سوشل سیکیورٹی سے متعلق اقدامات پر جو بائیڈن کی ٹرمپ انتظامیہ پر کڑی تنقید
اشاعت کی تاریخ: 16th, April 2025 GMT
حالیہ امریکی انتخابات میں شکست کے بعد سابق امریکی صدر جو بائیڈن نے پہلی مرتبہ شکاگو میں ایک عوامی اجتماع سے خطاب کرتے ہوئے صدر ڈونلڈ ٹرمپ کے سوشل سیکیورٹی سے متعلق اقدامات کو سخت تنقید کا نشانہ بنایا۔
یہ بھی پڑھیں:جو بائیڈن خفیہ تنظیم ’فری میسنری‘ میں شامل ہوگئے، یہ پُراسرار تنظیم کیا ہے؟
شکاگو میں معذوری کی وکالت کی ایک کانفرنس سے خطاب کرتے ہوئے، 82 سالہ جو بائیڈن نے صدر ڈونلڈ ٹرمپ پر اس سیفٹی نیٹ کو گہرا نقصان پہنچانے کا الزام لگایا، جس پر 70 ملین سے زائد امریکیوں کا انحصار تھا۔
Former President Biden: "Look what's happened now, fewer than 100 days into this new administration has done so much damage and so much destruction.
— CSPAN (@cspan) April 15, 2025
’100 سے بھی کم دنوں میں، نئی امریکی انتظامیہ نے بہت زیادہ نقصان اور اتنی تباہی کی ہے، جو ایک طرح سے دم توڑ دینے والی ہے، جو بائیڈن نے وکلا، مشیروں اور معذوروں کے نمائندوں کی قومی کانفرنس کے شرکا کو بتایا۔
مزید پڑھیں:ڈونلڈ ٹرمپ کو شکست دے سکتا تھا، امریکی صدر جو بائیڈن کا دعویٰ
اخراجات میں کٹوتی سے متعلق صدرٹرمپ کے منصوبوں کو تنقید کا نشانہ بناتے ہوئے جو بائیڈن کا کہنا تھا کہ صدر ٹرمپ کے ان اقدامات سے عمر رسیدہ امریکیوں کو بہت نقصان کا سامنا ہو گا، نئی انتظامیہ نے اتنے کم عرصے میں اتنا زیادہ نقصان پہنچایا ہے۔
جو بائیڈن کے مطابق صدر ٹرمپ سماجی سلامتی کو خطرات سے دوچار کر رہے ہیں، انہوں نے سوشل سیکیورٹی ایڈمنسٹریشن کو تباہ کردیا ہے، اب تک 7 ہزار ملازمین فارغٖ کیے جاچکے ہیں، یہ مڈل کلاس اور ملازمت پیشہ طبقے کو ہدف بنارہے ہیں تاکہ ان کے امیر دوست امیر تر ہو جائیں۔
Former President Joe Biden is lying to Americans.
Here are the facts:
1️⃣President Trump has repeatedly promised to protect Social Security and ensure higher-take home pay for seniors by ending taxation on Social Security benefits.
— Social Security (@SocialSecurity) April 15, 2025
سابق امریکی صدر کی تنقید پر ایک غیر معمولی رد عمل دیتے ہوئے سوشل سیکیورٹی ایڈمنسٹریشن نے اپنے سرکاری ایکس اکاؤنٹ پر جو بائیڈن کے تبصروں کا براہ راست جواب دیتے ہوئے کہا ہے کہ سابق امریکی صدر امریکی شہریوں سے جھوٹ بول رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر جو بائیڈن ڈونلڈ ٹرمپ سابق امریکی صدر سوشل سیکیورٹی شکاگوذریعہ: WE News
کلیدی لفظ: امریکی صدر جو بائیڈن ڈونلڈ ٹرمپ سابق امریکی صدر سوشل سیکیورٹی شکاگو سابق امریکی صدر سوشل سیکیورٹی ڈونلڈ ٹرمپ جو بائیڈن
پڑھیں:
چین کا امریکی سیکشن 301 کی تحقیقات کے جواب میں الزام تراشی بند کرنے کا مطالبہ
چین کا امریکی سیکشن 301 کی تحقیقات کے جواب میں الزام تراشی بند کرنے کا مطالبہ WhatsAppFacebookTwitter 0 19 April, 2025 سب نیوز
بیجنگ :امریکی تجارتی نمائندہ دفتر نے چین کے بحری، لاجسٹکس اور جہاز سازی کے شعبوں کے خلاف سیکشن 301 کی تحقیقات کے حتمی اقدامات کا اعلان کیا۔ہفتہ کے روزچین کی وزارت تجارت کے ترجمان نے اس پر سخت ناراضی اور فیصلہ کن مخالفت کا اظہار کرتے ہوئے کہا کہ یہ اقدامات امریکہ کی یکطرفہ اور تحفظ پسندانہ پالیسیوں کی حقیقت کو بے نقاب کرتے ہیں۔
ترجمان نے کہا کہ یہ واضح امتیاز کے ساتھ یہ اقدامات مارکیٹ کے اصولوں کے مطابق نہیں اور یہ چینی کمپنیوں کے جائز حقوق اور مفادات کو شدید نقصان پہنچاتے ہیں، عالمی پیداوار اور سپلائی چین کے استحکام کو بری طرح متاثر کرتے ہیں، ڈبلیو ٹی او کے قوانین کی سنگین خلاف ورزی کرتے ہیں اور قواعد پر مبنی کثیر الجہتی تجارتی نظام اور بین الاقوامی اقتصادی و تجارتی نظام کو بھی شدید نقصان پہنچاتے ہیں۔
ان کا کہنا تھا کہ چین امریکہ پر زور دیتا ہے کہ وہ الزام تراشی بند کرے اور جلد از جلد اپنے غلط طرز عمل کو درست کرے۔ ترجمان نے مزید کہا کہ چین امریکہ کی اس پیش رفت پر گہری نظر رکھے گا اور اپنے حقوق اور مفادات کے تحفظ کے لیے تمام ضروری اقدامات اختیار کرے گا ۔ اس حوالے سے چائنا فیڈریشن آف لاجسٹکس اینڈ پرچیزنگ نے بھی ایک مذمتی بیان جاری کیا اور چائنا ایسوسی ایشن آف نیشنل شپ بلڈنگ انڈسٹری اور چائنا شپ اونرز ایسوسی ایشن نے بھی امریکی تحقیقات کی شدید مخالفت کرتے ہوئے ان پر شدید احتجاج کا اظہار کیا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج