ایسوسی ایٹ ڈگری؛ ششماہی امتحانی نظام مؤخر ہونے کا امکان
اشاعت کی تاریخ: 17th, April 2025 GMT
کراچی:
کراچی کے سرکاری کالجوں میں جاری ایسوسی ایٹ ڈگری ( اے ڈی پروگرام) کے سال میں دو بار(ششماہی) امتحانات لینے یا سال میں دو امتحانی نظام ایک سال کے لیے مؤخر کیا جا رہا ہے، جس کے لیے محکمہ کالج ایجوکیشن سندھ کی سفارش پر جامعہ کراچی نے اپنی اکیڈمک کونسل کا اجلاس طلب کر لیا ہے۔
ریجنل ڈائریکٹر کالجز کراچی فقیر محمد لاکھو کی جانب سے جامعہ کراچی کو لکھے گئے خط اس نظام کو ایک سال کے لیے مؤخر کرنے کی سفارش کی گئی ہے، خط میں انہوں نے ایسوسی ایٹ ڈگری( اے ڈی سی، اے ڈی ایس اور اے ڈی اے) کے حوالے سے کہا ہے کہ ابھی اس سلسلے میں کافی کام ہونا باقی ہے اور اس سے متعلق بعض امور پر سرکاری کالجوں کو مشکلات ہیں لہٰذا طلبہ اور اداروں کے بہتر مفاد میں اس نئے امتحانی نظام کو ایک سال کے لیے مؤخر کردیا جائے۔
یاد رہے کہ جامعہ کراچی نے ہائر ایجوکیشن (ایچ ای سی) کی گائیڈ لائن پر اس نئے امتحانی نظام کی منظوری دی تھی جسے سیکریٹری الحاق کمیٹی پروفیسر انیلا امبر ملک کی جانب سے تیار کیا گیا تھا۔
اس نئے نظام کو سمسٹر سسٹم سے کچھ مختلف رکھا گیا ہے اور سال میں دو بار ہر مضمون کے 100/100 مارکس کے امتحانات جامعہ کراچی کے شعبہ امتحانات ہی کو لینے ہیں جبکہ سمسٹر سسٹم کے تحت سال میں دو بار منعقد ہونے والے امتحانات کو 40 فیصد متعلقہ سرکاری یا نجی کالجوں جبکہ 60 فیصد مارکس کا امتحان جامعہ کراچی کی جانب سے ہوتا ہے۔
ایسوسی ایٹ ڈگری کے لیے ایچ ای سی کی شرط تھی کہ اس میں سمسٹر سسٹم متعارف کرایا جائے تاہم پرائیویٹ امیدوار کے سبب سمسٹر سسٹم کا اطلاق ناممکن تھا۔
واضح رہے کہ جب سے ایچ ای سی کی جانب سے دو سالہ گریجویشن کے بجائے چار سالہ گریجویشن شروع کرنے اور دو سالہ ڈگری کو ایسوسی ایٹ کیا گیا ہے جامعہ کراچی کے تحت کالجوں میں اس پروگرام کی انرولمنٹ انتہا درجے تک گر گئی ہے اور جامعہ کراچی جو اس مد میں 800 ملین روپے سالانہ تک آمدن لیتی تھی اب یہ صرف 200 ملین روپے سالانہ رہ گئی ہے۔
.ذریعہ: Express News
کلیدی لفظ: جامعہ کراچی سال میں دو کی جانب سے کے لیے
پڑھیں:
کراچی: صحت کے سنگین مسائل کے باوجود 80 سالہ طالبعلم نے پی ایچ ڈی کر لی
اسکرین گریبکراچی کے رہائشی 80 سالہ سعید مسعود عثمانی نے نوجوانوں کے لیے اعلیٰ مثال قائم کر دی۔
سیعد مسعود عثمانی نے صحت کو لاحق سنگین مسائل کے باوجود پی ایچ ڈی کی ڈگری مکمل کر لی۔
وفاقی اردو یونیورسٹی کے طالبِ علم و استاد سعید عثمانی نے حال ہی میں جیو ڈیجیٹل کو خصوصی انٹرویو دیا ہے۔
سعید مسعود عثمانی نے بتایا ہے کہ انہوں وفاقی اردو یونیورسٹی سے ابلاغِ عامہ میں ہی ایچ ڈی کی ڈگری حاصل کی ہے۔
انہوں نے بتایا ہے کہ مجھے پی ایچ ڈی کی ڈگری حاصل کرنے کے دوران ہارٹ اٹیک، سانس لینے میں دشواری، کورونا وائرس میں مبتلا ہونے جیسے متعدد صحت سے متعلق مسائل کا سامنا کرنا پڑا مگر اپنے شوق کے لیے ڈٹا رہا۔
پاکستان کی معروف خاتون سیاستدان شرمیلا فاروقی نے آخر کار پی ایچ ڈی کی ڈگری وصول کر ہی لی۔
ڈاکٹر سعید عثمانی نے اپنا مقالہ ڈاکٹر توصیف احمد خان کی نگرانی میں مکمل کیا ہے۔
ڈاکٹر سعید عثمانی کے مقالے کا عنوان ’کراچی میں ایف ایم ریڈیو نشریات کی مقبولیت‘ تھا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج