سندھ کابینہ نے انٹر بورڈ کراچی کے طلبہ کو گریس مارکس دینے کی منظوری دے دی
اشاعت کی تاریخ: 15th, April 2025 GMT
کراچی:
سندھ کابینہ نے اسمبلی کی سب کمیٹی کی سفارش پر کراچی بورڈ کے تحت انٹر سال اول کے طلبہ کو گریس مارک دینے کی منظوری دے دی ہے۔
ترجمان وزیر اعلی سندھ کی جانب سے اعلامیہ کے مطابق 20 فیصد گریس مارکس تمام طلبہ و طالبات کو کیمسٹری، فزکس اور ریاضی کے مضامین میں دیے جائیں گے۔
وزیراعلیٰ سندھ نے محکمہ یونیورسٹیز اینڈ بورڈز کو تعلیمی بورڈز میں اصلاحات لانے کی ہدایت بھی دی ہے جبکہ چیف سیکریٹری کو ہدایت دی کہ وہ اعلہ سطح کی ایک کمیٹی بنائیں۔
کمیٹی تمام تعلیمی بورڈز میں بے ضابطگیوں کی تحقیقات کر کے رپورٹ دے گی۔
ادھر امتحانات سے محض 12 روز قبل اس فیصلے سے انٹر کے امتحانات بروقت شروع نہ ہونے کے امکانات بھی پیدا ہوگئے ہیں۔ محکمہ یونیورسٹیز اینڈ بورڈز کو ابھی اس فیصلے کا نوٹیفکیشن جاری کرنا یے جس کے بعد انٹر بورڈ کراچی اس معاملے پر عملدرآمد شروع کرے گا، اس فیصلے پر عملدرآمد میں کافی وقت درکار ہے اور نتائج کو تبدیلی کے لیے کئی مرحلوں سے گزرنا ہے لیکن انٹر بورڈ کراچی میں فی الحال کو سربراہ نہیں ہے۔
قائم مقام چیئرمین بورڈ پروفیسر شرف علی شاہ کی سبک دوشی سے تاحال کسی افسر کی مستقل یا عارضی چیئرمین کے طور پر تعیناتی نہیں ہوسکی ہے لہذا بورڈ میں فیصلے کرنے کے لیے کوئی اتھارٹی ہی موجود نہیں ہے۔
حکومت سندھ کے ذرائع کے مطابق محکمہ یونیورسٹیز اینڈ بورڈز کی جانب سے کچھ روز قبل ایک سمری کنٹرولنگ اتھارٹی کو بھجوائی گئی تھی جس میں انٹر بورڈ کراچی کا چارج میٹرک بورڈ کراچی کے نئے تعینات چیئرمین جبکہ حیدرآباد بورڈ کا چارج محکمہ یونیورسٹیز اینڈ بورڈز کے ایک ایڈیشنل سیکریٹری کے سپرد کرنے کی سفارش کی تھی اور کنٹرولنگ اتھارٹی کی جانب سے متعلقہ ایڈیشنل سیکریٹری کے حوالے سے تجربہ اور مہارت کی تفصیلات مانگی گئی تھی جس کے بعد سے یہ دونوں سمریز واپس ہوگئی اور دونوں ہی بورڈ بغیر چیئرمین کے کام کررہے ہیں۔
.ذریعہ: Express News
کلیدی لفظ: محکمہ یونیورسٹیز اینڈ بورڈز انٹر بورڈ کراچی
پڑھیں:
کراچی میں آج زیادہ سے زیادہ درجہ حرارت 40.7 ڈگری سینٹی گریڈ رہا
محکمہ موسمیات کے مطابق کراچی میں آج دن کا زیادہ سے زیادہ درجہ 40.7 ڈگری سینٹی گریڈ ریکارڈ کیا گیا، یہ درجہ حرارت اپریل کے معمول سے 5.7 ڈگری سینٹی گریڈ زیادہ ہے۔
محکمہ موسمیات کے مطابق سب سے زیادہ درجہ حرارت گلستان جوہر میں 41 ڈگری سینٹی گریڈ ریکارڈ کیا گیا۔
محکمہ موسمیات کے مطابق سب سے کم درجہ حرارت بن قاسم میں 36.2 ڈگری سینٹی گریڈ ریکارڈ ہوا۔ جبکہ جناح ٹرمینل پر درجہ حرارت 40.8، شارع فیصل پر 40.5 اور ماڑی پور میں 40.5 سینٹی گریڈ رہا۔
محکمہ موسمیات کے مطابق کراچی ہیٹ ویو کی لپیٹ میں ہے، شہر میں سمندری ہوائیں بحال ہونا شروع ہوگئی ہے۔
محکمہ موسمیات کے مطابق کراچی 23 اپریل تک ہیٹ ویو کی لپیٹ میں رہے گا، موسم شدید گرم اور خشک رہے گا۔
محکمہ موسمیات کا کہنا ہے کہ شہر میں دن کے اوقات میں شمال مغرب سے گرم اور خشک ہوائیں چلیں گی جبکہ شام میں سمندری ہوائیں بحال ہوسکتی ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج