ویرات کوہلی نے ٹی 20 کرکٹ میں ایک اور سنگ میل عبور کرلیا
اشاعت کی تاریخ: 14th, April 2025 GMT
جے پور: بھارتی کرکٹ اسٹار اور رائل چیلنجرز بنگلور (آر سی بی) کے سابق کپتان ویرات کوہلی نے ٹی ٹوئنٹی کرکٹ میں ایک اور سنگ میل عبور کرلیا۔
اتوار کو آئی پی ایل 2025 کے میچ میں راجستھان رائلز کے خلاف مقابلے کے دوران کوہلی نے اپنی 100ویں نصف سنچری مکمل کی۔ اس کے ساتھ وہ ٹی ٹوئنٹی کرکٹ میں 100 ففٹیز بنانے والے دنیا کے دوسرے اور بھارت کے پہلے کھلاڑی بن گئے ہیں۔
ویرات کوہلی نے یہ کارنامہ اپنے 405ویں ٹی ٹوئنٹی میچ میں انجام دیا، ٹی ٹوئنٹی کرکٹ میں سب سے زیادہ ففٹیز آسٹریلوی اوپنر اور کراچی کنگز کے کپتان ڈیوڈ وارنر کے نام ہیں، جنہوں نے 400 میچز میں 108 ففٹیز اسکور کیں۔ کوہلی 405 میچز میں 100 ففٹیز کے ساتھ دوسرے نمبر پر ہیں۔
ٹی ٹوئنٹی کیریئر میں سب سے زیادہ ففٹیز:
ڈیوڈ وارنر – 108 (400 میچز)
ویرات کوہلی – 100 (405 میچز)
بابر اعظم – 90 (311 میچز)
کرس گیل – 88 (463 میچز)
جوس بٹلر – 86 (440 میچز)
آئی پی ایل میں بھی کوہلی کا ریکارڈ شاندار ہے۔ راجستھان کے خلاف ان کی حالیہ نصف سنچری آئی پی ایل میں ان کی 58ویں ففٹی تھی، جب کہ لیگ میں ان کے مجموعی 50 پلس اسکورز کی تعداد 66 ہوگئی ہے، جو ڈیوڈ وارنر کے برابر ہے۔
ڈیوڈ وارنر نے آئی پی ایل میں 62 ففٹیز اور 4 سنچریاں اسکور کیں، جبکہ کوہلی نے اب تک 58 ففٹیز اور 8 سنچریاں بنائی ہیں۔
آئی پی ایل میں سب سے زیادہ 50+ اسکورز:
ویرات کوہلی – 66
ڈیوڈ وارنر – 66
شیکھر دھون – 53
روہت شرما – 45
کے ایل راہول – 43
اے بی ڈی ویلیئرز – 43
کوہلی موجودہ سیزن میں بھی شاندار فارم میں ہیں۔ انہوں نے کولکتہ نائٹ رائیڈرز کے خلاف ناقابل شکست 59 رنز سے آغاز کیا، چنئی کے خلاف 31، گجرات کے خلاف صرف 7 پر آؤٹ ہوئے، مگر ممبئی انڈینز کے خلاف شاندار 67 رنز بنائے، جبکہ دہلی کے خلاف 22 رنز کا حصہ ڈالا۔
.ذریعہ: Express News
کلیدی لفظ: آئی پی ایل میں ویرات کوہلی ڈیوڈ وارنر ٹی ٹوئنٹی کرکٹ میں کوہلی نے کے خلاف
پڑھیں:
لگاتار 4 ناکامیوں پر راجستھان کی ٹیم مذاق کا نشانہ بن گئی
کراچی:آئی پی ایل میں لگاتار 4 میچز ہارجانے کے بعد راجستھان رائلز کی ٹیم سوشل میڈیا پر مذاق کا نشانہ بن گئی۔
ہفتے کی شب لکھنؤ سپر جائنٹس نے جے پور میں راجستھان رائلز کو شکست سے دوچار کیا تھا۔ میزبان سائیڈ اختتامی اوور میں جیت کیلیے درکار 9 رنز نہیں بناسکی تھی۔
شائقین نے سوشل میڈیا پر لکھا کہ "کیا چوک ہے، کیا رائل چوک ہے، بیکار ٹیم ہے"۔ رائلز نے اب اگلا میچ بنگلورو میں آرسی بی سے کھیلنا ہے۔
رواں سیزن میں اب تک مجموعی طور پر راجستھان رائلز کی کارکردگی مایوس کن رہی ہے۔ اس نے 8 میں سے 2 میچز جیتے اور 6 میں ناکامی کا سامنا کیا ہے۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی