سندھ بلڈنگ، وسطی کو نشانہ بناکر باقی اضلاع میں کرپشن پر پردہ ڈالنا ہدف
اشاعت کی تاریخ: 18th, April 2025 GMT
اسکیم 33میں فلک ناز ٹوئن ٹاؤر ،دانیال ریزیڈنسی ،برج الحرمین بریشنا ہائٹس کی عمارتیں موجود
خلاف ضابطہ عمارتوں کو انہدام سے بچانے میں قربان جمالی، عدیل قریشی ،الطاف سومرو کامیاب
غیر قانونی تعمیرات پرڈی جی اسحاق کھوڑو سے موقف لینے کی باربار کوشش کامیاب نہیں ہو سکی
ڈائریکٹر جنرل اسحاق کھوڑو کے جاری کردہ بیانات حقیقت کے منافی نکلے۔ڈائریکٹو ریٹ آف پریس انفارمیشن محکمہ اطلاعات کے 16اپریل کو جاری کردہ اعلامیے میں دعویٰ کیا گیا تھا کہ سندھ بلڈنگ کنٹرول اتھارٹی کے جانب سے ڈسٹرکٹ سینٹرل میں غیرقانونی تعمیرات اور اس میں ملوث ٹھکیدار پورشن مافیا سمیت سہولت کاروں کے خلاف گھیراتنگ کردیا گیا،ڈسٹرکٹ سینٹرل میں کئی ملزمان کے خلاف ایف آئی آرز درج،18سے زائد ملزمان کو پولیس نے حراست میں لے لیا،جبکہ مزید گرفتاریوں کے لئے کارروائیوں کاسلسلہ جاری ہے۔اعلامیے میں ڈائریکٹر جنرل ایس بی سی اے محمد اسحاق کھوڑو کیا جانب سے سخت موقف کا اظہار کرتے ہوئے کہا گیا تھا کہ غیرقانونی تعمیرات کے خلاف حکومت سندھ کی ہدایات کے مطابق زیروٹالرنس پالیسی غیرقانونی تعمیرات کے مکمل خاتمے تک جاری رہے گی۔پورے شہر میں غیرقانونی تعمیرات میں ملوث ٹھیکیدار و سہولت کاروں اور پورشن مافیا کے خلاف بھرپور قانونی کارروائیاں کی جائیں گی۔مذکورہ اعلامیے کا پورا متن عوام کی آنکھوں میں دھول جھونکنے کے علاوہ کچھ نہیں۔ درحقیقت ڈی جی اسحق کھوڑو نے ضلع وسطی میں کارروائیاں آصف زرداری کے ذاتی معالج اور شہر بھر میںمتبادل سسٹم کے وسطی میں ذمہ دار ڈاکٹر عاصم حسین کے دباؤ پر شروع کی تھی۔ ڈاکٹر عاصم حسین کی جانب سے وسطی میں کارروائیوں کے لیے دباؤ اور باقی شہر کو نظرانداز کرنے کے پیچھے ماضی کے کچھ معاملات ہیں ، جسے الگ سے ایک رپورٹ کی شکل میں شائع کیا جائے گا۔ واضح رہے کہ ڈاکٹر عاصم کے اسی دباؤ سے وسطی میں شروع ہونے والی انہدامی کارروائیوں کو ڈی جی اسحق کھوڑو نے اپنے محکمے کی کارکردگی باور کرانا شروع کردیااور مذکورہ انہدامی کارروائیوں کو بھی نمائشی حد تک رکھ کر اِسے مزید دھندے بازی کے لیے استعمال کیا جانے لگا۔ دوسری طرف وسطی کو نشانہ بناکر باقی اضلاع میں کی جانے والی کرپشن پر پردہ ڈالنے کی ناکام کوشش بھی جاری رکھی گئی۔جرأت سروے ٹیم کے مطابق اسکیم 33میں فلک ناز ٹوئن ٹاؤر ،دانیال ریزیڈنسی ،برج الحرمین بریشنا ہائیٹس جیسی سینکڑوں خلاف ضابطہ بننے والی عمارتیں زمین پر موجود ہیں۔ جن کے خلاف کوئی کارروائی عمل میں نہیں لائی جارہی۔ اسکیم 33پر قابض کرپٹ ٹولہ قربان جمالی، عدیل قریشی ،الطاف سومرو اپنے ذاتی مفادات کے حصول کی خاطر ملکی محصولات کو نقصان پہنچانے کا باعث بن رہے ہیں ۔ خطیر رقوم بٹورنے کے بعد احتساب کے خوف سے لاپروا ہوکر خلاف ضابطہ بننے والی کمزور عمارتوں کی تعمیر میں حصہ دار بھی ہیں ۔ اس حوالے سے ڈی جی اسحاق کھوڑو سے موقف لینے کی باربار کوشش کامیاب نہیں ہو سکی۔
.ذریعہ: Juraat
پڑھیں:
ڈار کا دورہ کابل، سیکیورٹی بنیادوں پر کامیابی کیلیے طویل سفر باقی
پشاور:نائب وزیر اعظم اور وزیر خارجہ اسحق ڈار کے ایک روزہ دورہ کابل نے تجارتی اور سیاسی بنیادوں پر اہم اور نمایاں مقام حاصل کر لیا تاہم سیکیورٹی کے حوالے سے افغانستان اور پاکستان کو طویل مدتی عزم کے اظہار اور کٹھن مراحل پر مشتمل طویل سفر طے کرنے کی ضرورت ہے۔
پاک افغان تجارت، سیکیورٹی اور بارڈر مینجمنٹ کے معاملات سے آگاہ ذرائع نے ایکسپریس ٹریبیون کے پشاور آفس کو بتایا کہ نائب وزیر اعظم کے دورہ افغانستان میں کثیر الجہتی نقطہ نظر شامل تھے جن میں سفارتی تناؤ کو کم کرنا، اقتصادی اور تجارتی تعلقات بڑھانے کی کوشش کرنا، پناہ گزینوں کی آباد کاری کرنا اور ٹی ٹی پی جیسے گروپوں کی سرحد پار کارروائیوں کو روکنا اہم تھا۔
مزید پڑھیں: نائب وزیر اعظم اسحاق ڈار کی کابل میں افغان حکام سے اہم ملاقاتیں، مشترکہ امن و ترقی کا عہد
وزیر خارجہ اسحاق ڈار نے خود قبول کیا ہے کہ دونوں فریقوں کے درمیان خراب تعلقات نے دونوں برادر ممالک کو الگ الگ کر دیا تھا۔
تاہم سفارتی ذرائع نے بتایا ہے کہ اسحاق ڈار نے اپنے دورے میں برف پگھلانے کی کوشش کی اور کامیاب ہو گئے۔
مزید پڑھیں: پاک-افغان مشترکہ کمیٹی کا طویل عرصے بعد کابل میں اجلاس
اعلیٰ سطح کی ملاقاتوں کا اہتمام کیا گیا جس سے مسائل کے حل کرنے میں مدد ملی۔ذرائع نے بتایا کہ ماضی میں پاکستان میں معیشت اور تجارت کے امور سنبھالنے والے اسحاق ڈار جیتنا جانتے تھے ۔
اس دورہ میں انھوں نے اپنی بھرپور صلاحیتوں کا اظہار کیا اور اپنا کارڈ بہت اچھے طریقے سے کھیلا ہے۔ اقتصادی اور تجارتی شعبے میں پاکستان افغان ٹرانزٹ سامان پر اضافی ٹیرف کی 14سے 16کیٹگریز کو ختم کردے گا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج