کراچی کی سڑکوں پر موت کا رقص، ڈھائی سالہ بچے سمیت 4 افراد جاں بحق
اشاعت کی تاریخ: 10th, April 2025 GMT
کراچی:
شہر قائد کے مختلف علاقوں لانڈھی، کورنگی، لیاقت آباد اور سپرہائی وے پر ٹریفک حادثات میں ڈھائی سالہ بچے سمیت مزید 4 افراد جاں بحق ہوگئے۔
ایکسپریس نیوز کے مطابق کالونی اسٹاپ کے قریب ٹریلر نے ایک اور موٹر سائیکل سوار کی جان لے لی جبکہ سپر ہائی وے پر مزدا کی ٹکر سے ڈھائی سال کا بچہ فرحان اور کورنگی صنعتی ایریا ویٹا چورنگی کے قریب ٹرالر نے موٹرسائیکل سوار کو کچل دیا۔
کورنگی ویٹا چورنگی میں ٹرالے کی زد میں آنے والے نوجوان کا بھیجا اور دیگر جسمانی اعضا سڑک پر چپک گئے تھے جنہیں شہریوں نے تھیلے میں جمع کیا۔ مقتول کی لاش کو جناح اسپتال منتقل کیا گیا جہاں اُس کی شناخت 41 سالہ عدنان خان کے نام سے ہوئی۔
جاں بحق شہری قانون نافذ کرنے والے ادارے کا ریکارڈ اہلکارہے اور نجی ادویات بنانے والی کمپنی میں سیکیورٹی افسر تعینات تھا۔ ٹرالر کا ڈرائیور موقع سے فرار ہوگیا
شرافی گوٹھ کے علاقے لانڈھی مانسہرہ کالونی اسٹاپ کے قریب ٹریلر نے موٹر سائیکل سوار کر روند ڈالا جس کے میں 25 سالہ مسعود خان موقع پر ہی جاں بحق ہوگیا، متوفی کی لاش چھیپا کے رضا کاروں نے ضابطے کی کارروائی کے لیے جناح اسپتال پہنچائی۔
اس حوالے ترجمان ڈسٹرکٹ ملیر پولیس کے مطابق حادثے کی اطلاع ملتے ہی شرافی گوٹھ پولیس نے موقع پر پہنچ کر ٹریلر کے ڈرائیور محمد صفدر کو گرفتار کر کے ٹریلر اپنے قبضے میں لے لیا۔
اس کے علاوہ سائٹ سپرہائی وے میں تیز رفتار مزدا نے ڈھائی سالہ بچے کو کچلا اور کمسن بچہ ماں کی آنکھوں کے سامنے دم توڑ گیا جس کی شناخت حمزہ کے نام سے ہوئی۔
لیاقت آباد تھانے کے علاقے لیاری ایکسپریس وےعیسیٰ نگری کے قریب نامعلوم گاڑی کی ٹکرسے ایک راہ گیرجاں بحق ہوگیا جس کی لاش قانونی کارروائی کے لیے چھیپا ایمبولینس کے ذریعے عباسی شہید اسپتال منتقل کیا گیا، متوفی کی عمر45 سال کے قریب اور شناخت نہیں ہوسکی۔
دریں اثنا سرجانی ٹاؤن کے علاقے سیکٹر سیون اے مقصودیہ مدرسے کے قریب ٹریفک حادثے میں نوعمر لڑکا زخمی ہوگیا جسے فوری طبی امداد کے لیے چھیپا کے رضا کاروں نے عباسی شہید اسپتال پہنچایا جہاں اس کی شناخت 14 سالہ محمد سعد بیگ کے نام سے کی گئی۔
ایس ایچ او سرجانی غلام حسین پیرزادہ نے بتایا حادثہ لوڈنگ مزدا کی ٹکر سے پیش آیا تھا جبکہ موقع پر ہی لڑکے ورثا کا ڈرائیور سے تصفیہ ہوگیا تھا جس کے بعد انھوں نے کوئی قانونی کارروائی نہیں کرائی۔
واضح رہے کہ شہر کی سڑکوں پر موت کا رقص جاری ہے اور رواں سال کے 99 روز میں ٹریفک حادثات میں اموات کی مجموعی تعداد 241 ہوگئی۔
.ذریعہ: Express News
کلیدی لفظ: کے قریب
پڑھیں:
مردان؛ 2 موٹر کاروں میں خطرناک تصادم، 3 افراد جاں بحق
سٹی 42 : مردان میں رنگ روڈ سلیم خان کے قریب 2 موٹر کاروں میں ہونے والے تصادم کے نتیجے میں 3 افراد جاں بحق ہوگئے ۔
مردان میں رنگ روڈ سلیم خان کے قریب 2 موٹر کاروں میں خوفناک تصادم ہوا۔ ریسکیو 1122 کے مطابق حادثے کے نتیجے میں 2 خواتین سمیت 3 افراد موقع پر جاں بحق ہوگئے، جبکہ ایک شخص شدید زخمی ہوا ۔
ریسکیو1122 کی میڈیکل ٹیم نے ایک زخمی 62 سالہ احمد ساکن ساڑوشاہ اور جانبحق 55 سالہ خاتون ساکن محمد آباد پھاٹک کو ایم ایم سی اسپتال منتقل کر دیا۔ حکام کا کہنا ہے کہ حادثے کے دیگر افراد کو لوکل ٹرانسپورٹ میں ہسپتال منتقل کر دیا گیا ۔
ملک کے مختلف علاقوں میں بارش اور برفباری کی پیشگوئی
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر