بھارت: بیٹی کی شادی سے 10 روز قبل ماں ہونیوالے داماد کیساتھ بھاگ گئی
اشاعت کی تاریخ: 10th, April 2025 GMT
بھارت میں بیٹی کی شادی سے قبل ماں ہونے والے داماد کے ساتھ بھاگ گئی، گھر میں صفِ ماتم بچھ گئی۔
بھارت کے شہر علی گڑھ میں ایک ناقابلِ یقین واقعہ پیش آیا ہے جہاں ایک ماں اپنی بیٹی کی شادی سے محض 10 دن قبل اُس کے منگیتر کے ساتھ فرار ہو گئی۔
بھارتی میڈیا کی رپورٹس کے مطابق خاتون صرف بھاگی نہیں بلکہ ساتھ ہی شادی کے لیے محفوظ کی گئی 3 لاکھ روپے کی نقدی اور 5 لاکھ روپے کے زیورات بھی لے گئی۔
متاثرہ لڑکی شیوانی کی شادی 16 اپریل کو طے تھی، تاہم اس کی والدہ انیتا اور اس کا منگیتر راہول اچانک لاپتہ ہو گئے، اس واقعے پر شیوانی کے گھر والے شدید صدمے سے دو چار ہیں۔
شیوانی نے پولیس کو بتایا کہ اس کی والدہ انیتا پچھلے کچھ ماہ سے اس کے منگیتر راہول سے اکثر رات کے وقت فون پر بات کرتی تھیں، لیکن ہم نے سمجھا کہ یہ شادی کی تیاریوں سے متعلق بات چیت ہو گی۔
شیوانی کے والد کا کہنا ہے کہ میں گزشتہ 20 برس سے بیوی کے رویے کو صرف بچوں کی خاطر برداشت کر رہا تھا، لیکن اس حالیہ واقعے نے مجھے توڑ کر رکھ دیا ہے۔
پولیس نے انیتا اور راہول کے خلاف مقدمہ درج کر لیا ہے اور دونوں کی تلاش جاری ہے، تاہم تاحال کوئی گرفتاری عمل میں نہیں آئی ہے۔
Post Views: 2.ذریعہ: Daily Mumtaz
کلیدی لفظ: کی شادی
پڑھیں:
ایران کیساتھ مذاکرات میں اہم پیشرفت ہوئی ہے، امریکی محکمہ خارجہ
اپنے ایک بیان میں بدر البوسعیدی کا کہنا تھا کہ ایران و امریکہ کے درمیان غیر مستقیم مذاکرات میں تیزی آ گئی ہے۔ انہوں نے کہا کہ اس وقت وہ بھی ممکن ہے جو کبھی ناممکن تھا۔ اسلام ٹائمز۔ اٹلی کے دارالحکومت "روم" میں ایران-امریکہ غیر مستقیم مذاکرات کے 12 سے زائد گھنٹے گزرنے کے بعد، امریکی محکمہ خارجہ کے ترجمان "ٹامی بروس" نے المیادین سے گفتگو میں کہا کہ ان مذاکرات میں قابل توجہ پیشرفت ہوئی ہے۔ انہوں نے کہا کہ ہم نے ایرانی فریق سے اگلے ہفتے دوبارہ ملنے پر اتفاق کیا ہے۔ اسی دوران ٹرامپ انتظامیہ کے سینئر عہدیدار نے امریکی میڈیا سے گفتگو میں کہا کہ روم میں تقریباََ 4 گھنٹے تک مذاکرات کا دوسرا دور جاری رہا۔ جس میں بالواسطہ و بلاواسطہ بات چیت مثبت طور پر آگے بڑھی۔ واضح رہے کہ امریکہ کے ساتھ بالواسطہ مذاکرات کے دوسرے دور میں ایرانی وفد کی قیادت وزیر خارجہ "سید عباس عراقچی" نے کی جب کہ امریکی وفد کی سربراہی مشرق وسطیٰ میں ڈونلڈ ٹرامپ کے نمائندے "اسٹیو ویٹکاف" کے کندھوں پر تھی۔
مذاکرات کا یہ عمل روم میں عمانی سفیر کی رہائش گاہ پر عمان ہی کے وزیر خارجہ "بدر البوسعیدی" کے واسطے سے انجام پایا۔ دوسری جانب مذاکرات کی تفصیلات بیان کرتے ہوئے سید عباس عراقچی نے کہا کہ فریقین کئی اصولوں اور اہداف پر مثبت تفاہم تک پہنچ چکے ہیں۔ انہوں نے کہا کہ رواں ہفتے بدھ کے روز ماہرین کی سطح تک مذاکرات کا یہ عمل آگے بڑھے گا جب کہ اعلیٰ سطح پر بات چیت کے لئے اگلے ہفتے اسنیچر کو اسی طرح بالواسطہ اجلاس منعقد ہو گا۔ سید عباس عراقچی نے کہا کہ اس وقت مذاکرات سے اچھی امید باندھی جا سکتی ہے لیکن احتیاط کی شرط کے ساتھ۔ ایرانی وزیر خارجہ کے ساتھ ساتھ اُن کے عمانی ہم منصب بدر البوسعیدی نے بھی دعویٰ کیا کہ ایران و امریکہ کے درمیان غیر مستقیم مذاکرات میں تیزی آ گئی ہے۔ انہوں نے کہا کہ اس وقت وہ بھی ممکن ہے جو کبھی ناممکن تھا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج