شامل نئے چہرے دُھروو جُوریل، سرفراز خان، نِتیش کمار ریڈی، اَبھشیک شرما، آکاش دیپ، ورن چکرورتی اور ہرشت رانا شامل ہیں جنہیں گریڈ 'سی' میں رکھا گیا ہے۔
واضح رہے کہ بی سی سی آئی سینٹرل کنٹریکٹ کی بنیاد پر کھلاڑیوں کو چار درجات میں تقسیم کرتا ہے جس کے مطابق انہیں سالانہ معاوضہ دیا جاتا ہے۔
بورڈ کی پالیسی کے مطابق وہ کھلاڑی جو قومی ٹیم کا حصہ نہ ہوں ان کے لیے ڈومیسٹک کرکٹ میں شرکت کو لازمی قرار دیا گیا ہے تاکہ ان کی کارکردگی کا تسلسل برقرار رہے۔
مکمل فہرست:
گریڈ اے پلس
روہت شرما، ویرات کوہلی، جسپریت بمراہ، رویندرا جڈیجا
گریڈ اے
محمد سراج، کے ایل راہول، شبمن گل، ہاردک پانڈیا، محمد شامی، رشبھ پنت
گریڈ بی
سوریا کمار یادو، کلدیپ یادو، اکشر پٹیل، یشسوی جیسوال، شریاس آئیر
گریڈ سی
رنکو سنگھ، تلک ورما، رُتُراج گائیکواڑ، شِوَم دوبے، روی بشنوی، واشنگٹن سندر، مُکیش کمار، سنجو سیمسن، اَرشدیپ سنگھ، پرسدھ کرشنا، رَجت پَٹیدار، دُھروو جُوریل، سرفراز خان، نِتیش کمار ریڈی، ایشان کِشن، اَبھشیک شرما، آکاش دیپ، ورن چکرورتی، ہرشت رانا
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج