بارک اوباما سے طلاق؛ اہلیہ نے خاموشی توڑ دی
اشاعت کی تاریخ: 10th, April 2025 GMT
سابق امریکی صدر بارک اوباما اور ان کی اہلیہ مشیل اوباما کے درمیان طلاق کی خبریں کچھ ماہ سے تواتر کے ساتھ زیر گردش ہیں۔
عالمی خبر رساں ادارے کے مطابق طلاق کی خبروں کی تصدیق نہیں ہوسکی اور جوڑے نے بھی اس معاملے پر خاموشی اختیار کی ہوئی ہے۔
ہر وقت اپنے شوہر کے ساتھ شانہ بشانہ نظر آنے والی مشیل اوباما نے اب سیاسی سرگرمیوں سے خود کو الگ کرلیا ہے۔
مشیل اوباما اب اہم سرکاری ایونٹس میں بھی اپنے شوہر بارک اوباما کے ساتھ نظر نہیں آ رہی ہیں۔
اپنے ایک حالیہ پوڈکاسٹ میں مشیل اوباما نے ان تمام سوالات اور شکوک و شبہات پر کھل کی گفتگو کی ہے۔
مشیل اوباما نے سیاسی سرگرمیاں ختم کردینے سے متعلق بتایا کہ ان کی تمام تر توجہ اپنے فلاح و بہبود کے پروجیکٹس پر مرکوز رہی ہے۔
یہ خبر بھی پڑھیں : مشیل کو طلاق؟ اوباما کی اداکارہ جینیفر اینسٹن سے قربتیں
بارک اوباما کی اہلیہ نے یہ بھی کہا کہ اب میری بیٹیاں بھی بڑی ہوگئی ہیں تو اب میں اپنے اہداف اور ترجیحات پر توجہ دے رہی ہوں۔
سابق امریکی صدر کے ساتھ طلاق کی افواہوں پر پوچھے گئے سوال کو مشیل اوباما نے سختی سے مسترد کرتے ہوئے کہا کہ مجھے معلوم نہیں لوگ ایسی باتیں کیوں کر رہے ہیں جن میں کوئی حقیقت نہیں ہے۔
.
ذریعہ: Express News
کلیدی لفظ: بارک اوباما مشیل اوباما کے ساتھ
پڑھیں:
سارہ علی خان کے سابق بوائے فرینڈ ویر پہاڑیہ اور تارا ستاریا کی محبت کا آغاز کیسے ہوا؟
بالی ووڈ اداکارہ سارہ علی خان کے سابق بوائے فرینڈ ویر پہاڑیہ اور اداکارہ تارا ستاریا نے رواں سال کے اوائل میں اپنے تعلقات کو عوامی طور پر تسلیم کیا، اور اب دونوں نے اپنے رشتے کے ابتدائی دنوں کے بارے میں کھل کر بات کی ہے۔
بھارتی میڈیا کے مطابق کافی قیاس آرائیوں کے بعد اس جوڑے نے جولائی 2025 میں اپنے تعلقات کا باقاعدہ اعلان کیا تھا۔ ویر پہاڑیہ نے ایک انٹرویو میں کہا کہ انہیں یہ بات پسند ہے کہ پہلی ملاقات سے ہی انہوں نے اپنے جذبات کو کھلے دل سے قبول کیا اور جہاں بھی گئے، اپنے احساسات کا اظہار کرنے میں کبھی ہچکچاہٹ نہیں محسوس کی۔
جب ان سے پوچھا گیا کہ کیا کوئی خاص لمحہ تھا جس نے رشتے کو نیا رنگ دیا، تو ویر نے ایک شام کا ذکر کیا جو موسیقی سے بھرپور تھی۔ انہوں نے بتایا کہ شاید یہ ہماری پہلی ڈیٹ نائٹ تھی، جب ویر نے پیانو بجایا اور تارا نے گانا گایا، اور یہ لمحہ سورج نکلنے تک جاری رہا۔
تارا ستاریا نے کہا کہ ہمارا رشتہ کسی ایک لمحے کا نتیجہ نہیں بلکہ وقت کے ساتھ مضبوط ہوا۔ مشکل اور آسان ہر لمحے میں ہم نے ایک دوسرے کا ساتھ دیا، جیسے کہ ہم ایک دوسرے کو زندگی بھر سے جانتے ہوں، اور یہی بات شروع سے خاص رہی۔
اپنی پہلی مشترکہ سیر کے بارے میں تارا نے ایک دلچسپ خاندانی روایت کا ذکر کیا۔ انہوں نے بتایا کہ بچپن سے ان کی والدہ کہتی تھیں کہ “آئل آف کیپری وہ جگہ ہے جہاں آپ اپنے بہترین دوست یا محبوب کو لے جاتے ہیں۔ اگر کشتی میں اس جزیرے کے پاس سے گزرتے ہوئے آپ اس شخص کو گلے لگائیں تو رشتہ ہمیشہ خاص رہتا ہے۔” تارا اور ویر نے بالکل یہی کیا۔
ویر نے بھی اس مقام کی اہمیت پر روشنی ڈالی اور کہا کہ یہ جگہ امالفی کوسٹ پر دونوں کے لیے بہت خاص تھی، اور انہوں نے پہلے ہی طے کر لیا تھا کہ جب انہیں وہ خاص شخص ملے گا تو اسے یہاں لے کر جائیں گے۔
رشتے کا باضابطہ اعلان ہونے کے بعد دونوں مختلف عوامی تقریبات اور سوشل میڈیا پر ساتھ نظر آئے۔ ویر پہاڑیہ حال ہی میں اکشے کمار کے ساتھ فلم ‘اسکائی فورس’ میں دکھائی دیے، جبکہ تارا نے اپنی 30 ویں سالگرہ خاندان اور ویر کی موجودگی میں منائی۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر