سلمان اکرم راجہ پارٹی کو کسی رجمنٹ کی طرح چلارہے ہیں، فواد چوہدری کا الزام
اشاعت کی تاریخ: 14th, April 2025 GMT
پی ٹی آئی کے سابق رہنما اور فواد چوہدری نے سلمان اکرم راجہ پر الزام عائد کیا ہے کہ وہ کسی کو برداشت کرنے کو تیار نہیں اور پارٹی کو کسی رجمنٹ کی طرح چلارہے ہیں۔
9 مئی مقدمات کی سماعت میں سپریم کورٹ پیشی کے بعد پی ٹی آئی کے سابق رہنما فواد چوہدری نے وی نیوز سے گفتگو کرتے ہوئے کہا کہ سلمان اکرم راجہ کسی کو پارٹی میں برداشت نہیں کرتے، پارٹی ایسے چلا رہے ہیں جیسے کوئی رجمنٹ ہو۔
سلمان اکرم راجہ کسی کو پارٹی میں برداشت نہیں کرتے، پارٹی ایسے چلا رہے ہیں جیسے کوئی رجمنٹ ہو، جو کام کرنے والے ہیں وہ کرتے نہیں۔ آج 9 مئی کا کیس ہے کوئی PTIکا سینیئر لیڈر یہاں موجود نہیں۔ جب تک ان کو 2 کروڑ نہ مل جائیں یہ بیڈ سے ہی نہیں اٹھتے۔ فواد چوہدری @fawadchaudhry pic.
— WE News (@WENewsPk) April 14, 2025
فواد چوہدری کا کہنا تھا کہ سلمان اکرم راجہ کرنے والے کام نہیں کرتے، آج 9 مئی سے متعلق کیس کی سماعت ہے، کوئی پی ٹی آئی سینیئر لیڈر یہاں موجود نہیں۔ ’جب تک ان کو 2 کروڑ نہ مل جائیں یہ بیڈ سے ہی نہیں اٹھتے۔‘
پی ٹی آئی قیادت کو ہدف تنقید بناتے ہوئے فواد چوہدری کا کہنا تھا کہ سارے ایم این اے اور سینیٹرز ہیں، عہدے لے کر بیٹھے ہیں لیکن آج ورکرز کے کیس تھے، عمران خان کا کیس تھا تو کیوں نہیں آئے، پرابلم آیا تھا کوئی۔
یہ بھی پڑھیں: منی لانڈرنگ کو قانونی جواز فراہم کرنے والا پی ٹی آئی کا سیکریٹری جنرل ہے، فواد چوہدری کی سلمان اکرم راجا پر تنقید
عمران خان کا ایک بیان آیا تھا کہ اسٹیبلشمنٹ پر تنقید نہ کی جائے؟ اس سوال پر فقد چوہدری کا کہنا تھا کہ ان خیال نہیں کہ عمران خان نے ایسا کچھ کہا ہے، اسٹیبلشمنٹ کے سیاسی کردار پر تو تنقید جاری رہے گی۔
فواد چوہدری کے مطابق پاکستان کے دورے پر آئے امریکی وفد میں شامل امریکی کانگریس کے نمائندے پاکستانی کاکس کے ارکان ہیں اور ان کی ہمدردیاں پاکستان کے ساتھ ہیں، انہوں نے نے جمہوریت اور قانون کی حکمرانی پر بات کی۔
مزید پڑھیں: ’یہ نہیں چاہتے کہ عمران خان باہر آئیں‘، فواد چوہدری نے ’عمران خان ریلیز کمیٹی‘ بنانے کا اعلان کردیا
’کم از کم 2 سینیٹروں نے مجھے یہی بتایا کہ وہ ہر جگہ یہی بات کررہے ہیں کہ جب تک ملک میں قانون کی بالادستی اور عدلیہ آزاد نہ ہو وہاں سرمایہ کاری نہیں لائی جاسکتیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیبلشمنٹ امریکی وفد جمہوریت سپریم کورٹ سرمایہ کاری سلمان اکرم راجہ سیاسی کردار فواد چوہدری قانون کی حکمرانی وی نیوزذریعہ: WE News
کلیدی لفظ: اسٹیبلشمنٹ امریکی وفد جمہوریت سپریم کورٹ سرمایہ کاری سلمان اکرم راجہ سیاسی کردار فواد چوہدری قانون کی حکمرانی وی نیوز سلمان اکرم راجہ فواد چوہدری پی ٹی ا ئی چوہدری کا تھا کہ نہیں ا
پڑھیں:
پیپلز پارٹی سندھ کا پانی خود فروخت کرکے رونے کا ڈراما کررہی ہے. زرتاج گل
راولپنڈی(اردوپوائنٹ اخبارتازہ ترین-انٹرنیشنل پریس ایجنسی۔19 اپریل ۔2025 )قومی اسمبلی میں تحریک انصاف کی پارلیمانی لیڈر زرتاج گل نے کہا ہے کہ پیپلز پارٹی سندھ کا پانی خود فروخت کرکے رونے کا ڈراما کررہی ہے،عمران خان سرخرو ہوں گے، کبھی ڈیل نہیں کریں گے،رہنما ناحق قید کاٹ رہے ہیں، خواتین کے ساتھ ظلم ہو رہا ہے، تحریک انصاف کا نظریہ کبھی ختم نہیں ہوگا. ان خیالات کا اظہار انہوں نے راولپنڈی کی انسداددہشت گردی عدالت میں 9مئی مقدمات کی سماعت کے موقع پر صحافیوںسے گفتگو کرتے ہوئے کیا زرتاج گل نے کہا کہ 12 مقدمات کی سماعت ہے، یہ تمام بوگس مقدمات ہیں عمران خان سے کسی کو ملنے نہیں دیا جارہا ہے عمران خان کی بہنیں چار چار گھنٹے جیل کے باہر بیٹھی رہتی ہیں .(جاری ہے)
انہوں نے کہا کہ عمران سے ملاقات کی لسٹ میں نام درج ہونے کے باوجود ملنے نہیں دیا جارہا ہے جیل کے باہر ہمارا محاصرہ کیا گیا ہے کل گوجرانولہ میں تھی تو وہاں مجھے گرفتار کرنے کی کوشش کی گئی گوجرانولہ میں میرے خلاف مقدمات درج ہیں.
زرتاج گل نے کہا کہ تحریک انصاف کے بہت سے رہنما ناحق قید کاٹ رہے ہیں خواتین کے ساتھ ظلم ہو رہا ہے، عالیہ حمزہ کو بھی کل گرفتار کیا گیا تحریک انصاف کی خواتین کے ساتھ بدترین ظلم ہو رہا ہے انہوں نے کہا کہ پاکستان میں لا اینڈ آرڈر کے بہت برے حالات ہیں فیڈرل اور پنجاب کے اپوزیشن لیڈر کو اڈیالہ جیل کے باہر سے گرفتار کیا گیا پارلیمانی لیڈر ہوں اس کے باوجود 5 گھنٹے حبس بے جا میں رکھا گیا. وزیراعلی پنجاب مریم نواز پر تنقید کرتے ہوئے انہوں نے کہا کہ ٹک ٹاکر وزیراعلی کی پرفارمنس صرف ٹک ٹاک پر نظر آتی ہے پیپلز پارٹی سے متعلق بات کرتے ہوئے انہوں نے کہا کہ سندھ سے ہمارے امیدوار جیتے ہیں مگر فارم 47 پر ہروا دیا گیا سندھ میں ہونے والے ضمنی انتخاب میں پی ٹی آئی جیت چکی تھی پورا سندھ عمران خان کے نظریے کے ساتھ کھڑا ہے سندھ کا پانی خود فروخت کر کے پیپلزپارٹی اب رونے کا ڈرامہ کر رہے ہیں. پی ٹی آئی رہنما کا کہنا تھا کہ تحریک انصاف کا نظریہ کبھی ختم نہیں ہوگا 9مئی بہانہ تھا عمران خان نشانہ تھا زرتاج گل کا کہنا ہے کہ ہم آئین اور قانون کے مطابق انصاف کا دروازہ کھٹکھٹاتے ہیں، تمام صوبوں کے درمیان تفریق پیدا کرنے کی کوشش کی جا رہی ہے.
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج