ہزارہ میں انوکھی شادی، 90 سالہ باپ اور بیٹا ایک ساتھ دولہا بن گئے
اشاعت کی تاریخ: 17th, April 2025 GMT
دونوں باپ بیٹے کی ایک ہی دن شادی کی تقریب میں خاندان اور اہل محلہ نے بڑی تعداد میں شرکت کی، 90 سالہ شخص کی بارات لاہور اور بیٹے کی بارات پشاور سے لائی گئی۔ اسلام ٹائمز۔ خیبر پختونخوا کے ہزارہ ڈویژن کے ایک علاقے میں انوکھی شادی کی تقریب منعقد ہوئی، جہاں ایک ہی دن باپ اور بیٹا دولہے بن گئے۔ رپورٹ کے مطابق 90 سالہ غلام مصطفیٰ اپنی اور بیٹے کی دلہن لے آیا، 90 سالہ غلام مصطفیٰ کی یہ تیسری شادی ہے۔ رپورٹ کے مطابق یہ شخص اپنی شادی والے دن اپنے بیٹے کی دلہن لانے کا خواب رکھتا تھا۔ دونوں باپ بیٹے کی ایک ہی دن شادی کی تقریب میں خاندان اور اہل محلہ نے بڑی تعداد میں شرکت کی، 90 سالہ شخص کی بارات لاہور اور بیٹے کی بارات پشاور سے لائی گئی۔
.ذریعہ: Islam Times
پڑھیں:
انوشے اشرف کے ولیمے کی تصاویر اور ویڈیوز چھا گئیں
انوشے اشرف اور شہاب رضا کے شاندار ولیمے کی خوبصورت تصاویر اور ویڈیوز سوشل میڈیا پر چھا گئیں۔
پاکستان کی مقبول اور پسندیدہ میزبانوں میں شمار ہونے والی انوشے اشرف اپنی مثبت سوچ، خوبصورت انداز اور دلکش شخصیت کی وجہ سے ہر دلعزیز ہیں، وہ جس بھی تقریب کی میزبانی کرتی ہیں وہاں خوشی اور رنگ بکھیر دیتی ہیں۔
انوشے اشرف سماجی مسائل پر بھی کھل کر اپنی رائے کا اظہار کرتی ہیں اور ہمیشہ حق کی آواز بلند کرتی نظر آتی ہیں۔
حالیہ دنوں میں انوشے اشرف نے اپنی زندگی کے ساتھی شہاب رضا کے ساتھ ازدواجی زندگی کا آغاز کر لیا ہے، ان کی شادی کی شاندار تقریب ترکیہ میں منعقد ہوئی، جسے خوبصورتی اور خوشیوں سے بھرپور قرار دیا جا رہا ہے۔
انوشے اشرف نے اپنی شادی کی تقریب میں دل کھول کر رقص کیا اور اپنے قریبی عزیزوں کے ساتھ کیک بھی کاٹا، تقریب میں موجود ہر فرد خوشی سے جھومتا اور اس نئے جوڑے کو اپنی دعاؤں میں یاد کرتا دکھائی دیا۔
ولیمے کی تقریب میں سفید اور سنہری رنگوں کی تھیم نے تقریب کو ایک خوابناک انداز بخشا، تازہ پھولوں، روشنیوں اور نفیس سجاوٹ نے ماحول کو نہایت رومانوی بنایا۔
انوشے اشرف نے ولیمے کے لیے ایک خوبصورت سفید گاؤن زیب تن کیا، جس پر نفیس کام اور جدید طرز کی کڑھائی کی گئی تھی، ان کا میک اپ نہایت قدرتی اور دلکش تھا، جس سے ان کی شخصیت مزید نکھر کر سامنے آئی، شہاب رضا نے اسمارٹ تھری پیس سوٹ میں اپنی دلہن کا بھرپور ساتھ دیا۔
انوشے اشرف اور شہاب رضا نے ولیمے کے آغاز میں ایک دوسرے کے ساتھ انٹری دی جسے مہمانوں نے بھرپور داد دی، تقریب میں لائیو میوزک کا بھی اہتمام تھا، جس نے محفل کا رنگ دوبالا کر دیا۔
یہ خوشیوں بھری شام نہایت یادگار رہی اور نئی زندگی کی شروعات کرتے انوشے اور شہاب کی خوشگوار تصاویر اور ویڈیوز سوشل میڈیا پر خوب مقبول ہو رہی ہیں۔
View this post on InstagramA post shared by Izzah Shaheen Malik (@pictroizzah)
Post Views: 3
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج