کراچی: کرنٹ لگنے کے واقعات میں کمسن لڑکی سمیت دو افراد جاں بحق
اشاعت کی تاریخ: 18th, April 2025 GMT
کراچی کے مختلف علاقوں میں کرنٹ لگنے کے واقعات میں کمسن لڑکی سمیت دو افراد جاں بحق ہوگئے۔
تفصیلات کے مطابق سرجانی سیکٹر 35 بیکری کے قریب گھر میں کمسن لڑکی کو کرنٹ لگ گیا جسے اہلخانہ نے فوری طور پر چھیپا ایمبولینس کے ذریعے عباسی شہید اسپتال پہنچایا جہاں ڈاکٹروں نے معائنے کے بعداس کی موت کی تصدیق کر دی۔
ریسکیو حکام کا کہنا ہے متوفیہ کی شناخت 8 سالہ خدیجہ کے نام سے کی گئی جبکہ واقعہ گھر میں بجلی کے تار سے کرنٹ لگنے کا بتایا جا رہا ہے۔
ملیر میمن گوٹھ ڈیری فارم ہاؤس میں کرنٹ لگنے سے ایک شخص جاں بحق ہوگیا جس کی لاش ایدھی کے رضا کاروں نے سپر ہائی وے پر قائم فاطمہ بقائی ٹول پلازہ اسپتال پہنچایا جہاں متوفی کی شناخت 32 سالہ محمد دلبر کے نام سے کی گئی جبکہ واقعہ کام کے دوران بجلی کا کرنٹ لگنے سے باعث پیش آنے کا بتایا جا رہا ہے۔
.ذریعہ: Express News
کلیدی لفظ: کرنٹ لگنے
پڑھیں:
جتوئی: دس ایکڑ گندم کی تیار فضل کو آگ نے راکھ کا ڈھیر بنا دیا
وزیر احمد : جتوئی کے تھانہ بیٹ میرہزار خان کی حدود میں گندم کی تیار فصل کو آگ لگنے کا افسوسناک واقعہ، بجلی کے چیمبر سے نکلی شعاؤں نے گندم کی تیار فصل کو لپیٹ میں لے لیا ،دس ایکڑ فصل جل کر خاک تمام تر کوششوں کے باوجود بھی آگ پر قابو نہ پایا جا سکا۔
تفصیلات کےمطابق افسوسناک واقعہ بجلی کے چیمبر آپس میں ٹکرانے اور سپارکنگ کے باعث پیش آیا جس وجہ سے کسان کی لاکھوں روپے مالیت کی دس ایکڑ گندم جل کر خاک ہوگئی، آگ لگنے کا واقعہ بجلی کے چیمبر آپس میں ٹکرانے سے سپارک کرنے کے باعث پیش آیا۔
جوہری معاہدہ: ایران اور امریکا کے درمیان مذاکرات کا دوسرا دور آج ہوگا
سپارکنگ سے تیار گندم کی فصل کو آگ بھڑک اٹھی، اہل علاقہ کے لوگوں کی تمام تر کوششوں کے باوجود آگ پر قابو نہ پایا جا سکا، تیار فصل گندم دس ایکڑ جل کر خاک گندم کی فصل جل جانے سے غریب محنت کش کسان کی سال بھر کی جمع پونجی ہاتھ دھو بیٹھا۔
اہل علاقہ کا کہنا تھا کہ واقعہ واپڈا کی نااہلی باعث پیش آیا ، گزشتہ پانچ سالوں سے واپڈا کو کھمبا شفٹ کرنے کی درخواست کررہے ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج