دورہ ایران سے قبل IAEA کے ڈائریکٹر کی میخائل اولیانوف سے ملاقات
اشاعت کی تاریخ: 15th, April 2025 GMT
رافائل گروسی آئندہ بدھ کی صبح تہران پہنچیں گے جہاں وہ ایرانی وزیر خارجہ سمیت جوہری پروگرام کے سربراہ سے ملاقات کریں گے۔ اسلام ٹائمز۔ بین الاقوامی ایٹمی توانائی ایجنسی کے ڈائریکٹر "رافائل گروسی" سے ویانا میں مقیم بین الاقوامی تنظیموں میں روس کے سفیر اور مستقل نمائندہ "میخائل اولیانوف" نے ملاقات کی۔ یہ ملاقات ایسے پس منظر میں انجام پائی جب رافائل گروسی ایران کا دورہ کرنے والے ہیں۔ اس ملاقات کی خبر میخائل اولیانوف نے سماجی رابطے کی سائٹ ایکس پر ایک ٹویٹ کے ذریعے دی۔ جس میں انہوں نے لکھا کہ آج میں نے IAEA کے سربراہ سے ملاقات کی۔ جس میں ہم نے بین الاقوامی ایٹمی توانائی ایجنسی اور ایران کے درمیان مستقبل میں ہونے والے معاملات پر بات چیت کی۔ واضح رہے کہ رافائل گروسی آئندہ بدھ کی صبح تہران پہنچیں گے جہاں وہ ایرانی وزیر خارجہ سمیت جوہری پروگرام کے سربراہ سے ملاقات کریں گے۔
ایرانی وزیر خارجہ کے مشیر بین الاقوامی امور کے مطابق، رافائل گروسی کا دورہ، دوطرفہ تعاون کے تحت انجام پا رہا ہے۔ دوسری جانب گزشتہ روز IAEA کے سربراہ ہی نے ویانا میں قائم بین الاقوامی ایٹمی توانائی ایجنسی کے دفتر میں اسلامی جمہوریہ ایران کے سفیر اور مستقل نمائندے "رضا نجفی" سے ملاقات بھی کی۔ اس موقع پر رضا نجفی نے آئی اے ای اے سے تعاون کے بارے میں اسلامی جمہوریہ ایران کے نقطہ نظر کی وضاحت کی۔ اس دوران انہوں نے اس امید کا بھی اظہار کیا کہ رافائل گروسی کا حالیہ دورہ تہران تعاون میں استحکام کا سبب بنے گا۔ جس کے جواب میں ڈائریکٹر IAEA نے ایران اور اپنے ادارے کے درمیان مسلسل تعاون کی اہمیت کی جانب اشارہ کیا۔ انہوں نے کہا کہ دونوں فریقین کے مابین مثبت اور تعمیری فضاء ایجاد کرنے کی ضرورت ہے۔
ذریعہ: Islam Times
کلیدی لفظ: رافائل گروسی بین الاقوامی کے سربراہ سے ملاقات
پڑھیں:
برکس رکن ممالک کے درمیان تعاون کو مضبوط بنانے کے لیے ایک نیا رابطہ ماڈل پیش کر سکتا ہے، ایران
ایتھوپیا کی مجلسِ نمائندگان کے صدر تاگسے چافو سے ملاقات کے دوران صدر مسعود پزشکیان نے کہا کہ ایران کی جانب سے دوطرفہ تعلقات کو وسعت دینے اور گہرا کرنے میں گہری دلچسپی پر زور دیا۔ اسلام ٹائمز۔ ایران کے صدر مسعود پزشکیان نے ایران اور ایتھوپیا کی برکس میں مشترکہ رکنیت کا حوالہ دیتے ہوئے کہا ہے کہ برکس باہمی قومی خودمختاری، علاقائی سالمیت، اور ممالک کی متنوع ثقافتوں و تہذیبوں کے احترام پر مبنی ایک نیا رابطہ ماڈل پیش کر سکتا ہے۔ ایسنا کے مطابق مسعود پزشکیان نے ایتھوپیا کی مجلسِ نمائندگان کے صدر تاگسے چافو سے ملاقات کے دوران، ایران کی جانب سے دوطرفہ تعلقات کو وسعت دینے اور گہرا کرنے میں گہری دلچسپی پر زور دیا۔ انہوں نے کہا کہ اسلامی جمہوریہ ایران اقتصادی، سفارتی، ثقافتی اور سلامتی سمیت تمام ممکنہ شعبوں میں ایتھوپیا کے ساتھ اپنے تعلقات کو فروغ دینے کے لیے آمادہ ہے۔
ایرانی صدر نے کہا کہ اس ہدف کے حصول کے لیے مشترکہ تعاون کمیشن کو فعال بنانا، مشترکہ نکات کی درست نشاندہی، تکمیلی صلاحیتوں کا تعین اور باہمی مفادات کی بنیاد پر مکالمے، معاہدے اور مفاہمت کے راستے پر گامزن ہونا ضروری ہے۔ ان کے مطابق موجودہ ادارہ جاتی طریقۂ کار سے مؤثر انداز میں فائدہ اٹھانا دونوں ممالک کے درمیان تعاون کے عمل کو تیز کر سکتا ہے۔ صدر پزشکیان نے ایران اور ایتھوپیا کی برکس میں مشترکہ رکنیت کی طرف اشارہ کرتے ہوئے اس کثیرالجہتی فریم ورک کو باہمی تعاملات کے فروغ، اقتصادی و سیاسی روابط کے استحکام اور عالمی نظام میں بڑھتے ہوئے یکطرفہ رویّوں کا مقابلہ کرنے کے لیے ایک قیمتی اور اسٹریٹجک پلیٹ فارم قرار دیا۔
انہوں نے کہا کہ برکس قومی خودمختاری، علاقائی سالمیت اور مختلف تہذیبوں کے احترام پر مبنی ایک نیا رابطہ ماڈل پیش کر سکتا ہے اور عالمی سطح پر منصفانہ اور متوازن تعاون کی راہ ہموار کر سکتا ہے۔ انہوں نے مزید کہا کہ اسلامی جمہوریہ ایران ایک ذمہ دارانہ رویّے کے ساتھ اور خطے کے تمام ممالک کی شراکت سے پائیدار امن اور سلامتی کے قیام و استحکام میں فعال کردار ادا کرنے کے لیے تیار ہے۔ صدرِ ایران نے اس بات پر زور دیا کہ اسلامی جمہوریہ ایران کا وژن ایک ایسا عالمی نظام ہے جو امن و سلامتی سے بھرپور ہو اور جنگ، تشدد اور تصادم سے پاک ہو۔
ان کے مطابق ہمارا یقین ہے کہ باخبر اور گہری انسانی سمجھ بوجھ رکھنے والے افراد کبھی جنگ کے خواہاں نہیں ہوتے اور نہ ہوں گے، بلکہ وہ تصادم کے بجائے مکالمے اور تعاون کے راستے کو ترجیح دیتے ہیں۔ اس ملاقات میں ایتھوپیا کی مجلسِ نمائندگان کے صدر تاگسے چافو نے بھی صدرِ ایران سے ملاقات پر مسرت کا اظہار کیا اور ایران کے ساتھ بالخصوص سفارتی، اقتصادی اور سلامتی کے شعبوں میں تعلقات کو فروغ دینے میں اپنے ملک کی دلچسپی پر زور دیا۔ انہوں نے کہا کہ دونوں ممالک کی پارلیمانیں اپنی تمام قانونی اور نگرانی کی صلاحیتوں کو بروئے کار لاتے ہوئے وزارتِ خارجہ کی حمایت کریں گی اور سفارتی تعاون میں اضافے اور دوطرفہ تعلقات کو مزید مضبوط بنانے کی راہ ہموار کریں گی۔
ایتھوپیا کے پارلیمانی اسپیکر نے اقتصادی و تجارتی تعاون کی اہمیت کی طرف اشارہ کرتے ہوئے کہا کہ ایتھوپیا ایران کے ساتھ اقتصادی تبادلے بڑھانے، مشترکہ سرمایہ کاری کو فروغ دینے اور برکس کے فریم ورک، خصوصاً اس تنظیم کے نئے ترقیاتی بینک کی صلاحیتوں سے مؤثر فائدہ اٹھانے کے لیے پرعزم ہے، تاکہ اقتصادی و مالی تعاون کی بنیادوں کو مضبوط کیا جا سکے۔
تاگسے چافو نے ایران اور ایتھوپیا کے عوام کے درمیان وسیع ثقافتی اور تہذیبی اشتراکات کا ذکر کرتے ہوئے مغربی ایشیا میں امن و سلامتی کے قیام اور استحکام میں اسلامی جمہوریہ ایران کے کردار کو نہایت اہم قرار دیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر