ماں بننے کا تجربہ پرسکون تھا، مزیدکتنے بچوںکی خواہش ہے ،اداکارہ عروہ حسین نے بتادیا
اشاعت کی تاریخ: 14th, April 2025 GMT
کراچی(شوبز ڈیسک)اداکارہ عروہ حسین نے پہلی بار ماں بننے کے بعد اپنے تاثرات کا اظہار کرتے ہوئے اعتراف کیا ہے کہ ماں بننے کا تجربہ زندگی کا سب سے خوشگوار اور پرسکون تھا لیکن بچے کو جنم دینے سے قبل وہ خوف زدہ تھیں۔
عروہ حسین نے حال ہی میں ایک انٹرویو میں ماں بننے کے تجربے پر کھل کر بات کی اور یہ بھی بتایا کہ مستقبل میں وہ مزید کتنے بچوں کو پیدا کرنے کی خواہش مند ہیں۔
اداکارہ نے دوران انٹرویو یہ بھی انکشاف کیا جلد ہی وہ دوبارہ فلم پروڈکشن شروع کرنے والی ہیں اور ان کی پروڈکشن کمپنی ایک نئی فلم بنائے گی۔
انہوں نے فلم کی تفصیل بتانے سے گریز کرتے ہوئے بتایا کہ ’ٹچ بٹن‘ کے بعد جلد ہی وہ نئی فلم کی پروڈکشن شروع کرنے والی ہیں، انہوں نے یہ بھی واضح نہیں کیا کہ فلم میں ان کے شوہر بھی ایکشن میں دکھائی دیں گے یا نہیں؟
ماں بننے کے تجربے پر بات کرتے ہوئے عروہ حسین نے کہا کہ انہیں اور ان کے شوہر فرحان سعید کو ہمیشہ سے بچے کی خواہش تھی لیکن انہیں ذاتی طور پر ڈر بھی لگتا تھا کہ بچے کو کیسے جنم دیتے ہیں؟
ان کا کہنا تھا کہ وہ بچے کی پیدائش سے قبل پریشان تھیں کہ یہ سب کیسے ہوگا؟ وہ کیسے بچے کو جنم دیں گی؟ وہ اس وقت کے لیے کیسے تیار ہوں گی اور کیسے پہلے سے تیار کی جاتی ہے؟
عروہ حسین کے مطابق وہ کافی پریشان اور خوف زدہ تھیں لیکن جب ماں بننے کا وقت آگیا تو انہیں پتا ہی نہیں چلا اور انہیں سب سے زیادہ سکون اور خوشی ملی۔
اداکارہ کا کہنا تھا کہ بچے کے پیٹ میں آنے کے بعد ان میں بہت ساری تبدیلیاں آئیں اور ماں بننے کے بعد بھی ان میں جسمانی و ذہنی طور پر کئی تبدیلیاں آئیں اور یہ سب کچھ ماں بننے کا اثر ہوتا ہے۔
انہوں نے ماں بننے کے بعد خود میں آنے والی تبدیلیوں پر شکر ادا کیا، تاہم انہوں نے واضح طور پر یہ نہیں بتایا کہ ان میں کس طرح کی ذہنی تبدیلیاں آئیں؟
عروہ حسین نے کہا کہ جب انہوں نے بیٹی کو گود لیا تو انہیں سکون اور زندگی کی سب سے بڑی خوشی ملی، ان کے لیے ماں بننے کا احساس اور تجربہ اب تک کا خوبصورت تجربہ رہا۔
اداکارہ نے اسی معاملے پر مسکراتے ہوئے کہا کہ ان کا مزید 5 سے 6 بچوں کا منصوبہ ہے۔
ساتھ ہی اداکارہ نے کہا کہ انہیں یہ بات کہنی چاہیے تھی یا نہیں لیکن ان کا مزید 6 بچوں تک منصوبہ ہے۔
اداکارہ کے ہاں جنوری 2024 میں شادی کے 8 سال بعد پہلی بیٹی کی پیدائش ہوئی تھی۔
بیٹی کی پیدائش کے بعد اگرچہ اداکارہ کو اداکاری کرتے نہیں دیکھا گیا، تاہم وہ تقریبات اور سوشل میڈیا پر متحرک دکھائی دیتی ہیں جب کہ انہیں ٹی وی پروگرامات میں بھی دیکھا جاتا رہا ہے۔
عروہ حسین اور فرحان سعید 16 دسمبر 2016 کو رشتہ ازدواج میں منسلک ہوئے تھے لیکن 2020 سے لے کر 2023 تک ان کے درمیان اختلافات اور طلاق کی افواہیں رہیں لیکن جنوری 2025 میں ان کے ہاں پہلے بچے کی پیدائش ہوئی۔
اب عروہ حسین نے مزاحیہ انداز میں کہا ہے کہ ایک بچے کے بعد ان کا مزید 6 بچوں کا منصوبہ ہے۔
مزیدپڑھیں:برتھ، ڈیتھ سرٹیفکیٹس اور نکاح نامے کے حوالے سے نادرا کی اہم وضاحت جاری
.ذریعہ: Daily Ausaf
کلیدی لفظ: عروہ حسین نے ماں بننے کا ماں بننے کے کی پیدائش نے کے بعد انہوں نے کہا کہ
پڑھیں:
گلوکارہ ٹیلر سوئفٹ کو پیچھےچھوڑ کرکم عمر ترین سیلف میڈ ارب پتی بننے والی چینی نژاد لوسی گو کون ہیں؟
ٹیک انٹرپرینیور لوسی گو پاپ سپر اسٹار ٹیلر سوئفٹ کو پیچھے چھوڑتے ہوئے 30 سال سے کم عمر دنیا کی کم عمر ترین سیلف میڈ ارب پتی خاتون بن گئیں۔
غیر ملکی خبر رساں ادارے کی رپورٹ کے مطابق معروف جریدے فوربس کے مطابق لوسی گوو کے اثاثوں کی کل مالیت 1.2 بلین ڈالر سے تجاوز کرگئی جب کہ ایک پیشکش کے بعد ان کی سابقہ کمپنی اسکیل اے آئی کی مالیت 25 بلین ڈالر تک بڑھ گئی۔
لوسی گو نے 2016 میں الیگزینڈر وانگ کے ساتھ مل کر اسکیل اے آئی کی بنیاد رکھی، سان فرانسسکو میں قائم فرم مصنوعی ذہانت کے نظام کے لیے ڈیٹا لیبلنگ میں مہارت رکھتی ہے اور امریکی حکومت اور اوپن اے آئی سمیت بڑے کلائنٹس کو خدمات فراہم کرتی ہے۔
View this post on InstagramA post shared by Lucy Guo (@guoforit)
اگرچہ لوسی گو نے 2018 میں کمپنی چھوڑ دی لیکن اپنی ایکویٹی اپنے پاس برقرار رکھی جو اب کمپنی کی بڑھتی ہوئی مالیت کی وجہ سے اربوں ڈالر کی دولت میں تبدیل ہو گئی ہے۔
لوسی گرو نے کیلیفورنیا میں چینی تارکین وطن والدین کے ہاں پرورش پائی، مڈل اسکول میں کوڈنگ شروع کی۔ 2014 میں تھیل فیلوشپ میں شامل ہونے سے پہلے کارنیگی میلن یونیورسٹی میں کچھ عرصہ تعلیم حاصل کی۔
اے آئی اسکیل قائم کرنے سے قبل ابتدائی کیریئر میں انہوں نے اسنیپ چیٹ اور قورا میں خدمات سر انجام دیں۔
اے آئی اسکیل سے علیحدگی کے بعد لوسی گو نے ایک وینچر فنڈ ’بیک اینڈ کیپٹل‘ کی بنیاد رکھی اور بعد میں پاسز کا آغاز کیا جو اونلی فینز کی طرح کا ایک سبسکرپشن پلیٹ ہے۔
2022 میں اپنے آغاز کے بعد سے پاسز نے 50 ملین ڈالرز اکٹھے کیے اور فی الحال اس کی مالیت150 ملین ڈالر ہے، تاہم پاسز کو ان دنوں بچوں کے جنسی استحصال سے متعلق مقدمے میں قانونی چارہ جوئی کا سامنا ہے۔
قانونی پیچیدگیوں کے باوجود لوسی گو عالمی سطح پر 40 سال سے کم عمر 10 سے کم ارب پتی خواتین کے منتخب گروپ میں شامل ہوگئی ہیں جب کہ اس گروپ میں شامل خواتین میں سے آدھی تعداد امریکی شہریوں کی ہے۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟