’سیاسی جماعتوں کو کلاس روم کی طرح نہیں چلایا جاسکتا‘ عمران خان نے سلمان اکرم راجہ کو یہ پیغام بھیجا؟
اشاعت کی تاریخ: 16th, April 2025 GMT
سیکریٹری جنرل پی ٹی آئی سلمان اکرم راجہ کی جانب سے سینیئر پارٹی رہنماؤں کیخلاف تنقید پر ناراضی کا اظہار کرتے ہوئے بانی چیئرمین پی ٹی آئی عمران خان کا کہنا ہے کہ سیاسی جماعتوں کو کلاس روم کی طرح نہیں چلایا جاسکتا۔
گزشتہ ہفتے اڈیالہ جیل میں عمران خان سے ملاقات کرنیوالے پی ٹی آئی رہنماؤں پر تنقید کرتے ہوئے سلمان اکرم راجہ نے کہا تھا کہ انتظامیہ کے ’منظور نظر‘ لوگوں کو ملاقات کی اجازت دی گئی، واضح رہے کہ سلمان اکرم راجہ سمیت عمران خان کی بہنوں کو سابق وزیر اعظم سے ملنے نہیں دیا گیا تھا۔
یہ بھی پڑھیں: سلمان اکرم راجہ پارٹی کو کسی رجمنٹ کی طرح چلارہے ہیں، فواد چوہدری کا الزام
دی نیوز کی رپورٹ کے مطابق اس صورتحال سے واقف ذرائع نے بتایا ہے کہ گزشتہ روز اڈیالہ جیل میں قید عمران خان نے اپنے وکیل سلمان صفدر کے توسط سے اپنے تحفظات سلمان اکرم راجہ تک پہنچادیے ہیں۔
صحافی انصار عباسی نے اپنی رپورٹ میں دعویٰ کیا ہے کہ عمران خان نے سلمان اکرم راجہ کو بھیجے پیغام میں کہا ہے کہ سیاسی جماعتوں کو اسکول کلاس روم کی طرح نہیں چلایا جا سکتا، انہوں نے ایک دوسرے پر الزامات دھرنے کے بجائے بجائے اتحاد برقرار رکھنے پر زور دیا۔
مزید پڑھیں: اعظم سواتی اسٹبلشمنٹ سے ڈیل کی ذاتی کوشش کررہے ہیں، پی ٹی آئی کا اس سے تعلق نہیں: سلمان اکرم راجہ
رپورٹ کے مطابق یہ تنازع اس وقت پیدا ہوا جب اڈیالہ جیل کی انتظامیہ نے عمران خان کی بہن علیمہ خان اور فیملی کے دیگر افراد کو عمران خان سے ملنے سے روک دیا لیکن پارٹی چیئرمین بیرسٹر گوہر اور سینیٹر علی ظفر سمیت 5 وکلا کو ملاقات کرنے دی گئی۔
اس موقع پر عمران خان کی بہنوں سمیت سلمان اکرم راجہ کو بھی ملاقات کی اجازت نہیں دی گئی تھی، جس کا برا مناتے ہوئے سلمان اکرم راجہ نے بعد میں عوامی سطح پر اس اقدام کی تنقید کرتے ہوئے کہا تھا کہ انتظامیہ کے ’منظور نظر‘ افراد کو ملاقات کی اجازت دی گئی۔
مزید پڑھیں: ملٹری آپریشن کے خلاف ہیں، بارود سے امن نہیں آئے گا، سیکریٹری جنرل پی ٹی آئی سلمان اکرم راجہ
اس بیان پر پارٹی چیئرمین بیرسٹر گوہرخان نے سخت رد عمل کا اظہار کرتے ہوئے سلمان اکرم راجہ کو یاد دلایا کہ 25 مارچ کو جب عمران خان کی بہنوں کو ملاقات کی اجازت نہیں دی گئی اس وقت سلمان اکرم راجہ کو عمران خان سے ملنے دیا گیا تھا۔
رپورٹ کے مطابق جیل میں ہوئی اس ملاقات کے دوران امریکا میں مقیم پی ٹی آئی رہنما اور بلاگر کے بارے میں عمران خان نے بیرسٹر گوہر خان کو مشورہ دیا کہ انہیں باضابطہ طورپر ہٹانے کے بجائے انہیں اجلاسوں میں مدعو نہ کیا جائے۔
رپورٹ میں بتایا گیا ہے کہ عمران خان نے کہا کہ وہ ملک کی خاطر ملٹری اسٹیبلشمنٹ کے ساتھ بات چیت کے لیے تیار ہیں، انہوں نے کبھی اعظم سواتی یا کسی اور شخص کو اپنی جانب سے ذاتی ریلیف لینے کا اختیار نہیں دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڈیالہ جیل اعظم سواتی انصار عباسی بیرسٹر گوہر دی نیوز سلمان اکرم راجہ عمران خان.ذریعہ: WE News
کلیدی لفظ: اڈیالہ جیل اعظم سواتی بیرسٹر گوہر دی نیوز سلمان اکرم راجہ سلمان اکرم راجہ کو ملاقات کی اجازت عمران خان کی اڈیالہ جیل کرتے ہوئے کو ملاقات پی ٹی ا ئی نہیں دی کی طرح
پڑھیں:
منرلز بل پر تنقید کے پیچھے پورا مافیا، عمران خان سے ملاقات میں بات کلیئر ہو جائےگی، علی امین گنڈاپور
وزیراعلیٰ خیبرپختونخوا علی امین گنڈاپور نے کہا ہے کہ بانی پی ٹی آئی عمران خان سے جلد ملاقات ہوگی، جس میں مائنز اینڈ منرل ایکٹ کے حوالے سے بات واضح ہو جائےگی۔
اپنے ایک بیان میں انہوں نے کہاکہ مائنز اینڈ منرل ایکٹ کے حوالے سے پروپیگنڈا کیا جارہا ہے، وفاق سمیت کسی کو اختیار دینے کی تجویز دی گئی ہے تو ثابت کریں۔
یہ بھی پڑھیں حکومتی ارکان مائنز اینڈ منرلز بل پر رو رہے ہیں تو کابینہ میں کیسے منظور ہوگیا؟ اپوزیشن لیڈر کے پی
انہوں نے کہاکہ ہماراصوبہ ہے، ہم سے زیادہ اس سے کون وفادار ہے؟ میں سندھ، پنجاب یا بلوچستان کا جوابدہ نہیں، اپنے صوبے کا جوابدہ ہوں۔
علی امین گنڈاپور نے کہاکہ بل کی کوئی ایک شق بتادیں جس میں ہم نے وفاق کو اختیار دیا ہو؟ ایس آئی ایف سی کی تجویز کو تو میں نے مانا ہی نہیں۔
انہوں نے مولانا فضل الرحمان کا نام لیے بغیر تنقید کرتے ہوئے کہاکہ بلوچستان میں انہوں نے ووٹ دے کر بل پاس کرایا، اس پروپیگنڈے کے پیچھے پورا ایک مافیا سرگرم ہے۔
انہوں نے کہاکہ بلوچستان میں اختیار دینے کی تجویز مان لی گئی، جبکہ ہم نے مسترد کی، خیبرپختونخوا میں غیرقانونی مائننگ ہرگز نہیں ہونے دوں گا۔
واضح رہے کہ خیبرپختونخوا میں مائنز اینڈ منرل بل پر پی ٹی آئی میں اختلافات سامنے آگئے ہیں، آج ہونے والی بریفنگ بھی بغیر کسی نتیجے کے ختم ہوگئی۔
یہ بھی پڑھیں مائنز اینڈ منرلز بل کا معاملہ: اے این پی کا آل پارٹیز کانفرنس بلانے کا اعلان
پی ٹی آئی ارکان اسمبلی کا مؤقف ہے کہ جب تک عمران خان کوئی ہدایات جاری نہیں کرتے اس بل کو منظور نہیں کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان تحریک انصاف پی ٹی آئی خیبرپختونخوا خیبرپختونخوا اسمبلی علی امین گنڈاپور عمران خان مائنز اینڈ منرلز بل وی نیوز
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج