تحریک انصاف میں قیادت کا مسئلہ چل رہا ہے، آغا رفیع اللہ
اشاعت کی تاریخ: 10th, April 2025 GMT
اسلام آباد:
پیپلزپارٹی کے رہنما آغا رفیع اللہ نے کہا ہے تحریک انصاف میں مسئلہ چل رہا ہے، اس کی قیادت کون کرے گا؟
انھوں نے ایکسپریس نیوز کے پروگرام کل تک میں گفتگو کرتے ہوئے کہاکیا گوہر، سلمان اکرم ،عمرایوب، زرتاج گل، جنید اکبر یا عمران خان کی بہنیں قیادت کریں گے، خان صاحب سے مخصوص ٹولے کو ملنے دیا جاتا ہے.
انھوں نے چیئرمین کو نکال دیا کہ باقی لوگ کہاں ہیں،سلمان اکرم کوبھیجیں، اس لیے کارکنوں کو تحفظات ہیں اور وہ الجھن کا شکار ہیں، پی ٹی آئی کے پارلیمانی رہنما سیاسی انگیجمینٹ چاہتے ہیں، اداروں سے مزاحمت نہیں، ہم نے حکومت سے صاف صاف کہہ دیا جب تک نہروں کا مسئلہ حل نہیں ہوتا، کسی بل پر ساتھ نہیں دیں گے، یہ کالاباغ ڈیم جیسا مردہ گھوڑا ہے، سندھ نہیں رہتا تو ریاست کہاں کی ؟
تحریک انصاف کے سینیٹر ہمایوں مہمند نے کہاعمران خان سے جب میری ملاقات ہوئی تھی تو عدالتی احکامات کے برخلاف دولوگوں کو نہیں ملنے دیا گیا۔ ہماری جماعت میں اختلاف رائے ہے،ہمارالیڈر پابند سلاسل ہے، علیمہ خان سیاسی لیڈر نہیں ،وہ عمران خان کے ایماء پر باہر آکر بیان دیتی ہیں.
مسلم لیگ ن کے سینیٹر افنان اللہ خان نے کہا سیاستدان جب جیلوں میں جاتے ہیں تو انھیں سیاسی طریقے سے ہی چلنا چاہیے، علیمہ خان کو اس لیے روکا گیا کیونکہ وہ باہر سیاسی بات کرتی ہیں، جو سزایافتہ اور جیل میں ہے، وہ کالم نہیں لکھ سکتا، یہ کون سی جمہوریت میں ہوتا ہے کہ میں جیت جاؤں تو ٹھیک ورنہ اسٹیبلشمینٹ مجھے دوتہائی اکثریت دلائے ورنہ میں نہیں مانوں گا اور آگ لگاؤں گا، ہم ایسا کوئی کام نہیں کریں گے جو سندھ کے خلاف ہو، کالا باغ ڈیم اس لیے نہیں بنا کیونکہ ہم نے بھی اس کی حمایت نہیں کی ورنہ وہ بن جاتا ہے۔
ذریعہ: Express News
پڑھیں:
کینالز کیخلاف سندھ میں تحریک انصاف اور دیگر جماعتوں کے دھرنے
کراچی ( اُردو پوائنٹ اخبارتازہ ترین۔ 20 اپریل 2025ء ) نئی کینالز کیخلاف سندھ میں تحریک انصاف اور دیگر جماعتوں نے دھرنے دے دیئے، اس دوران بعض مقامات پر ٹرینیں روکے جانے اور پہیہ جام ہڑتال کی اطلاعات بھی موصول ہوئی ہیں۔ تفصیلات کے مطابق دریائے سندھ سے نئی نہریں نکالنے کے خلاف صوبہ سندھ میں پاکستان تحریک انصاف اور دیگر جماعتوں، تنظیموں کی جانب سے مختلف مقامات پر دھرنے دیئے گئے، صوبے کے کئی مقامات ہڑتال اور احتجاج کیا جارہا ہے، جن میں سے بعض مقامات پر ٹرینیں روکے جانے اور پہیہ جام ہڑتال کی بھی اطلاعات ہیں، سندھ میں پبلک ٹرانسپورٹ مکمل جام ہے کیوں صوبے کے چھوٹے بڑے شہروں میں درجنوں مقامات پر دھرنے دیئے جا رہے ہیں۔(جاری ہے)
بتایا گیا ہے کہ خیبر پور سندھ میں لقمان کے مقام پر مظاہرین نے ریلوے ٹریک بند کر کے ٹرین روک دی جہاں مظاہرین نہروں کے خلاف احتجاج کر رہے ہیں، نہروں کے خلاف احتجاج کرنے والے مظاہرین کے باعث محراب پور سٹیشن پر شالیمار ایکسپریس کو روک لیا گیا، سکھر میں اس وقت دریائے سندھ سے نہریں نکالنے کے خلاف دھرنا دیا جا رہا ہے، نوشہرو فیروز سندھ کے مقام پر قومی شاہراھ کو دھرنا دے کر بند کر دیا گیا، کنڈیارو سندھ میں مکمل پہیہ جام شٹر ڈاؤن ہڑتال کی جارہی ہے، اس دوران پٹرول پمپ بند کردیئے گئے، ہنگورجا کے مقام پر بھی قومی شاہراھ پر دھرنا دے دیا گیا۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج