سندھ حکومت کا ناقص و غیرمحفوظ کمرشل گاڑیوں کی رجسٹریشن منسوخ کرنے کا فیصلہ
اشاعت کی تاریخ: 15th, April 2025 GMT
سندھ حکومت نے شہر قائد میں جاری ٹریفک حادثات کی روک تھام کیلیے ایک اور اہم قدم اٹھاتے ہوئے ناقص و غیر محفوظ کمرشل گاڑیوں کی رجسٹریشن منسوخ کرنے کا فیصلہ کیا ہے۔
ایکسپریس نیوز کے مطابق سندھ کے سینئر وزیر شرجیل انعام میمن اور صوبائی وزیر برائے اطلاعات، ٹرانسپورٹ و ماس ٹرانزٹ کی زیر صدارت محکمہ ٹرانسپورٹ و ماس ٹرانزٹ کا اہم اجلاس سندھ سیکریٹریٹ کراچی میں ان کے دفتر میں ہوا۔
اجلاس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کے مینیجنگ ڈائریکٹر کمال دایو، پیپلز بس سروس کے پروجیکٹ ڈائریکٹر صہیب شفیق اور دیگر نے شرکت کی۔
اجلاس میں ٹرانسپورٹ کے مختلف منصوبوں پر پیش رفت اور روڈ سیفٹی سے متعلق حکومتی اقدامات کا تفصیلی جائزہ لیا گیا اور کمرشل گاڑیوں کے معائنے کے نظام کو جدید خطوط پر استوار کرنے سے متعلق اہم فیصلے کئے گئے۔
سینئر وزیر شرجیل انعام میمن کی ہدایات پر اجلاس میں نیشنل ہائی وے اور سپر ہائی وے پر کمرشل گاڑیوں کے معائنے کے لیے ایم وی آئی سینٹرز قائم کرنے کا بھی فیصلہ کیا گیا۔
اس موقع پر بات کرتے ہوئے سندھ کے سینئر وزیر شرجیل انعام میمن نے کہا کہ سندھ بھر میں کمرشل گاڑیوں کے معائنے کے لیے 10 ایم وی آئی سینٹرز قائم کیے جا رہے ہیں، کراچی میں دو ایم وی آئی سینٹرز پہلے سے ہی فعال ہیں، مزید سینٹرز پر کام کو جلد از مکمل کیا جا رہا ہے۔
انہوں نے کہا کہ نیشنل ہائی وے اور سپر ہائی وے پر ایم وی آئی سینٹرز کے قیام سے گاڑیوں کی شہر میں داخلا سے قبل فٹنس یقینی ہوگی۔ انہوں نے کہا کہ کراچی میں تین مزید اور سندھ کے باقی اضلاع میں 5 ایم وی آئی سینٹرز قائم کئے جا رہے ہیں، ہم ٹرانسپورٹ کے شعبے کو جدید، محفوظ اور عوام دوست بنانے کے لیے ہر ممکن اقدامات اٹھا رہے ہیں۔
سینئروزیر شرجیل انعام میمن نے کہا کہ جون میں 34 نئی الیکٹرک بسیں اور 5 ڈبل ڈیکر بسیں کراچی پہنچیں گی، جبکہ مزید 100 بسیں بھی جون ہی میں پہنچ جائیں گی۔
اجلاس کے موقع پر سینئر وزیر شرجیل انعام میمن نے ابتدائی مرحلے میں 500 الیکٹرک ٹیکسیاں متعارف کروانے کے لئے بھی ضروری اقدامات کی ہدایات جاری کیں۔
انہوں نے کہا کہ ہماری کوشش ہے کہ عوام کو سستی، ماحول دوست اور بااعتماد سفری سہولیات مہیا کی جائیں، سندھ کا ٹرانسپورٹ نظام ایک نئے دور میں داخل ہو رہا ہے، جس میں جدید ٹیکنالوجی اور سہولت دونوں کو مدنظر رکھا جا رہا ہے۔
اجلاس میں کیے جانے واے دیگر اہم فیصلے
اجلاس میں گرین لائن اور اورنج لائن کی گاڑیوں کو بروئے کار لاتے ہوئے آئندہ ہفتے نیا روٹ شروع کرنے کا فیصلہ کیا گیا۔
سندھ کے سینئر وزیر شرجیل انعام میمن نے محکمہ ٹرانسپورٹ کو خواتین کے لیے مخصوص پنک ای وی اسکوٹر اسکیم جلد شروع کرنے کی ہدایات جاری کردی ہیں۔
پنک اسکوٹی کے لئے ملازمت پیشہ خواتین اور طالبات درخواست گزاروں کے لیے ڈرائیونگ لائسنس کا ہونا لازمی قرار دیا گیا ہے۔
.ذریعہ: Express News
کلیدی لفظ: سینئر وزیر شرجیل انعام میمن ایم وی آئی سینٹرز کمرشل گاڑیوں اجلاس میں نے کہا کہ سندھ کے کرنے کا ہائی وے کے لیے
پڑھیں:
انقلاب منچہ کے کنوینیئر پر حملہ: بنگلہ دیشی حکومت کا ملزم کی گرفتاری پر 50 لاکھ ٹکا انعام
بنگلہ دیش کی عبوری حکومت نے سیاسی پلیٹ فارم انقلاب منچہ کے کنوینیئر شریف عثمان بن ہادی پر حملے کے مرکزی ملزم فیصل کی گرفتاری میں مدد پر 50 لاکھ ٹکا انعام کا اعلان کر دیا۔
یہ اعلان داخلہ امور کے مشیر لیفٹیننٹ جنرل (ریٹائرڈ) محمد جہانگیر عالم چوہدری نے ہفتے کے روز سیکریٹریٹ میں امن و امان کی کور کمیٹی کے ہنگامی اجلاس کے بعد کیا۔
مزید پڑھیں: بنگلہ دیش پولیس نے انتخابی امیدوار پر حملہ آور شخص کی تصویر جاری کر دی
صحافیوں سے گفتگو کرتے ہوئے انہوں نے کہاکہ حکومت شریف عثمان بن ہادی پر ہونے والے حملے پر گہرے دکھ اور افسوس کا اظہار کرتی ہے اور اس واقعے کو انتہائی ترجیحی بنیادوں پر دیکھا جا رہا ہے۔
انہوں نے بتایا کہ قانون نافذ کرنے والے اداروں کو ہدایت دی گئی ہے کہ حملے میں ملوث تمام افراد کو فوری طور پر گرفتار کر کے انصاف کے کٹہرے میں لایا جائے۔
جہانگیر عالم چوہدری نے کہاکہ ہمیں امید ہے کہ حملہ آوروں کو بہت جلد گرفتار کر لیا جائے گا۔ اس واقعے میں ملوث کسی بھی شخص کو بخشا نہیں جائے گا۔ انہوں نے عوام سے مکمل تعاون کی بھی اپیل کی۔
داخلہ امور کے مشیر نے اس حملے کو آئندہ قومی پارلیمانی انتخابات کو متاثر کرنے کی کوشش قرار دیتے ہوئے خبردار کیا کہ انتخابی عمل میں رکاوٹ ڈالنے یا سبوتاژ کرنے کی کسی بھی کوشش کو حکومت سختی سے کچل دے گی۔
انہوں نے یہ بھی کہاکہ عبوری حکومت جولائی کی عوامی تحریک میں نمایاں کردار ادا کرنے والے فرنٹ لائن کارکنوں کی خصوصی سیکیورٹی یقینی بنانے کے لیے پُرعزم ہے، اور ان افراد کے لیے پہلے ہی خصوصی حفاظتی اقدامات نافذ کیے جا چکے ہیں۔
جہانگیر عالم چوہدری کے مطابق لوٹے گئے اور غیر قانونی اسلحے کی بازیابی کے لیے کارروائیاں جاری ہیں، جبکہ حکومت نے ملک بھر میں سیکیورٹی آپریشن فوری طور پر شروع کرنے کا بھی فیصلہ کیا ہے۔
مزید پڑھیں: بنگلہ دیش: جمہوریت دشمن کوششوں کیخلاف سیاسی جماعتوں کا اظہار یکجہتی
انہوں نے انعام کے اعلان کی تصدیق کرتے ہوئے کہا کہ 50 لاکھ ٹکا کا یہ انعام خاص طور پر فیصل کی گرفتاری میں مدد فراہم کرنے والی معلومات کے لیے رکھا گیا ہے، جو عثمان ہادی پر حملے کا ملزم ہے۔
اس واقعے کے بعد بنگلہ دیش میں سیاسی حلقوں میں شدید تشویش پائی جا رہی ہے، مختلف جماعتوں اور رہنماؤں نے اس حملے کو انتخابات سے قبل جمہوریت اور عوامی سلامتی کے لیے سنگین خطرہ قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انعام کا اعلان انقلاب منچہ بنگلہ دیش ملزم گرفتاری وی نیوز
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر