گزشتہ برس 7 ہزار 608 بچوں پر تشدد و جنسی زیادتی کے واقعات رپورٹ
اشاعت کی تاریخ: 14th, April 2025 GMT
سسٹین ایبل سوشل ڈویلپمنٹ آرگنائزیشن نے اپنی سال 2024 کی رپورٹ جاری کر دی جس کے مطابق سال 2024 میں 7ہزار 608 بچوں پر تشدد و جنسی زیادتی کے واقعات رپورٹ ہوئے جب کہ ملک بھر میں یومیہ 21 بچے تشدد کا نشانہ بنے۔
سسٹین ایبل سوشل ڈویلپمنٹ آرگنائزیشن (ایس ایس ڈی او) کی رپورٹ کے مطابق سال 2024 میں پاکستان بھر میں بچوں پر جنسی زیادتی و تشدد کے 7608 واقعات رپورٹ ہوئے جو یومیہ اوسطاً 21 مقدمات بنتے ہیں، رپورٹ کے مطابق تشدد کے واقعات کے باوجود زیادہ تر کیٹیگریز میں سزا کی شرح 1 فیصد سے بھی کم رہی۔
رپورٹ میں سال 2024 میں پاکستان میں بچوں پر جنسی زیادتی و تشدد کے واقعات کا تجزیاتی مطالعہ کیا گیا ہے۔
رپورٹ میں بچوں کے خلاف جرائم جیسے جسمانی اور جنسی تشدد، اغوا، بچوں کی سوداگری، کم عمری کی شادی اور چائلڈ لیبر کے حوالے سے صوبائی اعداد و شمار پیش کیے گئے ہیں۔
ایس ایس ڈی او نے یہ تمام ڈیٹا رائٹ ٹو انفارمیشن ایکٹ (RTI) کے ذریعے سے حاصل کیا ہے۔
رپورٹ کے مطابق سال 2024 میں پاکستان بھر میں جنسی زیادتی کے 2954، اغوا کے 2437، جسمانی تشدد کے 683، بچوں کی سوداگری کے 586، چائلڈ لیبر کے 895 اور کم عمری کی شادی کے 53 واقعات رپورٹ ہوئے لیکن ان میں سزا کی شرح نہایت مایوس کن رہی۔
جسمانی اور جنسی زیادتی کے کیسز میں قومی سطح پر سزا کی شرح صرف 1 فیصد رہی، اغوا کے کیسز میں سزا کی شرح 0.
صوبہ پنجاب میں سب سے زیادہ 6 ہزار 083 کیسز رپورٹ ہوئے جن میں جسمانی تشدد کے 455 مقدمات میں صرف سات مجرموں کو سزا ملی۔
رپورٹ کے مطابق جنسی زیادتی کے 2 ہزار 506 مقدمات میں صرف 28، اغوا کے 2ہزار 189 مقدمات میں صرف چار مجرموں کو سزا دی گئی۔ تاہم بچوں کی سوداگری کے 457 کیسز میں 267، چائلڈ لیبر کے 450 کیسز میں 66 مجرموں کو سزا ملی، جبکہ کم عمری کی شادی کے 26 مقدمات میں کوئی سزا نہیں ہوئی۔
خیبر پختونخوا میں کل 1102 واقعات رپورٹ ہوئے، جن میں جسمانی تشدد کے 208 اور جنسی زیادتی کے 366 مقدمات شامل تھے ، لیکن ان میں کسی کو سزا نہیں دی گئی۔ صوبے میں اغوا کے 93، بچوں کی سوداگری کے 6 ، کم عمری کی شادی کے تین اور چائلڈ لیبر کے 426 کیسز رپورٹ ہوئے، جن میں صرف چائلڈ لیبر سے متعلق کیسز میں 267 مجرموں کو سزا دی گئی۔
سندھ میں بچوں پر تشدد کے کل 354 کیسز رپورٹ ہوئے جن میں جسمانی اور جنسی زیادتی کے 19، اغوا کے 152، بچوں کی سوداگری کے 121 اور کم عمری کی شادی کے 24 کیسز شامل تھے۔ ان میں بھی کسی کو سزا نہیں ملی۔
صوبہ بلوچستان میں مجموعی طور پر 69 کیسز رپورٹ ہوئے، جن میں جسمانی تشدد کا ایک، جنسی زیادتی کے 63 اور اغوا کے 43 کیسز شامل ہیں۔ صوبے میں صرف جنسی زیادتی اور اغواء کے کیسز میں دو دو سزاؤں کی تصدیق ہوئی۔
اس موقع پر ایس ایس ڈی او کے ایگزیکٹو ڈائریکٹر سید کوثر عباس نے کہا کہ رپورٹ میں صرف وہ کیسز شامل ہیں جو رپورٹ ہوئے، جبکہ اصل تعداد اس سے کہیں زیادہ ہو سکتی ہے۔
ان کا کہنا تھا کہ پنجاب میں رپورٹنگ کا نظام نسبتاً بہتر ہے، دیگر تمام صوبوں کو بھی اپنے طریقہ کار کو مضبوط بنانے کی ضرورت ہے تاکہ تشدد کے واقعات کی بروقت اور شفاف رپورٹنگ ممکن ہو۔
انہوں نے تمام صوبوں میں سزا کی نہایت کم شرح پر تشویش کا اظہار کرتے ہوئے خصوصی بچوں کی عدالتوں کے قیام اور فوری قانونی اصلاحات کا مطالبہ کیا ہے۔
سید کوثر عباس نے بتایا کہ ایس ایس ڈی او کی رپورٹ میں چائلڈ پروٹیکشن کے موجودہ نظام کو بہتر بنانے کے لیے متعدد تجاویز بھی دی گئی ہیں۔ ان میں وہ ادارے جو بچوں پر تشدد کی رپورٹنگ میں ناکام رہیں ان پر مالی جرمانے عائد کرنے کی تجویز شامل ہے۔
رپورٹ میں متاثرہ بچوں کی مدد کے لیے فنڈز مختص کرنے کا مطالبہ بھی کیا گیا ہے۔ ایس ایس ڈی او کی رپورٹ میں تمام پیشہ ور افراد کے لیے بچوں پر تشدد کی لازمی رپورٹنگ، تین سطحی احتسابی نظام ( تحریری انتباہ سے کے کر لائسنس کی منسوخی تک) اور مقدمات کی فوری سماعت کے لیے بچوں کی خصوصی عدالتوں کا قیام تجویز کیا گیا ہے۔
اس کے علاوہ رپورٹ میں تجویز دی گئی ہے کہ نفسیاتی، ڈیجیٹل، اور معاشی استحصال کو قانون میں شامل کیا جائے۔
فرانزک کی روشنی میں تحقیقات کو مضبوط بنانے، گواہوں کے تحفظ اور ثبوت اکٹھا کرنے کے لیے خصوصی تربیت یافتہ یونٹس قائم کیے جائیں۔ مجرموں کی نگرانی کے لیے مربوط ڈیٹا سسٹم، ٹئیرڈ رجسٹری اور محفوظ گھروں پر مشتمل معاونت فراہم کی جائے۔
چائلڈ پروٹیکشن کمیٹیوں کا قیام، مذہبی اور مقامی افراد کی شمولیت، خطرے کی نشاندہی کے لیے ٹیکنالوجی کا استعمال اور پسماندہ علاقوں میں ثقافتی طور پر ہم آہنگ آگاہی مہمات تجویز کی گئی ہیں۔ اسکولوں میں بچوں کی حفاظت سے متعلق تربیت اور میڈیا کے لیے اخلاقی رپورٹنگ کے رہنما اصولوں کی تشکیل بھی رپورٹ کا حصہ ہیں۔
ایس ایس ڈی او نے خبردار کیا ہے کہ بچوں کے خلاف تشدد کے حوالے سے اگر اب بھی فیصلہ کن اقدام نہ کیا گیا تو پاکستان میں ایک اور نسل بچوں کے تحفظ کے نظام کی ناکامی کا شکار ہو جائے گی۔
ذریعہ: Express News
کلیدی لفظ: کم عمری کی شادی کے واقعات رپورٹ ہوئے کیسز رپورٹ ہوئے اور چائلڈ لیبر جنسی زیادتی کے رپورٹ کے مطابق چائلڈ لیبر کے مجرموں کو سزا ایس ایس ڈی او بچوں پر تشدد مقدمات میں میں سزا کی سزا کی شرح سال 2024 میں کے واقعات رپورٹ میں اور جنسی میں بچوں کیسز میں کی رپورٹ سزا نہیں تشدد کے اغوا کے کیا گیا کے لیے
پڑھیں:
ترکیہ میں 700مقامات پر زمین دھنسنے کے واقعات
data-id="863a0a8" data-element_type="widget" data-widget_type="theme-post-content.default">
انقرہ (انٹرنیشنل ڈیسک) ترکیہ کے وسطی زرعی علاقوں میں زمین مسلسل دھنسنے کے واقعات نے ملک کے اہم گندم اگانے والے علاقوں میں خطرے کی گھنٹی بجادی۔ خاص طور پر خشک سالی سے متاثرہ کونیا کے ہموار میدانوں میں یہ سنک ہولز اچانک نمودار ہو رہے ہیں، جس سے زرعی زمینیں اور مقامی انفراسٹرکچر شدید متاثر ہو رہے ہیں۔ حالیہ سرکاری جائزے کے مطابق اب تک 684 بڑے سنک ہولز ریکارڈ کیے جا چکے ہیں، جبکہ ڈرون تصاویر یہ واضح کرتی ہیں کہ زمین کے دھنسنے کی رفتار تشویشناک حد تک بڑھ گئی ہے۔ ماہرین اور حکام کے مطابق اس غیر معمولی مظہر کے پیچھے کئی عوامل ہیں، جن میں اہم یہ ہے کہ زمین کی اندرونی تہیں پتھریلی ساخت رکھتی ہیںاور دہائیوں سے جاری زرخیز زمین کے لیے زیر زمین پانی کا غیر محتاط استعمال ہورہاہے ۔ زمین کے نیچے ایسی چٹانیں ہیں جو پانی میں گھل جاتی ہیں، جیسے کاربونیٹ اور جپسم۔ یہ چٹانیں صدیوں میں قدرتی خلا اور بہت سے غار بنا دیتی ہیں، اور جب زیر زمین پانی کم ہو جاتا ہے تو یہ خلا زمین کے اچانک دھنسنے کا سبب بنتے ہیں۔ کونیا جوکہ ہموار میدان پر مشتمل ہے اور جسے کونیا کلوزڈ بیسن بھی کہا جاتا ہے، قدرتی طور پر ایسی ہی چٹانی زمین سے بنا ہے جس میں کیلشیم کاربونیٹ اور جپسم کی پرتیں ہیں جو صدیوں میں قدرتی غار اور خلا پیدا کرتی ہے اور زیر زمین پانی کی سطح میں مسلسل کمی کے باعث یہ خلا اپنا استحکام کھو بیٹھتے ہیں اور اچانک زمین میں دھنسنے کی کیفیت پیدا کر دیتے ہیں۔ بعض اوقات سینکڑوں مربع میٹر کے بڑے گڑھے بن جاتے ہیں۔ ماحولیاتی تبدیلی اور خشک سالی کی شدت بھی اس مسئلے کو بڑھا رہی ہے۔ سیٹلائٹ تصاویر اور قومی ڈیٹا سے ظاہر ہوتا ہے کہ وسطی ترکیہ کے زیر زمین ذخائر اور آبی ذخائر میں نمایاں کمی ہوئی ہے۔ رپورٹس کے مطابق 2021 ء تک پانی کی سطح گزشتہ 15 سال میں سب سے کم ہو گئی تھی۔ کم بارش زیر زمین پانی کے ذخائر کو دوبارہ بھرنے کا موقع نہیں دیتی، جس سے زمین کے دھنسنے کا خطرہ بڑھ جاتا ہے۔اس کے علاوہ ایسی فصلیں بھی ہیں جنہیں زیادہ پانی کی ضرورت ہوتی ہے،جیسے چینی کے بیٹ اور مکئی کے لیے زیرِ زمین پانی کے استعمال کی حد سے زیادہ ضرورت ہوتی ہے۔کونیا بیسن میں ہونے والی تحقیقات سے پتا چلتا ہے کہ گذشتہ چند دہائیوں میں زیر زمین پانی کی سطح کئی دہائیوں میں کئی میٹر کم ہو گئی ہے، بعض علاقوں میں 1970ء کے بعد یہ کمی 60 میٹر سے بھی زیادہ ہو چکی ہے۔ قانونی اور غیر قانونی ہزاروں کنویں مسلسل پانی نکال رہے ہیں، جس سے زمین کمزور ہو رہی ہے اور اچانک سنک ہولز کی تعداد بڑھ رہی ہے۔ ترکیہ کی ڈیزاسٹر ایجنسی (اے ایف اے ڈی) کے مطابق کونیا کلوزڈ بیسن میں تقریباً 700 سنک ہولز موجود ہیں، جن میں خاص طور پر کاراپنار اور اس کے ارد گرد کے اضلاع شامل ہیں، اور یہ کرمان اوراکسرے کی جانب بھی بڑھ رہے ہیں۔کئی گڑھے 30 میٹر سے زیادہ گہرے ہیں، جس سے کھیت، سڑکیں اور بعض اوقات عمارتیں بھی متاثر ہو رہی ہیں، اور کچھ کسان اپنے خطرناک کھیت چھوڑنے پر مجبور ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر