تین بچوں کی ماں 12ویں جماعت کے طالبعلم کی محبت میں گرفتار، مذہب بدل کر شادی کرلی
اشاعت کی تاریخ: 9th, April 2025 GMT
AMROHA:
بھارتی ریاست اترپردیش کے ضلع امروہہ میں 3 بچوں کی ماں 30 سالہ خاتون نے بارھویں جماعت کے طالب علم کی محبت میں مذہب تبدیل کرکے شادی کرلی۔
این ڈی ٹی وی کی رپورٹ کے مطابق پولیس حکام نے بتایا کہ اترپردیش کے ضلع امروہہ میں واقع ایک مندر میں مذہب تبدیل کرنے والی 30 سالہ خاتون اور 12 ویں جماعت کے طالب علم کی شادی تقریب ہوئی۔
حسن پور سرکل افسر دیپ کمار پنت کے مطابق خاتون نے اپنا نام تبدیل کرکے شیوانی رکھا جبکہ سابقہ نام شبنم تھا اور اس سے قبل دو شادی کرچکی ہیں اور والدین میں سے کوئی زندہ نہیں ہیں۔
رپورٹ میں بتایا گیا کہ یو پی وہ ریاست ہے جہاں مذہب تبدیلی پر پابندی کا قانون نافذ ہے، اترپردیش پروہیبیشن آف انلا فل کنورژن آف ریلیجن ایکٹ 2021 جبری طور پر یا کسی بھی دھوکا دہی کے طور پر مذہب تبدیلی سے روکتا ہے۔
پولیس نے بتایا کہ شادی کے حوالے سے صورت حال کا جائزہ لے رہی ہیں لیکن اب تک کسی کی جانب سے قانونی طور پر شکایت درج نہیں کرائی ہے۔
سرکل افسر کا کہنا تھا کہ شبنم سے شیوانی بننے والی خاتون نے پہلی شادی میرٹھ میں کی تھی لیکن وہ طلاق پر ختم ہوئی تھی اور اس کے بعد انہوں نے گاؤں سیدان والی سے تعلق رکھنے والے توفیق سے شادی کی۔
ان کا کہنا تھا کہ توفیق 2011 میں پیش آنے والے ایک حادثے میں معذور ہوگئے تھے۔
خاتون کے بارے میں پولیس افسر کا کہنا تھا کہ شیوانی نے حال ہی میں 12 ویں جماعت کے 18 سالہ طالب علم سے تعلقات استوار کیے تھے۔
انہوں نے کہا کہ شیوانی نے 18 سالہ طالب علم سے تعلقات کے بعد گزشتہ ہفتے جمعے کے روز توفیق سے خلع لے لی اور ہندو مذہب اختیار کرتے ہوئے اپنا نام شیوانی رکھ دیا۔
پولیس افسر نے بتایا کہ 12 ویں جماعت کے طالب علم کے والد نے صحافیوں کو بتایا کہ وہ اپنے بیٹے کے فیصلے کی حمایت کرتے ہیں اور اگر یہ جوڑا خوش ہے تو خاندان بھی خوش ہے اور ہمیں صرف یہی توقع ہے کہ دونوں ہنسی خوشی زندگی گزاریں۔
.ذریعہ: Express News
کلیدی لفظ: جماعت کے طالب طالب علم بتایا کہ
پڑھیں:
دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آگیا
دوسری شادی کرنے کی صورت میں بچے کی کسٹڈی کا حق دار کون؟ عدالت کا بڑا فیصلہ سامنے آگیا WhatsAppFacebookTwitter 0 21 April, 2025 سب نیوز
لاہور(آئی پی ایس) لاہور ہائیکورٹ نے بچوں کی حوالگی کے حوالے سے بڑا فیصلہ سناتے ہوئے دوسری شادی کرنے کے باوجود ماں کو ہی بچے کی کسٹڈی کا حق دار قرار دے دیا۔
لاہور ہائیکورٹ کے جسٹس احسن رضا کاظمی نے نازیہ بی بی کی درخواست پر 4 صفحات پر مشتمل تحریری فیصلہ جاری کردیا، عدالت نے دوسری شادی کی بنیاد دس سالہ بچے کو ماں سے لے کر باپ کو دینے کا ٹرافئل کورٹ کا فیصلہ کالعدم قرار دے دیا۔
فیصلے میں کہا کہ بچوں کے حوالگی کے کیسز میں سب سے اہم نقطہ بچوں کی فلاح وبہبود ہونا چاہیئے، عام طور پر ماں کو ہی بچوں کی کسٹڈی کا حق ہے، اگر ماں دوسری شادی کر لے تو یہ حق ضبط کر لیا جاتا ہے، یہ کوئی حتمی اصول نہیں ہے کہ ماں دوسری شادی کرنے پر بچوں سے محروم ہو جائے گی، غیر معمولی حالات میں عدالت ماں کی دوسری شادی کے باوجود بچے کی بہتری کی بہتری کےلیے اسے ماں کے حوالے کرسکتی ہیں۔
فیصلے میں کہا گیا کہ موجودہ کیس میں یہ حقیقت ہے کہ بچہ شروع دن سے ماں کے پاس ہے، صرف دوسری شادی کرنے پر ماں سے بچے کی کسٹڈی واپس لینا درست فیصلہ نہیں، ایسے سخت فیصلے سے بچے کی شخصیت پر بہت برا اثر پڑ سکتا ہے۔
فیصلے میں قرار دیا گیا کہ موجودہ کیس میں میاں بیوی کی علیحدگی 2016 میں ہوئی، والد نے 2022 میں بچے کی حوالگی کے حوالے سے فیصلہ دائر کیا، والد اپنے دعوے میں یہ بتانے سے قاصر رہا کہ اس نے چھ سال تک کیوں دعوا نہیں دائر کیا۔
فیصلے میں کہا گیا کہ والد نے بچے کی خرچے کے دعوے ممکنہ شکست کے باعث حوالگی کا دعوا دائر کیا، ٹرائل کورٹ نے کیس میں اٹھائے گئے اہم نقاط کو دیکھے بغیر فیصلہ کیا، عدالت ٹرائل کورٹ کی جانب سے بچے کی حوالگی والد کو دینے کا فیصلہ کالعدم قرار دیتی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستانی ٹیکسٹائل برآمدات بلند ترین سطح پر پہنچ گئیں، وزیراعظم کا خراج تحسین پاکستانی ٹیکسٹائل برآمدات بلند ترین سطح پر پہنچ گئیں، وزیراعظم کا خراج تحسین واشنگٹن کے ساتھ تجارتی سودے ہمارے کھاتے میں نہ کیے جائیں … چین کا انتباہ ہیٹ ویو کے خطرات؛ تعلیمی اداروں میں گرمیوں کی تعطیلات کب ہوں گی؟ نظام کی بہتری کے لیے 26 ویں ترمیم کی گئی، ضرورت ہوئی تو مزید قانون سازی کریں گے، وزیر قانون سپریم کورٹ کے جسٹس ریٹائرڈ سرمد جلال عثمانی انتقال کرگئے شاعر مشرق، مفکر پاکستان ڈاکٹر علامہ محمد اقبالؒ کی آج 87 ویں برسیCopyright © 2025, All Rights Reserved
رابطہ کریں ہمارے بارے ہماری ٹیم
حافظ آباد میں مضر صحت مٹھائی کھانے سے 3 بچے انتقال کرگئے