سوالات اور توجہ مبذول کروانے کے نوٹسز کے حوالے سے قومی اسمبلی سیکرٹریٹ نے اپوزیشن لیڈر کے الزامات مسترد کر دیے
اشاعت کی تاریخ: 16th, April 2025 GMT
سوالات اور توجہ مبذول کروانے کے نوٹسز کے حوالے سے قومی اسمبلی سیکرٹریٹ نے اپوزیشن لیڈر کے الزامات مسترد کر دیے WhatsAppFacebookTwitter 0 16 April, 2025 سب نیوز
اسلام آباد (سب نیوز )ترجمان قومی اسمبلی نے سوالات اور توجہ مبذول کروانے کے نوٹسز کے حوالے سے اپوزیشن لیڈر عمر ایوب سپیکر سردار ایاز صادق پر لگائے گئے الزامات کو یکسر مسترد کردیا ہے۔۔اپنے ایک بیان میں ترجمان قومی اسمبلی کا کہنا تھا کہ اپوزیشن لیڈر کے سوالات اور توجہ مبذول کروانے کے نوٹسز سیکرٹریٹ میں جمع کروانے اور ان کے جوابات دینے اور دیگر کاروائی سے متعلق تمام ریکارڈ موجود ہے ترجمان کا مزید کہنا تھا کہ قومی اسمبلی سیکرٹریٹ نے مکمل اعدادوشمار کے ساتھ اپوزیشن لیڈر کو جوابی خط لکھ دیا ہے۔
جوابی خط میں پارلیمنٹ میں وقفہ سوالات اور توجہ دلا نوٹسز پر کارروائی کی تفصیلات فراہم کردی ہیں۔سوالات اور توجہ دلا نوٹس مسترد کرنے کا ریکارڈ بھی وجوہات کے ساتھ عوام کی آگاہی کیلئے جاری کردیا گیا ہے ۔ترجمان نے کہا کہ قواعد پر پورا نہ اترنے والے حکومتی اراکین کے بھی 320 سوالات کی اجازت نہیں دی گئی ۔جبکہ اپوزیشن اراکین کے 127 سوالات بھی قواعد و ضوابط پر پورا نہیں اترتے تھے جبکہ متعدد مواقع پر احتجاج کی وجہ سے اپوزیشن اراکین ایوان موجود نہ تھے پوزیشن کی عدم موجودگی کے باعث سوالات ٹیک اپ نہیں کیے گئے انہوں نے کہا کہ قومی اسمبلی نے عمر ایوب کے جمع کروائے گئے سوالات اور توجہ دلا نوٹسز سے متعلق اعتراضات کا بھی جواب دے دیا ہے قومی اسمبلی کے دو سے 14 ویں سیشن کے دوران عمر ایوب نے 36 سوالات جمع کروائے ان میں سے صرف 16 قرعہ اندازی میں نکلے۔
اپوزیشن لیڈر کیایوان میں احتجاج اور کاروائی میں حصہ نہ لینے کی بنا پر 6 سوالات لیپس ہوگئے، 4 سوالوں کے جواب دئیے گئے جبکہ 6 سوالات حساس اور قواعد پر پورا نہ اترنے کے باعث مسترد کیے گئے، ترجمان کا کہنا تھا کہ اپوزیشن۔ لیڈر عمر ایوب نے 7 توجہ دلا نوٹسز جمع کرائے، 2 ایوان میں لائے گئے اور بحث ہوئی جبکہ 5 توجہ دلا نوٹسز لیپس ہوگئیاپوزیشن نے مجموعی طور پر 283 توجہ دلا نوٹسز جمع کروائے ، 47 ایوان میں لائے گئے اور 26 پر بحث ہوئی 21 اراکین کی عدم موجودگی یا احتجاج کی وجہ سے ٹیک اپ نہیں ہوئے 236 سوالات قاعدہ 94 کے تحت لیپس ہوگئے تھے۔۔انہوں نے واضح کیا کہ اپوزیشن لیڈر کے سپیکر سردار ایاز صادق پر لگائے گئے الزامات حقائق کے برعکس ہیں کیونکہ ہر چیز ریکارڈپرموجودہے۔
.ذریعہ: Daily Sub News
کلیدی لفظ: اپوزیشن لیڈر کے قومی اسمبلی
پڑھیں:
سپیکر کے پی اسمبلی کو کرپشن الزامات میں کلین چٹ دینے پر پی ٹی آئی احتساب کمیٹی میں اختلافات
پشاور:سپیکرخیبرپختونخوا اسمبلی بابرسلیم سواتی کو اسمبلی میں بھرتیوں سے متعلق بدعنوانی کے الزامات میں کلین چٹ دینے پر پی ٹی آئی کی احتساب کمیٹی میں اختلافات سامنےآگئے۔
نجی ٹی وی رپورٹ کے مطابق پی ٹی آئی کی اندرونی احتساب کمیٹی کے تینوں ارکان کا مذکورہ رپورٹ پر آپس میں عدم اتفاق ہے، مذکورہ رپورٹ کمیٹی نے نہیں بلکہ کمیٹی کے ایک رکن نے جاری کی ہے۔
ایسے معاملات میں اندرونی رپورٹس پبلک نہیں کی جاتیں بلکہ پارٹی سربراہ کو بھجوائی جاتی ہیں، مذکورہ رپورٹ کمیٹی نے پارٹی کے بانی چیئرمین عمران خان کو ارسال کرنی تھی جسے قبل ازوقت پبلک کردیا گیا۔
رکن احتساب کمیٹی نے کہا کہ مذکورہ رپورٹ پراس وقت کوئی کمنٹس نہیں دے سکتے، اس سلسلے میں بانی چیئرمین سے مشاورت کرنے کے بعد ہی بات کی جائے گی۔
کمیٹی رکن کا کہنا تھا کہ یہ کمیٹی بانی چیئرمین نے تشکیل دی، ،ہر معاملے کی رپورٹ بھی انھیں ہی پیش کی جائے گی، رپورٹ وہی ہوسکتی ہے جس پر تینوں ارکان کے دستخط ہوں ، ایک رکن کی رپورٹ ، رپورٹ نہیں ان کی ذاتی رائے ہوسکتی ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج