حسن علی کا وضاحتی بیان: کنگ کر لے گا کمنٹ پر معذرت کا اظہار
اشاعت کی تاریخ: 17th, April 2025 GMT
کراچی کنگز کے فاسٹ بولر حسن علی نے حالیہ پریس کانفرنس کے دوران اپنے مشہور جملے کنگ کر لے گا پر وضاحت دیتے ہوئے کہا کہ اگر ان کے اس کمنٹ سے کسی کو تکلیف پہنچی ہے تو وہ اس پر معذرت خواہ ہیں انہوں نے کہا کہ ان کا مقصد کسی کی دل آزاری نہیں تھا بلکہ یہ بات صرف ایک ہلکے پھلکے انداز میں کہی گئی تھی حسن علی نے مزید کہا کہ اگر میرے کہنے سے کہ کنگ نہیں کرے گا اور بابر اعظم پرفارم کرنے لگیں تو میں یہ بات بار بار کہنے کو تیار ہوں انہوں نے بابر اعظم کی تعریف کرتے ہوئے کہا کہ ہم نے ہی انہیں کنگ بنایا ان کے ساتھ کھڑے رہے اور آج بھی ہم انہیں ایک بہترین کھلاڑی مانتے ہیں ان کے مطابق بابر اعظم پہلے بھی شاندار کھلاڑی تھے اور مستقبل میں مزید بہتر کارکردگی دکھائیں گے انہوں نے اس بات پر افسوس کا اظہار کیا کہ ہم لوگ جلد کسی کے بھی پیچھے پڑ جاتے ہیں اور تنقید کرنے لگتے ہیں حالانکہ کھلاڑی بھی انسان ہوتے ہیں اور ہر وقت پرفارم کرنا ممکن نہیں ہوتا واضح رہے کہ پی ایس ایل 10 میں کراچی کنگز کی اب تک کی کارکردگی ملی جلی رہی ہے ٹیم نے دو میچز میں سے ایک میں کامیابی حاصل کی جبکہ ایک میں شکست کا سامنا کرنا پڑا پہلے میچ میں کراچی کنگز نے ملتان سلطانز کو چار وکٹوں سے ہرایا تھا جبکہ دوسرے میچ میں لاہور قلندرز نے کراچی کنگز کو پینسٹھ رنز سے شکست دی تھی حسن علی کے اس بیان کو شائقین کرکٹ کی جانب سے مختلف انداز میں لیا جا رہا ہے تاہم ان کی معذرت نے ایک مثبت پیغام ضرور دیا ہے کہ کھلاڑی ایک دوسرے کے لیے احترام کا جذبہ رکھتے ہیں
.ذریعہ: Nawaiwaqt
کلیدی لفظ: کراچی کنگز حسن علی کہا کہ
پڑھیں:
پی ایس ایل ‘اسلام آباد یونائٹیڈ نے کراچی کنگز کو شکست دیدی
لاہور(سپورٹس رپورٹر)پاکستان سپرلیگ 10 کے دسویں میچ میں اسلام آباد یونائیٹڈ نے کراچی کنگز کو 6 وکٹوں سے ہرادیا۔کراچی میں کھیلے گئے میچ میں اسلام آبادیونائیٹڈ کے کپتان شاداب خان نے ٹاس جیت کراچی کنگز کو بیٹنگ کی دعوت دی۔کراچی کنگز نے7 وکٹوں پر 128 رنز بنائے۔ ٹم سیفرٹ 30، عباس آفریدی 24 اور سعد بیگ 20 رنز بنا کر نمایاں رہے۔ نسیم شاہ، جیسن ہولڈر اور شاداب خان نے 2،2 وکٹیں حاصل کیں۔اسلام آباد یونائیٹڈ نے 129 رنز کا ہدف 18 ویں اوور میں 4 وکٹوں پر پورا کرلیا۔ شاداب خان نے 47، اعظم خان نے 31 اور صاحبزادہ فرحان نے 30 رنز بنائے۔ حسن علی نے 2، عباس آفریدی اور محمد نبی نے ایک ایک وکٹ حاصل کی۔شاداب خان کو میچ کا بہترین کھلاڑی قرار دیا گیا ۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج