یوٹیوبرز رجب بٹ اور ڈکی بھائی کی کامیابی مستقل کوششوں اور لگن کا نتیجہ ہے۔یاسر حسین
اشاعت کی تاریخ: 16th, April 2025 GMT
یاسر حسین نے یوٹیوبرز رجب بٹ اور ڈکی بھائی کی کھل کر تعریف کر دی۔معروف اداکار، ہدایت کار، پروڈیوسر اور میزبان یاسر حسین نے حال ہی میں ایک مارننگ شو میں شرکت کے دوران یوٹیوبرز سے متعلق بحث پر کھل کر بات کی اور ڈکی بھائی اور رجب بٹ کو سراہا۔یاسر حسین اس وقت ایک تھیٹر پلے کا حصہ ہیں جس کی بھرپور تشہیر کی جا رہی ہے، اسی سلسلے میں وہ مختلف میڈیا پلیٹ فارمز پر نظر آ رہے ہیں۔ یاسر حسین نے یوٹیوبرز اور شوبز حلقوں میں جاری بحث سے متعلق ایک متوازن اور باعزت موقف اختیار کرتے ہوئے کہا ہے کہ میرا نظریہ بہت واضح ہے، جس کو بھی عزت ملی ہے وہ اللہ تعالی کے کرم سے ملی ہے اور میں ہر اس شخص کی عزت کرتا ہوں جس نے اپنی فیلڈ میں محنت کی ہو۔انہوں نے خاص طور پر ڈکی بھائی اور رجب بٹ کا ذکر کرتے ہوئے کہا کہ یہ دونوں افراد اپنی جگہ محنت سے پہنچے ہیں اور ان کی کامیابی کسی کے سہارے یا سفارش سے نہیں بلکہ ان کی مستقل کوششوں اور لگن کا نتیجہ ہے۔یاسر حسین کے اس بیان کو سوشل میڈیا صارفین کی طرف سے بھی خوب سراہا جا رہا ہے، سوشل میڈیا پر کئی صارفین نے ان کی متوازن رائے کو مثبت قرار دیا اور کہا ہے کہ شوبز سے تعلق رکھنے والے دیگر افراد کو بھی ایسے ہی مثبت رویے اپنانے چاہئیں۔یاد رہے کہ حالیہ دنوں میں یوٹیوبرز کی شہرت اور ان کے کام کی اہمیت پر شوبز حلقوں میں خاصی بحث چھڑی ہوئی ہے، ایک جانب ڈکی بھائی (سعد الرحمن)نے معروف اداکارہ بشری انصاری کی تنقید پر کھل کر جواب دیا اور یوٹیوبرز کی محنت کو تسلیم نہ کرنے پر افسوس کا اظہار کیا، جبکہ دوسری جانب رجب بٹ نے اداکار فہد مصطفی کی اس بات پر سخت تنقید کی کہ وی لاگرز اپنی فیملیز کو بیچتے ہیں۔
.ذریعہ: Nawaiwaqt
کلیدی لفظ: یاسر حسین ڈکی بھائی
پڑھیں:
صدر زرداری کے بھائی اویس ٹپی کے فرنٹ مین نیب کے ریڈار پر
سابق صوبائی وزیر اویس مظفر ٹپی کے مبینہ فرنٹ مینوں کے خلاف تحقیقات کا آغاز
ڈپٹی سیکرٹری یار محمد بوزدار نے ضمانت کے لیے احتساب عدالت سے رجوع کرلیا
نیب نے صدر زرداری کے چھوٹے بھائی اویس مظفر ٹپی کے مبینہ فرنٹ مینوں کے خلاف تحقیقات کا آغار کر دیا، نیب نے محکمہ ریونیو سندھ کے افسر کو طلب کر لیا، تحقیقات شروع ہونے پر افسر ضمانت کے لئے احتساب عدالت پہنچ گئے ۔ جرأت کی رپورٹ کے مطابق صدر آصف علی زرداری کے منہ بولے بھائی اور سابق صوبائی وزیر اویس مظفر ٹپی کے مبینہ فرنٹ مینوں کے خلاف قومی احتساب بیورو (نیب) نے تحقیقات کا آغاز کردیا ہے ، نیب کی جانب سے اویس مظفر ٹپی کے مبینہ فرنٹ میں ڈپٹی سیکریٹری بورڈ آف ریونیو یار محمد بوذار کو طلب کرلیا گیا ہے ، تحقیقات شروع ہونے پر ڈپٹی سیکرٹری یار محمد بوزدار نے ضمانت کے لیے احتساب عدالت سے رجوع کرلیا، عدالت نے یار محمد بوزدار کی عبوری ضمانت منظور کرلی۔ نیب حکام کے مطابق یار محمد بوذار اور آفتاب حسین مبینہ طور پر اویس مظفر ٹپی کے فرنٹ میں ہیں، یار محمد بوزدار، آفتاب حسین و دیگر پر بطور فرنٹ مین زمینوں کی غیر قانونی الاٹمنٹ کا الزام ہے ، یار محمد بوزدار و دیگر پر آمدن سے زائد اثاثے بھی بنانے کا الزام ہے ۔ جبکہ یار محمد بوزدار نے موقف اختیار کیا ہے کہ میں سرکاری ملازم ہوں۔ میرا اویس مظفر ٹپی سے کوئی تعلق نہیں ہے ، میرے پاس زمین کی الاٹمنٹ کا اختیار ہی نہیں ہے ۔ عدالت نے یار محمد بوزدار کی 5 لاکھ روپے میں ضمانت منظور کر لی ہے ۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج