اب معیشت ڈوبنے کی آواز نہیں آتی، بجلی نرخ، مہنگائی کم ہونے کی باتیں ہو رہی ہیں: مریم نواز
اشاعت کی تاریخ: 18th, April 2025 GMT
لاہور (نوائے وقت رپورٹ+ نیوز رپورٹر) ’’شالا وسدا روے پنجاب‘‘ صوبہ کی تاریخ میں پہلی مرتبہ پنجاب دیہاڑ کی تین روزہ رنگا رنگ تقریبات کا الحمراء میں آغاز ہوگیا۔ وزیراعلیٰ مریم نے محکمہ اطلاعات و ثقافت کے زیر اہتمام پنجاب دیہاڑ کی تقریب میں خصوصی طور پر شرکت کی۔ مریم نواز کے الحمراء آرٹس کونسل پہنچنے پر روایتی انداز میں پرتپاک استقبال کیا گیا۔ الحمراء آرٹس کونسل کے احاطے میں ڈھول کی دھمک، رنگیلے گھوڑے، اونٹوں کا مست رقص اور فوک موسیقی بھی پیش کی گئی۔ مریم نوازشریف نے استاد اللہ بخش گیلری میں پنجاب کے حسین نظاروں پر مشتمل آرٹ نمائش کا افتتاح بھی کیا۔ ذوالفقار زلفی کی بنائی پینٹنگ میں لاہور کی ثقافت کی شاندار عکاسی کی گئی۔ وزیراعلی نے پینٹنگ کو سراہا۔ وزیر اطلاعات وثقافت عظمیٰ زاہد بخاری نے بریفنگ دی اور مریم نواز کی آمد کا خیر مقدم کیا گیا۔ مریم نواز نے برنی گارڈن میں انوکھے اور منفرد’’پنڈ‘‘ کا تفصیلی دورہ کیا۔ مریم نواز نے چوڑیوں، کھگو گھوڑے، کھسے، بلاک پرنٹ، مکیش اور گوٹا کناری ملبوسات میں گہری دلچسپی کا اظہار کیا۔ دستکاری، پنجابی پگڑی، شملے،گنڈاسا، کھنڈا، ہڑپہ اور ٹیکسلا آرٹ نمونوں کے سٹال کا معائنہ کیا۔ وزیراعلی نے گندھارا آرٹ مجسمے، ایمبرائیڈری آرٹ، سولر پینٹنگ پینسل مائیکرو آرٹ اور چاول کے دانے پر خطاطی دیکھی۔ کھجور کے رنگ برنگ پتوں سے بنی چھابی، پچھی، چنگیر، پلیٹ، پکھے کی بناوٹ کا مشاہدہ کیا۔ چاک پر مٹی کی برتن، کھڈی پر کپڑے کی بنت، اونٹ کی کھال کی لیمپ دیکھے اور پسند کئے۔ مریم نواز نے روایتی پنجابی مونڈھے، منجیاں، لکڑی کے چولہے، چوبارہ اور دیگر اشیاء میں اظہارِ دلچسپی لی۔ دستکاری سٹال پر ننھی وردا اور دیگر فنکاروں کی خواہش پر تصاویر بنوائیں۔ روایتی دیہاتی ماحول دیکھ کر اظہار مسرت، منفرد آئیڈیا کو سراہا۔ وزیراعلیٰ مریم نوازشریف نے’’پنڈ‘‘میں چھپرچھت والے روایتی گھروں، فرنیچر، مٹی کے برتن اور دیگر روزمرہ استعمال کی روایتی اشیاء دیکھ کر اظہار مسرت کیا۔ وزیراعلیٰ پنجاب ثقافت دیہاڑ کی تقریب میں حامد رانا، سہیل اصغر، راشد محمود، عارف لوہار، ریشم اور دیگر سینئر فنکاروں کے درمیان بیٹھ گئیں۔ تقریب میں انسٹرومنٹل ٹیون پر قومی ترانے پیش کیا۔ غیر ملکی سفارتکاروں، صوبائی وزراء، معاونین، افسر اور دیگر شرکاء نے پگڑیاں پہن کر شرکت کی۔ تقریب میں پیلے اور سرخ پنجابی لاچے کرتے میں ملبوس ڈھولچیوں نے فن کا مظاہرہ کیا۔ رنگا رنگ روایتی ملبوسات پہنے فنکاروں نے گدا پیش کیا اور روایتی جوش وخروش سے للکارے۔پنجاب ثقافت دیہاڑ کی تقریب میں روایتی بھنگڑا،ماہیے اور ٹپے بھی پیش کیے گے۔معروف گلوکار ہ حنا نصراللہ نے منفرد انداز میں پنجابی صوفی کلام پیش کیا،دیگر فنکاروں کی پرفارمنس دیکھی۔ صوبائی وزیر ثقافت و اطلاعات عظمی زاہد بخاری نے کہا کہ75 سال کی تاریخ میں پہلی مرتبہ بڑے پیمانے پر پنجاب دیہاڑ منایا جا رہا ہے -پنجاب کی ثقافت اتنی وسیع و عریض ہے کہ اسے لفظوں اور سٹالز میں سے شو کیس کرنا ممکن نہیں -پنجاب دیہاڑ کی تقریب میں ہر ڈویژن کا روایتی ثقافتی سٹال لگایا گیا ہے-مریم نواز شریف نے کلچر کو اصل روح سے بحال کیا-وزیر اعلی مریم نواز شریف فنکاروں کی سرپرستی کر رہی ہیں -ترکیہ وزٹ پر وزیر اعلیٰ مریم نواز شریف عالمی توجہ کا مرکز بنی رہی -پنجاب کا ہر شہر اپنی منفرد پہچان رکھتا ہے-محمد نواز شریف اور مریم نواز شریف فنکاروں سے ڈائریکٹ رابطے میں رہتے ہیں -فنکاروں کے لئے پیکچ اور مراعات لائیں گے۔ تقریب میں دیگر فنکاروں نے بھی شرکت کی۔ تقریب سے خطاب میں مریم نوازشریف نے کہا ہے کہ پنجابی بولنے اورکہلانے پر ہر ایک کو فخر ہونا چاہیے۔پنجاب کے لوگ،عوام سب ہمارے اپنے ہیں۔پنجاب کی مٹی،لوگوں،میوزک، روایات،ثقافت ہر چیز سے بے پناہ پیار ہے۔ پاکستان سے محبت ہے،محب وطن پاکستانی ہوں۔جلاوطنی کے دوران بارش میں پنجاب کی مٹی کی خوشبو کو یادکر کے رویا کرتی تھی۔نوجوان انگریزی ضرور سیکھیں مگر پنجابی فخر کے ساتھ بولنی چاہیے۔پنجاب اورپنجابی ہماری پہچان ہے،اسے بھول نہیں سکتے۔ ساری زبانیں اور موسیقی اچھی ہے مگر ’’ٹور پنجابن دی‘‘کا کوئی جواب نہیں۔پنجاب کے بھنگڑے کا کوئی میوزک اوررقص مقابلہ نہیں کرسکتا۔پاکستان خوبصورت ملک اورپنجاب خوبصورت ترین صوبہ ہے۔ ترکیہ کے عوام اورصدر سب لوگ اپنے کلچر پر فخر کرتے ہیں۔تقریب میں خوبصورت پرفارمنس دیکھ کر حیران رہ گئی،ننھی بچیوں نے ڈھول بجا کرحیران کردیا۔ثقافت دیہاڑ کی شاندار تقریب پر وزیراطلاعات عظمی زاہدبخاری کو دل کی گہرائیوں سے مبارکباد پیش کرتی ہوں۔ پنجاب کے فنکاروں کیلئے ایسا کرنا چاہتی ہوں کہ مثال بن جائے۔مریم اورنگزیب،عظمی زاہد بخاری اورسب ملکربیٹھیں اورفنکاروں کیلئے پروگرام لائیں۔پنجاب میں کئی دہائیوں کے بعد میلوں کا سلسلہ دوبارہ شروع کیا ہے۔30سال بعد ہارس اینڈ کیٹل شو شروع ہوا،دوہفتے عوام لطف اندوز ہوئے۔میلہ چراغاں کئی سالوں بعد بحال ہوا۔نوازشریف اور شہبازشریف کی قیادت میں سالوں کا جمودٹوٹ گیا،ترقی شروع ہوئی۔اب معیشت ڈوبنے کی آواز نہیں آتی بلکہ بجلی کے نرخ اورمہنگائی کم ہونے کی باتیں سامنے آرہی ہیں۔ہر و قت کہا جاتا تھا پاکستان ڈیفالٹ کرجائے گا،اکنامی ختم ہوجائے گی۔لیکن آج مہنگائی میں کمی اورترقی کی آوازیں اٹھ رہی ہیں اورانویسٹر پاکستان کی طرف دیکھ رہے ہیں۔ہرجگہ صفائی،ترقی اورسہولتیں نظر آرہی ہیں،سٹاک ایکسچینج ریکارڈ قائم کررہا ہے۔آج ہم جو عوام پر خرچ کررہے ہیں،یہ پیسہ ہر حکومت کے پاس تھا،مگر عوام پر خرچ نہیں کیاگیا۔وسائل وہی ہیں،بہت زیادہ نہیں بڑھے مگر محب وطن حکومت کی وجہ سے حالات بد ل گئے۔ پنجاب کے لوگوں کے علاج،تعلیم،روزگار اورسہولتوں کیلئے سوچتی ہوں۔ہر وقت یہی کوشش ہے کہ آٹا،روٹی اورسبزی دالوں وغیرہ کی قیمتیں کم رہیں۔والدین کا احترام اوران کی دعا آپ کو ترقی کے عروج پر لے جا سکتی ہے،میں اس کی مثال ہوں۔ پھر کہتی ہوں کہ بچوں کو اپنی زبان سے متعارف کرائیں اورپنجابی بولنے پر فخر کریں۔لوگ جب بیٹی،بہن یا دھی رانی کہہ کرمخاطب کرتے ہیں تو فخر محسوس ہوتا ہے۔دعا ہے کہ ہمار املک ہر آنے والے دن میں آگے بڑھے اورترقی کریں،اقوام عالم میں اپنا مقام بنائے۔دعا ہے کہ اللہ تعالیٰ پنجاب اوراہل پنجاب کو ہمیشہ ہنسا مسکراتا رکھے۔ علاوہ ازیں مریم نواز شریف نے ورلڈ ہیوموفیلیا ڈے کے موقع پر پیغام میں کہا ہے کہ ہیوموفیلیا سے متاثرہ تمام افراد کے ساتھ اظہار یکجہتی کرتے ہیں، ہم آپ کے ساتھ ہیں۔ہیوموفیلیا سمیت ہر نایاب مرض کا مقابلہ علم، ہمدردی اور بہتر نظامِ صحت سے کرنے کے لیے پر عزم ہیں۔
.ذریعہ: Nawaiwaqt
کلیدی لفظ: مریم نواز شریف فنکاروں کی اور دیگر پنجاب کے شریف نے رہی ہیں پیش کی
پڑھیں:
وزیراعلیٰ پنجاب مریم نواز کا ٹرانسپورٹ کے شعبے کو صنعت کا درجہ دینے کا فیصلہ
وزیراعلیٰ پنجاب مریم نواز کا ٹرانسپورٹ کے شعبے کو صنعت کا درجہ دینے کا فیصلہ WhatsAppFacebookTwitter 0 13 December, 2025 سب نیوز
لاہور(آئی پی ایس )پنجاب حکومت اور ٹرانسپورٹرز کے درمیان امور طے پا گئے، وزیراعلی مریم نواز شریف نے ٹرانسپورٹ کے شعبے کو صنعت کا درجہ دینے کا فیصلہ کر لیا۔ٹرانسپورٹرز نے وزیراعلی کے فیصلے کا خیرمقدم کیا اور کہا کہ ٹرانسپورٹ کے شعبے کی ترقی کیلئے وزیراعلی پنجاب کے اقدامات کی بھرپور تائید وحمایت کرتے ہیں۔حکومت پنجاب اور ٹرانسپورٹرز کے مشترکہ اعلامیہ کے مطابق ٹرانسپورٹ کی صنعت کی بہتری، ترقی اور تمام مسائل کے حل کے لئے چار کمیٹیاں تشکیل دے دی گئیں، پنجاب کے وزیر ٹرانسپورٹ بلال اکبر کو مرکزی کوآرڈی نیٹر مقرر کر دیا گیا۔
سینئر صوبائی وزیر مریم اورنگزیب کی زیرِ صدارت اجلاس ہوا جس میں گڈز اور پبلک ٹرانسپورٹرز کے نمائندوں نے بھرپور شرکت کی، ہڑتال کے خاتمے کا باضابطہ اعلان بھی کر دیا۔مسائل کے حل کے لیے قائم کردہ کمیٹیوں میں گڈز ٹرانسپورٹ کمیٹی، منی مزدا ٹرانسپورٹ کمیٹی، پبلک ٹرانسپورٹ کمیٹی اور سٹاف ڈیوٹی وہیکل کمیٹی شامل ہیں، کمیٹیاں ٹرانسپورٹرز کی سفارشات مرتب کر کے سینئر صوبائی وزیر مریم اورنگزیب کو پیش کریں گی۔مشترکہ اعلامیہ کے مطابق ٹرانسپورٹرز اور حکومتی نمائندے آئندہ بدھ کو مشترکہ پریس کانفرنس میں حتمی تجاویز سامنے لائیں گے۔یہ چاروں کمیٹیاں مستقل بنیادوں پر ٹرانسپورٹ سے متعلق مسائل کی نگرانی اور سفارشات پر عمل درآمد کا جائزہ لیں گی، تمام تجاویز کو تین دن میں حتمی شکل دی جائے گی، انتظامی اقدامات کے لیے ایک ماہ کی مہلت دی جائے گی۔
حکومت اور ٹرانسپورٹرز کے نمائندوں میں ٹریفک آرڈیننس 2025 پر مشترکہ غور، مزید بہتری اور مل کر عمل درآمد کرنے پر اتفاق کیا گیا، ٹریفک آرڈیننس 2025 میں دیت کے متعلق کوئی شق شامل نہیں کی گئی۔مشترکہ اعلامیہ کے مطابق ثبوت پر مبنی چالان پیش کئے جائیں گے، ایک جرم پر چالان ہونے کے بعد دوبارہ اسی جرم پر اسی چکر میں دوبارہ چالان نہیں ہوگا، الیکٹرانک ون ایپ کے ذریعے روٹس پر چالان کے عمل کو ریگولیٹ کیا جائے گا۔دیگر صوبوں کے ٹرانسپورٹرز کے ساتھ پنجاب کے ٹرانسپورٹ پل کا کردار ادا کریں گے، ٹرانسپورٹرز نے پنجاب حکومت سے مطالبہ کیا ہے کہ پنجاب کی طرز پر دیگر صوبوں میں بھی ٹریفک قوانین اور ٹرانسپورٹرز کے مسائل کے حل کے لئے اقدامات کئے جائیں۔اجلاس میں اتفاق کیا گیا کہ ٹرانسپورٹرز کے مطالبے پر سینئر صوبائی وزیر مریم اورنگزیب مرکزی سطح پر ٹرانسپورٹرز کے مسائل کے حل کے لئے وزیراعظم شہبازشریف کو سفارشات پیش کریں گی۔ٹرانسپورٹرز نے مطالبہ کیا ہے کہ مرکزی حکومت اور دیگر صوبے بھی پنجاب کی طرح ٹرانسپورٹ کو صنعت کا درجہ دیں، دیگر سہولیات اور بہتری کے لئے اقدامات کریں۔
اجلاس میں فیصلہ کیا گیا کہ ٹریفک قوانین پر عملدرآمد سے نظام میں بہتری لائی جائے گی، مشترکہ اعلامیہ میں دونوں اطراف نے باہمی تعاون پر اتفاق کیا۔پنجاب حکومت ٹرانسپورٹ کی صنعت کوعالمی معیار پر لانے، منسلکہ شعبوں کی ترقی، جدید ٹیکنالوجی اور طریقوں کے استعمال کو یقینی بنائے گی۔مشترکہ اعلامیہ کے مطابق پنجاب حکومت ٹرانسپورٹ صنعت کی ترقی اور بہتری کے لئے قانونی، انتظامی اصلاحات کرے گی، انفراسٹرکچر بہتربنائے گی۔گڈز، پبلک ٹرانسپورٹ اور انتظامی امور پر مستقل کمیٹیوں کا ہر تین ماہ بعد اجلاس ہو گا، چالان اور جرمانوں کے نظام میں اصلاحات، جدید ایپ کے ذریعے دہرا چالان ختم کرنے پر پیش رفت کی جائے گی۔اوورلوڈنگ، ایکسل ویٹ، گاڑیوں کے سائز اور فٹنس سے متعلق مسائل ٹرانسپورٹرز کی مشاورت سے حل کیے جائیں گے۔سینئر صوبائی وزیر مریم اورنگزیب نے کہا کہ ہمارا مقصد کاروبار کی ترقی، عوام کی زندگی کی حفاظت اور عوام کو بہترین خدمات کی فراہمی یقینی بنانا ہے، ہر زندگی کی حفاظت، نظام کی بہتری، عالمی معیار کا نفاذ اور ہر شعبے کی ترقی بنیادی ہدف ہے۔
مریم اورنگزیب نے کہا کہ ہم سب کے تعاون اور مشترکہ کوششوں سے ہی پنجاب میں عوام کا معیار زندگی بہتر ہوگا، انہوں نے ٹرانسپورٹرز کے تعاون پر شکریہ ادا کیا اور کہا کہ ہم مسائل کو مکالمے سے حل کرنے پر یقین رکھتے ہیں۔صوبائی وزیر نے کہا کہ ٹرانسپورٹ آرڈیننس 2025 کا واحد مقصد بچوں اور شہریوں کی جان کا تحفظ اور سڑکوں پر نظم و ضبط قائم کرنا ہے، کمیونی کیشن گیپ سے دوبارہ غلط فہمیاں پیدا نہ ہوں، اس لئے مشاورت کا مستقل نظام قائم کر دیا ہے۔مریم اورنگزیب نے یقین دہانی کرائی کے سموگ کے تدارک میں ٹرانسپورٹ سیکٹر کا کردار تسلیم کرتے ہیں، وکس سٹیشنز اور شفٹ سسٹم میں اضافہ کیا جائے گا، ملتان، راولپنڈی اور دیگر شہروں میں موبائل فیول ٹیسٹنگ، لاری اڈوں کی بہتری کے لیے جامع پلان تیار ہوگا۔ٹرانسپورٹرز نے تعاون اور تجاویز پر کھلے دل سے مشاورت پر وزیراعلی پنجاب مریم نواز شریف کا شکریہ ادا کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپینتیس ویں نیشنل گیمز کا رنگا رنگ اختتام، فیلڈ مارشل عاصم منیرنے انعامات تقسیم کیے پینتیس ویں نیشنل گیمز کا رنگا رنگ اختتام، فیلڈ مارشل عاصم منیرنے انعامات تقسیم کیے وزیراعظم شہباز شریف سے برطانوی وزیربرائے بین الاقوامی ترقی و افریقہ کی ملاقات ڈگری تنازع کیس میں بڑی پیش رفت، جسٹس طارق جہانگیری کا خود ہائیکورٹ کیسامنے پیش ہونے کا امکان جنگ کے سائے دروازے تک پہنچ گئے، امریکا پر انحصار ختم کرنا ہوگا، برطانوی وزیر دفاع وفاقی پولیس کے اہلکاروں کا گینگ بنا کراغوا برائے تاوان کی واردات کرنے کا انکشاف نو مئی کیسز، عمران خان کی اڈیالہ جیل روبکار سے حاضری لگائی گئیCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر