مصر نے فلسطینیوں کی جبری یا رضاکارانہ نقل مکانی کی مخالفت کردی
اشاعت کی تاریخ: 9th, April 2025 GMT
فرانسوی وزیر داخلہ کیساتھ اپنی ایک مشترکہ پریس کانفرنس میں بدر عبد العاطی کا کہنا تھا کہ غزہ کی پٹی میں انسانی امداد کی ترسیل کو مسلسل روکنا، فلسطینی عوام کو اپنی زمین چھوڑنے پر مجبور کرنے کی کوشش کے مترادف ہے۔ اسلام ٹائمز۔ آج مصر کے وزیر خارجہ "بدر عبد العاطی" نے کہا کہ قاہرہ واضح طور پر فلسطینی عوام کی جبری یا رضاکارانہ بے دخلی کے ہر منصوبے کی مخالفت کرتا ہے۔ انہوں نے کہا کہ ہمارے لئے فلسطینیوں کی نقل مکانی کا منصوبہ ناقابل قبول ہے۔ بدر عبد العاطی نے مزید کہا کہ غزہ کی پٹی میں انسانی امداد کی ترسیل کو مسلسل روکنا، فلسطینی عوام کو اپنی زمین چھوڑنے پر مجبور کرنے کی کوشش کے مترادف ہے۔ نیز یہ اقدام بین الاقوامی قوانین کی بھی کھلی خلاف ورزی ہے۔ انہوں نے کہا کہ فلسطینی عوام کو اپنی سرزمین پر زندگی گزارنے کا مکمل حق حاصل ہے۔ اس حق سے دستبردار ہونا یا اس پر سمجھوتہ کرنا ممکن نہیں۔ واضح رہے کہ بدر عبد العاطی نے ان خیالات کا اظہار اس وقت کیا جب وہ مصر کی صدارت میں ہونے والے دوسرے خرطوم اجلاس کے موقع پر فرانسوی وزیر داخلہ "فرانسوا نوئل بووه" اور جرمن وزیر "کاٹیا کوئل" کے ساتھ مشترکہ کانفرنس کر رہے تھے۔
انہوں نے گزشتہ روز بھی امریکی نمائندہ برائے امور مشرق وسطیٰ "مورگن اورٹیگس" سے ملاقات میں کہا کہ مصر، فلسطینیوں کی اپنی سرزمین سے بےدخلی کا مخالف ہے۔ دوسری جانب گزشتہ روز ہی فرانسوی صدر کے دورہ قاھرہ کے موقع پر ہزاروں مصری شہریوں نے العریش ائیر پورٹ پر مظاہرہ کیا اور فلسطینیوں کی اپنی سرزمین سے جبری نقل مکانی کے منصوبے کی مخالفت کا اعلان کیا۔ یاد رہے کہ گزشتہ کئی ہفتوں سے صیہونی رژیم نے غزہ جانے والی تمام سرحدی راہداریوں کو بند کر دیا ہے اور اس پٹی میں کسی بھی قسم کی انسانی امداد نہیں جانے دے رہی۔ جس سے اس علاقے میں قحط اور بھوک کا بحران پیدا ہو چکا ہے۔
ذریعہ: Islam Times
کلیدی لفظ: بدر عبد العاطی فلسطینی عوام فلسطینیوں کی کہا کہ
پڑھیں:
جوڈیشل پالیسی ساز کمیٹی کا جبری گمشدگیوں کے مقدمات پر مؤثر ادارہ جاتی ردعمل پر اتفاق
جوڈیشل پالیسی ساز کمیٹی کا جبری گمشدگیوں کے مقدمات پر مؤثر ادارہ جاتی ردعمل پر اتفاق WhatsAppFacebookTwitter 0 13 December, 2025 سب نیوز
اسلام آباد: (آئی پی ایس) چیف جسٹس پاکستان کی زیر صدارت نیشنل جوڈیشل پالیسی ساز کمیٹی کا 56واں اجلاس ہوا ہے جس میں جبری گمشدگیوں کے مقدمات پر مؤثر ادارہ جاتی ردعمل پر اتفاق کیا گیا۔
اعلامیہ کے مطابق تمام ہائی کورٹس کے چیف جسٹسز نے پالیسی ساز کمیٹی کے اجلاس میں شرکت کی، وفاقی آئینی عدالت کے چیف جسٹس امین الدین خان بھی شریک ہوئے۔
جوڈیشل پالیسی ساز کمیٹی کے اعلامیہ میں کہا گیا کہ جبری گمشدگیوں کے مقدمات پر مؤثر ادارہ جاتی ردعمل پر اتفاق کیا گیا، گرفتار ملزم کو 24 گھنٹے میں مجسٹریٹ کے سامنے پیش نہ کرنے پر نیا میکنزم لانے کا فیصلہ کیا گیا۔
جوڈیشل کمیٹی نے کمرشل مقدمات کے جلد فیصلوں کیلئے کمرشل لٹی گیشن کوریڈور نافذ کرنے کا فیصلہ کیا، ایف بی آر میں اسکریننگ کمیٹی اور غیر ضروری مقدمات کے خاتمے پر اتفاق کیا گیا، مقدمات کے فیصلوں کیلئے مقررہ ٹائم لائنز پر سختی سے عملدرآمد کا فیصلہ کیا گیا۔
اعلامیہ میں بتایا گیا کہ لاہور ہائی کورٹ نے 4 لاکھ 65 ہزار سے زائد مقدمات نمٹا کر ریکارڈ قائم کر دیا، اجلاس میں پشاور ہائی کورٹ میں وراثتی مقدمات اور ڈبل ڈاکٹ نظام کی تعریف کی گئی، 2019 تک کے تمام پرانے وراثتی کیسز 30 دن میں نمٹانے کی ہدایت کی گئی۔
اعلامیہ کے مطابق ماڈل ٹرائل کورٹس کی کارکردگی قابلِ تحسین ہے اور لاہور ہائی کورٹ سرفہرست رہی، ضلعی عدلیہ میں اصلاحات کیلئے سفارشات 30 دن میں مکمل کرنے کی ہدایت کی گئی، جیل اصلاحات پر صوبائی حکومتوں سے مشاورت کا فیصلہ کیا گیا۔
نیشنل جوڈیشل پالیسی ساز کمیٹی کے اجلاس میں عدالتی نظام میں مصنوعی ذہانت اے آئی کے استعمال کیلئے قومی گائیڈ لائنز تیار کر لی گئی ہیں، تمام ضلعی عدالتوں میں ای فائلنگ کے فوری آغاز کی منظوری دی گئی۔
کمیٹی نے سندھ ہائی کورٹ کو ای فائلنگ اقدامات پر سراہا، خواتین اور خاندانی سہولت مراکز کے قیام کی اصولی منظوری دی، ایکسیس ٹو جسٹس فنڈ کے تحت 2 ارب 58 کروڑ روپے سے زائد فنڈز جاری کئے گئے اور عدالتوں کی سولرائزیشن کیلئے صوبائی حکومتوں سے اضافی فنڈز لینے کی ہدایت کی گئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپنجاب بھر کے تمام تعلیمی اداروں میں موسم سرما کی تعطیلات کا اعلان پنجاب بھر کے تمام تعلیمی اداروں میں موسم سرما کی تعطیلات کا اعلان انتہا پسندانہ نظریات اور تقسیم پسند قوتوں سے نمٹنے کےلیے مکمل تیار ہیں، فیلڈ مارشل ’چین سے جنگ ہوئی تو امریکہ بری طرح ہارے گا‘: پینٹاگون کی خفیہ رپورٹ لیک غزہ میں طوفانی بارشوں نے تباہی مچا دی، بچوں سمیت 14 فلسطینی جان کی بازی ہار گئے عمران پراجیکٹ کے انچارج فیض حمید کیخلاف مزید قانونی کارروائی ہوگی: خواجہ آصف وطن سے بے مثال وفا کی عظیم داستان، نیا نغمہ ’’پاک سرزمینیوں‘‘ جاریCopyright © 2025, All Rights Reserved
رابطہ کریں ہماری ٹیم
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر