ایران سے 8 شہریوں کے جسد خاکی سی-130 کے ذریعے بہاولپور لائے گئے، آئی ایس پی آر
اشاعت کی تاریخ: 18th, April 2025 GMT
بہاولپور:
ایران میں قتل ہونے والے پاکستان کے 8 شہریوں کے جسد خاکی پاک فضائیہ کے سی 130 طیاروں کے ذریعے زاہدان سے پنجاب کے شہر بہاولپور پہنچا دیے گئے۔
پاک فوج کے شعبہ تعلقات عامہ (آئی ایس پی آر)کے مطابق حکومت پاکستان کی خصوصی ہدایات پر پاک فضائیہ کا سی-130 طیارہ ایران کے شہر زاہدان سے 8 پاکستانی شہریوں کے جسد خاکی لے کر بہاولپور پہنچا ہے۔
ایران میں صوبہ سیستان بلوچستان میں بہیمانہ طور پر قتل ہونے والے تمام 8 شہریوں کا تعلق ضلع بہاولپور سے تھا اور میڈیکو لیگل کارروائی اور دیگر ضروری دستاویزات کی تکمیل کے بعد پاکستانی قونصل جنرل زاہدان کو میتیں حوالے کی گئیں۔
آئی ایس پی آر نے بتایا کہ بہاولپور ایئرپورٹ پرمیتوں کی آمد پر تعزیتی تقریب ہوئی، جس میں سول اور عسکری حکام نے شرکت کی اور شہدا کو خراجِ عقیدت پیش کیا گیا اور لواحقین سے اظہارِ تعزیت کیا گیا۔
بیان میں کہا گیا کہ پاکستانی افواج دکھ کی گھڑی میں پوری قوم کے ساتھ کھڑی ہیں اور دہشت گردی کے ہر شکل و صورت کے خلاف اپنے غیر متزلزل عزم کا اعادہ کرتی ہیں۔
چیئرمین جوائنٹ چیفس آف اسٹاف کمیٹی اور سروسز چیفس نے بھی اس اندوہ ناک سانحے پر گہرے رنج و غم کا اظہار کیا، جاں بحق افراد کے لواحقین سے دلی ہمدردی اور تعزیت کا اظہار کرتے ہوئے ان کے لیے صبر و حوصلے کی دعا کی۔
.ذریعہ: Express News
پڑھیں:
حیدر آباد چیمبر آف اسمال ٹریڈرز اینڈ اسمال انڈسٹری کا آگاہی سیمینار
data-id="863a0a8" data-element_type="widget" data-widget_type="theme-post-content.default">
حیدر آباد (کامرس ڈیسک ) حیدر آباد چیمبر آف اسمال ٹریڈرز اینڈ اسمال انڈسٹری کی جانب سے پاکستان سنگل ونڈو اور علی بابا ڈاٹ کام کے ساتھ تاجروں اور صنعتکاروں کے لیے امپورٹ اینڈ ایکسپورٹ کی تمام دستاویزاتی ضروریات ایک پلیٹ فارم سے رسائی کے لیے ایک آگاہی سیمینار چیمبر سیکرٹریٹ میں انعقاد کیا گیا۔ سیشن سے خطاب کرتے ہوئے رضوان صمد، ڈپٹی منیجر چینج مینجمنٹ، پاکستان سنگل ونڈو نے بتایا کہ پی ایس ڈبلیو پاکستان میں تجارتی عمل کو جدید خطوط پر استوار کرنے والا ایک جامع ڈیجیٹل پلیٹ فارم ہے جو امپورٹ ، ایکسپورٹ اور ٹرانزٹ ٹریڈ کے تمام مراحل کو ایک ہی پورٹل پر یکجا کرنا ہے۔ انہوں نے کہا کہ اب تاجر اپنے تمام امپورٹ اور ایکسپورٹ سے متعلقہ امور گھر بیٹھے محض ایک کمپیوٹر یا موبائل فون کے ذریعے مکمل کر سکتے ہیں اور پہلے کی طرح 20 سے زائد فزیکل دستاویزات جمع کرانے کی ضرورت نہیں رہی۔ نادرا ویریفکیشن کی سہولت بھی بہت جلد آن لائن موجود ہوگی۔ انہوں نے مزید بتایا کہ پی ایس ڈبلیو کے ذریعے اعانت نامے ہر سٹیمیٹس ، بینک ادائیگیاں، کسٹمز کلیئرنس اور دستاویزات کی پروسیسنگ جیسے تمام مراحل آن لائن ہونے سے وقت اور لاگت میں نمایاں کمی آئی ہے۔ پی ایس ڈبلیو اب تک 97 ہزار سے زائد سبسکرائبرز ، 13 لاکھ سے زائد ڈیکلیئریشنز اور 8.5 لاکھ سے زائد ایل پی سی او ایس ، پروسیس کر چکا ہے جبکہ 29 بینکوں کے انضمام کے باعث مالی امور مزید شفاف اور تیز ہو گئے ہیں۔ اس موقع پر محمد صادق ، بزنس گروتھ میجر علی بابا ڈاٹ کام نے شرکاء کو علی بابا کے رجسٹریشن پر اسیس اور آن لائن ایکسپورٹ کے بے شمار فوائد سے آگاہ کیا۔ انہوں نے بتایا کہ علی بابا ڈاٹ کام دنیا کا سب سے بڑا B2B ای کامرس پلیٹ فارم ہے جس کے ذریعے پاکستانی تاجر اور چھوٹے کاروباری حضرات عالمی خریداروں تک با آسانی رسائی حاصل کر سکتے ہیں۔ انہوں نے رجسٹریشن کا طریقہ کا ر بیان کرتے ہوئے بتایا کہ کاروباری ادارے اپنی کمپنی کی معلومات، پروڈکٹس کی تفصیل ، بزنس ویری فکیشن اور ادائیگی کے پلان کے انتخاب کے بعد ، صرف چند مراحل میں ایک گلوبل سپلائر کے طور پر پلیٹ فارم سے منسلک ہو سکتے ہیں محمد صادق کے مطابق علی بابا ڈاٹ کام پر موجود ٹولز تاجروں کو اپنی مصنوعات کی عالمی سطح پر مارکیٹنگ، کوٹیشنز کے ذریعے خریداروں سے براہ راست رابطہ کسٹمر میں میں اضافہ، اور محفوظ ادائیگی کے نظام کے ذریعے بہتر کاروباری اعتماد فراہم کرتے ہیں۔ انہوں نے بتایا کہ ہزاروں پاکستانی کمپنیاں اس پلیٹ فارم کے ذریعے اپنی بر آمدات میں نمایاں اضافہ کر رہی ہیں اور چھوٹے کا روباری افراد بھی بہت کم لاگت میں بین الاقوامی مارکیٹ تک رسائی حاصل کر رہے ہیں، جو لکی ایکسپورٹ سیکٹر کی ترقی کے لیے نہایت فائدہ مند ہے۔ اس موقع پر شان سہگل، نائب صدر حیدر آباد چیمبر آف اسمال ٹریڈرز اینڈ اسمال انڈسٹری نے شرکاء کو خوش آمدید کہتے ہوئے حیدر آباد چیمبر ، پی ایس ڈبلیو اور علی بابا ڈاٹ کام کے باہمی تعاون کو سراہتے ہوئے اسے حیدر آباد کی بزنس کمیونٹی کے لیے ایک اہم سنگ میل قرار دیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر