پاکستان اور ہنگری کے درمیان مفاہمتی یادداشتوں پر دستخط تعلقات کے نئے دور کا آغاز
اشاعت کی تاریخ: 17th, April 2025 GMT
اسلام آباد میں پاکستان اور ہنگری کے درمیان مختلف شعبوں میں مفاہمتی یادداشتوں پر دستخط کرنے کی ایک اہم تقریب منعقد ہوئی جس میں نائب وزیراعظم اور وزیر خارجہ اسحاق ڈار اور ہنگری کے وزیر خارجہ نے مشترکہ طور پر شرکت کی اس موقع پر دونوں ممالک نے ڈپلومیٹک پاسپورٹ رکھنے والے افراد کے لیے ویزا فری سفر کے معاہدے سمیت ثقافتی تعاون اور آثار قدیمہ کے شعبے میں بھی معاہدے کیے تقریب کے دوران دونوں رہنماؤں نے باہمی تعاون کو فروغ دینے کے عزم کا اظہار کیا اسحاق ڈار نے ہنگری کے وزیر خارجہ کا پاکستان آمد پر خیر مقدم کرتے ہوئے کہا کہ پاکستان اور ہنگری کے تعلقات وقت کے ساتھ مزید مضبوط ہو رہے ہیں اور دونوں ملکوں کے درمیان ثقافت سفارت اور سرمایہ کاری کے شعبوں میں تعاون کے امکانات وسیع ہیں انہوں نے کہا کہ ہنگری اور پاکستان کے درمیان مشترکہ کمیشن کا تیسرا اجلاس انتہائی اہم ہے اور یہ دونوں ممالک کے درمیان اعتماد اور شراکت داری کی عکاسی کرتا ہے اسحاق ڈار نے ہنگری کی جانب سے جی ایس پی پلس اسٹیٹس کے لیے پاکستان کی حمایت کو سراہتے ہوئے کہا کہ ہنگری کے سرمایہ کاروں کے لیے پاکستان میں مختلف شعبوں میں سرمایہ کاری کے بڑے مواقع موجود ہیں اس موقع پر ہنگری کے وزیر خارجہ نے بھی اظہار خیال کرتے ہوئے کہا کہ پاکستان کے ساتھ مضبوط تعلقات کے خواہاں ہیں اور حکومت پاکستان کی شاندار میزبانی پر شکر گزار ہیں انہوں نے کہا کہ دونوں ملکوں کے درمیان مفاہمتی یادداشتوں پر دستخط سے دوطرفہ تعلقات کو تقویت ملے گی اور ہم ثقافت اور آثار قدیمہ کے شعبوں میں ایک دوسرے کے تجربات سے فائدہ اٹھا سکتے ہیں ہنگری کے وزیر خارجہ نے عالمی سیاسی امور پر بھی گفتگو کرتے ہوئے کہا کہ افغانستان سے دہشت گردی کے فروغ پر تشویش ہے جبکہ یوکرین جنگ کے پرامن حل کی حمایت کرتے ہیں انہوں نے پاکستان کو ایک قابل اعتماد شراکت دار قرار دیا اور یقین دہانی کروائی کہ ہنگری پاکستان کے جی ایس پی پلس اسٹیٹس کی حمایت جاری رکھے گا ان کا کہنا تھا کہ تجارت اور سرمایہ کاری کے فروغ کے لیے پاکستان میں سازگار ماحول موجود ہے جس سے دونوں ممالک کو فائدہ ہوگا
.ذریعہ: Nawaiwaqt
کلیدی لفظ: ہنگری کے وزیر خارجہ اور ہنگری کے ہوئے کہا کہ کے درمیان کے لیے
پڑھیں:
افغان عبوری وزیر خارجہ نے پاکستان کا دورہ کرنے کی دعوت قبول کر لی
ترجمان دفتر خارجہ کے مطابق، افغان عبوری وزیر خارجہ ملا امیر خان متقی نے پاکستان کا دورہ کرنے کی دعوت قبول کر لی ہے۔نائب وزیرِ اعظم اسحاق ڈار نے آج قائم مقام افغان وزیر خارجہ امیر خان متقی سے ٹیلیفونک گفتگو کی. جس میں دونوں رہنماؤں نے باہمی تعلقات کے حوالے سے بات چیت کی۔نائب وزیرِ اعظم اسحاق ڈار نے کابل میں افغان حکام کی جانب سے پرتپاک میزبانی اور پُرتکلف ضیافت پر شکریہ ادا کیا اور اس بات کا اعادہ کیا کہ دونوں ممالک کے تعلقات میں مزید بہتری لانے کے لیے عملی اقدامات کیے جائیں گے۔دونوں رہنماؤں نے اس دورے کے نتائج پر اطمینان کا اظہار کرتے ہوئے کہا کہ دونوں ممالک کے عوام کے باہمی مفاد کے لیے کیے گئے فیصلوں پر فوری طور پر عملدرآمد کیا جائے گا۔نائب وزیرِ اعظم اسحاق ڈار نے افغان وزیر خارجہ کو پاکستان کے دورے کی دعوت دیتے ہوئے اس بات کی توقع ظاہر کی کہ یہ دورہ دونوں ممالک کے درمیان تعلقات کو مزید مستحکم کرے گا اور دونوں ملکوں کی اقتصادی، تجارتی اور سفارتی تعلقات میں بہتری لانے کے لیے مثبت اقدامات اٹھائے جائیں گے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج