کانگو میں المناک کشتی حادثہ، 50 افراد ہلاک، 100 سے زائد لاپتا
اشاعت کی تاریخ: 17th, April 2025 GMT
کنشاسا: افریقی ملک جمہوریہ کانگو (ڈی آر سی) کے شمال مغربی علاقے میں دریائے کانگو میں خوفناک کشتی حادثے کے نتیجے میں کم از کم 50 افراد جاں بحق اور 100 سے زائد لاپتا ہو گئے۔
غیر ملکی میڈیا کے مطابق، حادثہ اس وقت پیش آیا جب مبندکا قصبے کے قریب 400 مسافروں کو لے جانے والی لکڑی کی کشتی میں آگ بھڑک اٹھی۔ کشتی متانکومو کی بندرگاہ سے روانہ ہو کر بولمبا جا رہی تھی۔
حادثے کی وجہ کشتی میں ایک خاتون کی جانب سے کھانا پکانے کے دوران لگنے والی آگ بتائی گئی ہے، جس نے دیکھتے ہی دیکھتے پوری کشتی کو لپیٹ میں لے لیا۔
ریڈ کراس اور مقامی حکام نے امدادی کارروائیاں شروع کر دی ہیں، جبکہ درجنوں افراد کو بچا لیا گیا ہے، جن میں سے کئی کی حالت تشویشناک ہے۔ خواتین اور بچے بھی اس حادثے میں متاثر ہوئے، کئی افراد نے تیرنا نہ جاننے کے باعث پانی میں ڈوب کر جان گنوا دی۔
ماہرین کے مطابق، کانگو میں اس طرح کے کشتی حادثات عام ہو چکے ہیں، کیونکہ اکثر کشتیوں پر زیادہ بوجھ اور ناقص حفاظتی انتظامات ہوتے ہیں، جبکہ ریسکیو ٹیمیں بھی ناتجربہ کار ہوتی ہیں۔
یاد رہے کہ گزشتہ دسمبر اور اکتوبر میں بھی کانگو میں اسی نوعیت کے حادثات میں سینکڑوں افراد ہلاک ہو چکے ہیں۔
.
ذریعہ: Express News
کلیدی لفظ: کانگو میں
پڑھیں:
کشتی پر آسمانی بجلی گرگئی،ملاح ڈوب کر جاں بحق،2 افراد زخمی
صوابی (اوصاف نیوز) صوابی کے علاقے ھنڈ کےمقام پر بارش کے دوران دریا میں موجود کشتی پر آسمانی بجلی گرگئی، کشتی بان دریا میں ڈوب کر جاں بحق۔
تفصیلات کے مطابق صوابی میں ھنڈ کےمقام پر بارش کے دوران دریا میں موجود کشتی پر آسمانی بجلی گرنے سے اقبال حسین کشتی بان دریا میں ڈوب کر جاں بحق
جاں بحق شہری کی لاش نکال لی گئی، کشتی میں موجور دو مقامی افراد میں ارشد اور جنید زخمی ہوگئے، جبکہ دو افراد واصف شاہ اور حسیب معجزانہ طور پر بچ گئے۔ زخمیوں کو باچا خان ہسپتال پہنچایا گیا، جہاں پر انکی حالت خطرے سے باہر بتائی جاتی ہے۔
کشتی پر آسمانی بجلی گرگئی،ملاح ڈوب کر جاں بحق،2 افراد زخمی
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج