پی ایس ایل 10 کیلئے سیکیورٹی انتظامات مکمل غیر ملکی کھلاڑیوں کی آمد کا سلسلہ جاری
اشاعت کی تاریخ: 10th, April 2025 GMT
پاکستان سپر لیگ کے دسویں ایڈیشن کا آغاز ایک دن بعد ہونے جا رہا ہے جس کے لیے پنجاب پولیس نے سیکیورٹی کے تمام انتظامات مکمل کر لیے ہیں آئی جی پنجاب ڈاکٹر عثمان انور کا کہنا ہے کہ کھلاڑیوں آفیشلز اور شائقین کو بھرپور سیکیورٹی فراہم کی جائے گی تاکہ میچز پرامن اور محفوظ ماحول میں منعقد ہوں آئی جی پنجاب نے بتایا کہ پی سی بی ضلعی انتظامیہ اور دیگر تمام اداروں کے ساتھ مکمل کوآرڈینیشن ہے اور مجموعی طور پر اکیس ہزار سے زائد اہلکار سیکیورٹی کے فرائض انجام دیں گے ترجمان پولیس کے مطابق لاہور میں آٹھ ہزار سے زائد افسران اور اہلکار سیکیورٹی پر تعینات ہوں گے راولپنڈی میں پانچ ہزار جبکہ ملتان میں آٹھ ہزار اہلکار سیکیورٹی ڈیوٹی انجام دیں گے ایچ بی ایل پی ایس ایل کے دسویں سیزن میں بھی غیر ملکی کھلاڑیوں کی شرکت رنگ جمائے گی اور کئی غیر ملکی کھلاڑی پاکستان پہنچ چکے ہیں گزشتہ رات کراچی پہنچنے والے ڈیوڈ ولی کرس جارڈن اور جوش لٹل نے ملتان سلطانز کو جوائن کیا اور پہلے پریکٹس سیشن میں حصہ لیا شائے ہوپ اور مائیکل بریسویل بھی آج پاکستان پہنچ رہے ہیں بدھ کی صبح شان ایبٹ کائل جیمیسن عقیل حسین اور فن ایلن پاکستان پہنچ کر اپنی ٹیموں کو جوائن کر چکے ہیں جب کہ رایلی روسو پہلے ہی اسکواڈ میں شامل ہو چکے ہیں بنگلادیش کے لٹن داس اور نیوزی لینڈ کے ٹم سائفرٹ نے کراچی کنگز کو جوائن کر لیا ہے دوسری جانب انگلینڈ کے ٹام کوہلر کیڈمور نے پشاور زلمی کے اسکواڈ کو اسلام آباد میں جوائن کیا ہے غیر ملکی کھلاڑیوں کی آمد سے پی ایس ایل 10 کا جوش و خروش مزید بڑھ گیا ہے اور شائقین کو دلچسپ اور سنسنی خیز مقابلوں کی توقع ہے
.ذریعہ: Nawaiwaqt
کلیدی لفظ: غیر ملکی
پڑھیں:
پنجاب میں گندم کی فی من قیمت 4 ہزار روپے مقرر کرنے کیلئے لاہور ہائیکورٹ میں درخواست دائر
لاہور(نیوز ڈیسک)پنجاب میں گندم کی فی من قیمت 4 ہزار روپے مقرر کرنے کے لیے لاہور ہائیکورٹ میں درخواست دائر کردی گئی۔
نجی چینل کے مطابق درخواست چنیوٹ کے کسان نے ایڈووکیٹ غلام عباس ہرل کی وساطت سے دائر کی، جس میں پنجاب حکومت، سیکریٹری محکمہ خوراک اور ڈائریکٹر جنرل (ڈی جی) پاسکو کو فریق بنایا گیا ہے۔
درخواست میں مؤقف اپنایا گیا ہے کہ ہمارے ملک میں زرعی شعبہ خوراک کی کمی کو پورا کرتا ہے، حکومت 2 ہزار 200 روپے فی من گندم کی قیمت مقرر کر رہی ہے، جب کہ فی ایکڑ خرچہ 3 ہزار 600 روپے ہے۔
درخواست میں کہا گیا ہے کہ حکومت کسانوں سے گندم کی خریداری بھی نہیں کر رہی، گندم کا ریٹ کم مقرر کرنا غیر قانونی اور کسانوں کے ساتھ زیادتی ہے۔
درخواست میں استدعا کی گئی ہے کہ لاہور ہائیکورٹ حکومت کو 4 ہزار روپے فی من گندم کا رہٹ مقرر کرنے کا حکم دے۔
عدالت گندم کی خریداری کے لیے حکومت کو پالیسی بنانے کا حکم دے، عدالت کسانوں کو سبسڈی دینے کے حوالے سے بھی احکام جاری کرے۔
جماعت اسلامی کا غزہ میں جاری مظالم کیخلاف 26 اپریل کو ہڑتال کا اعلان
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج