ساحر حسن کیخلاف منشیات کا مقدمہ؛ ایڈیشنل آئی جی تفتیشی افسر کو پیش کریں، عدالت کا حکم
اشاعت کی تاریخ: 9th, April 2025 GMT
کراچی:
جوڈیشل مجسٹریٹ جنوبی نے اداکار ساجد حسن کے بیٹے ساحر حسن کے خلاف منشیات کے مقدمے میں ایڈیشنل آئی جی کراچی کو تفتیشی افسر کو عدالت میں پیشی کے لیے پابند کرنے کا حکم دے دیا۔
کراچی سینٹرل جیل جوڈیشل کمپلیکس میں جوڈیشل مجسٹریٹ جنوبی شہزاد خواجہ کی عدالت کے روبرو اداکار ساجد حسن کے بیٹے ساحر حسن کے خلاف منشیات کے مقدمے کی سماعت ہوئی۔
عدالتی حکم کے باوجود تفتیشی افسر پیش نہیں ہوئے جس پر عدالت نے تفتیشی افسر کو شوکاز نوٹس جاری کر دیا۔ عدالت نے حکم دیا کہ ایڈیشنل آئی جی کراچی تفتیشی افسر کو عدالت میں پیشی کے لیے پابند کریں۔
عدالت نے عبوری چالان کی اسکروٹنی کی ہدایات جاری کرتے ہوئے حکم دیا کہ پراسیکیوشن ڈپارٹمنٹ عبوری چالان کی اسکروٹنی مکمل کرکے پیش کرے۔ عدالت نے سماعت 16 اپریل تک ملتوی کر دی۔
تفتیشی افسر نے دو روز پہلے عبوری چالان پراسیکیوشن کے پاس اسکروٹنی کے لیے جمع کروایا تھا۔ پراسیکیوٹر جنرل آفس نے چند اعتراضات دور کرنے کی ہدایت کی ہے۔
عبوری چالان میں اداکار ساجد حسن کے منیجر کا نام نیلی سیاہی سے لکھا گیا ہے۔ عبوری چالان میں لکھا ہے کہ منیجر کے خلاف شواہد نہیں ہیں۔
اداکار ساجد حسن کے بیٹے کے وکیل فراز فہیم ایڈووکیٹ نے گفتگو میں کہا کہ ساحر حسن کے خلاف سابق آئی جی سندھ کی دشمنی کے باعث مقدمہ قائم کیا گیا ہے، مقدمہ مکمل طور پر بے بنیاد ہے۔ تین ماہ بعد بھی عبوری چالان پیش نہیں کیا گیا۔ ساحر حسن کے خلاف پراسیکیوشن کے پاس کوئی ثبوت نہیں ہے۔
وکیل نے کہا کہ 2024 میں بننے والے نئے قانون کے تحت پہلی ایف آئی آر ساحر حسن کے خلاف درج ہوئی۔ اس قانون میں ضمانت کی سہولت نہیں اس لیے ہم نے ہائیکورٹ میں آئینی درخواست دائر کی ہے۔ ہائیکورٹ بھی ریگولر اور آئینی بینچ میں تقسیم ہوچکی ہے۔ ساحر حسن جیل میں خوش نہیں اور جیل میں کوئی خوش کیسے ہو سکتا ہے۔ جیل تو جیل ہے، ساحر بھی انصاف کی دعا مانگتا ہے۔
.ذریعہ: Express News
کلیدی لفظ: اداکار ساجد حسن کے ساحر حسن کے خلاف تفتیشی افسر کو عبوری چالان عدالت نے
پڑھیں:
نومئی مقدمات، ملزمان میں چالان کی نقول تقسیم، فرد جرم کے لیے تاریخ مقرر
نومئی مقدمات، ملزمان میں چالان کی نقول تقسیم، فرد جرم کے لیے تاریخ مقرر WhatsAppFacebookTwitter 0 19 April, 2025 سب نیوز
راولپنڈی(سب نیوز)9مئی کے مقدمات کے سلسلے میں ملزمان میں چالان کی نقول تقسیم کردی گئیں۔ عدالت نے فرد جرم کے لیے تاریخ بھی مقرر کردی۔انسداد دہشتگردی عدالت میں زیر سماعت 9 مئی کے مزید 7 مقدمات کے ملزمان میں چالان نقول تقسیم کر دی گئیں۔
چالان کی نقول شیخ رشید، عمر ایوب، کنول شوزب، زرتاج گل سمیت دیگر ملزمان میں تقسیم کی گئیں۔تمام 11مقدمات میں چالان نقول تقسیم کا عمل مکمل ہونے پر ملزمان پر فرد جرم عائد کی جائے گی۔9مئی کے 11 مقدمات کی سماعت انسداد دہشتگردی عدالت کے جج امجد علی شاہ نے کی۔ اس موقع پر تھانہ صدر واہ، ٹیکسلا، سول لائن، صادق آباد اور تھانہ سٹی کے 7مقدمات کے چالان کی نقول عدالت میں پیش کی گئی جب کہ ملزمان شیخ رشید، عمر ایوب، کنول شوزب، زرتاج گل، عارف عباسی، میاں عمران حیات سمیت دیگر کو تقسیم کی گئیں۔
سماعت کے موقع پر بانی پی ٹی ائی اور دیگر ملزمان کے وکلا جب کہ پراسیکیوشن کی جانب سے پراسیکیوٹر ظہیر شاہ عدالت میں پیش ہوئے۔بعد ازاں عدالت نے 9 مئی مقدمات کی مزید سماعت 26 اپریل تک ملتوی کر دی۔واضح رہے کہ 9مئی مقدمات میں بانی پی ٹی آئی، شاہ محمود قریشی، علی امین گنڈاپور، شبلی فراز، عمر ایوب و دیگر کو نامزد کیا گیا ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج