پنجاب کے ہر ڈویژن ہیڈ کوارٹر میں میڈیکل سٹی قائم کرنے کا فیصلہ
اشاعت کی تاریخ: 9th, April 2025 GMT
وزیراعلیٰ پنجاب مریم نواز شریف نے پنجاب کے ہر ڈویژن ہیڈ کوارٹر میں میڈیکل سٹی قائم کرنے کا فیصلہ کیا ہے اور تمام اسپتالوں میں مریضوں کو سٹیٹ آف دی آرٹ سروسز فراہم کرنے کی ہدایت کی ہے۔
وزیراعلیٰ پنجاب مریم نوازشریف کی زیر صدارت خصوصی اجلاس ہوا۔ سیکرٹری سپیشلائزڈ ہیلتھ اینڈ میڈیکل ایجوکیشن نے ہیلتھ ریفارمزکے بارے میں تفصیلی بریفنگ پیش کی۔
اجلاس میں وزیراعلیٰ مریم نوازشریف نے پنجاب میں اسٹیٹ آف دی آرٹ ریفررل سسٹم نافذ کرنے کا فیصلہ کیا۔ انہوں نے سرکاری اسپتالوں میں ریفررل سسٹم کے نفاذ کے لیے جامع پلان طلب کر لیا۔ اور مراکز صحت، ہیلتھ کلینک اور چھوٹے اسپتالوں سے سپیشلائزڈ اسپتالوں میں مریضوں کا بے جا لوڈ کم کرنے کے لیے فول پروف ریفررل سسٹم وضع کرنے کی ہدایت کی۔
اجلاس میں میڈیکل سٹی اتھارٹی کے قیام کی اصولی منظوری دی گئی۔ ٹیکساس، جدہ، دوحا کی طرز پر لاہور میں اسٹیٹ آف دی آرٹ میڈیکل سٹی قائم کیا جائے گا۔
یہ بھی پڑھیے پنجاب میں صحت، تعلیم اور دیگر شعبے دوسرے صوبوں سے بہتر ہیں، بلوچ طالبات کی مریم نواز کی تعریف
وزیراعلیٰ مریم نوازشریف نے میڈیکل سٹی لاہور کے لیے مناسب مقام پر اراضی مختص کرنے کی ہدایت کی۔ انہوں نے کہا کہ عالمی معیار کے میڈیکل سٹی کے قیام کے لیے پروفیشنل کنسلٹنٹ کی خدمات حاصل کی جائیں۔ میڈکل سٹی لاہور میں بہترین پرائیویٹ اسپتال قائم کرنے کے لیے بنیادی سہولتیں حکومت پنجاب فراہم کرے گی۔ اجلاس میں ہر ڈویژن ہیڈ کوارٹر میں میڈیکل سٹی قائم کرنے کا اصولی فیصلہ بھی کیا۔
وزیراعلیٰ نے ڈسٹرکٹ لیول پر سٹیٹ آف دی آرٹ میڈیکل فیسلٹی قائم کرنے کے لئے اقدامات کی ہدایت بھی کی۔ ان کی ہدایت پر سرکاری اسپتالوں کے متعلقہ امور کے لیے خصوصی ہیلپ لائن 999بھی قائم کی جائے گی۔
اجلاس میں بریفنگ کے دوران بتایا گیا کہ سرکاری اسپتالوں میں انفیکشن کنٹرول کے سلسلے 92فیصد بہتری آئی ہے۔ ادویات کی فراہمی کے عمل میں 92فیصد بہتری کا مشاہدہ کیا گیا ہے۔ لاہور کے اسپتالوں میں مریضوں کو دستیاب سہولتوں میں 83فیصد بہتری نوٹ کی گئی۔ ڈیوٹی روسٹر ڈسپلے احکامات پر 75فیصد عملدرآمد ہورہا ہے۔ اسپتالوں میں مریضوں کے شکایات کے ازالے کے سسٹم میں 75فیصد بہتری آچکی ہے۔
اسپتالوں میں کیو(que) مینجمنٹ سسٹم میں 71فیصد بہتری آئی ہے۔ ہسپتالوں میں صفائی کے امور میں 84 فیصد بہتری نوٹ کی گئی ہے۔
ہوم ڈلیوری میڈیسن میں کامیابی کا تناسب 83 فیصد ہے۔ پارکنگ اور کیفے ٹیریا سے متعلق امور میں 84بہتری آئی ہے۔ پتھالوجی اور ڈائیگناسٹک، بلڈ بنک کے امور میں 93، فائی سیفٹی کے امور میں 83 فیصد بہتری آئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب حکومت مریم نواز شریف.ذریعہ: WE News
کلیدی لفظ: پنجاب حکومت مریم نواز شریف اسپتالوں میں مریضوں میڈیکل سٹی قائم میں میڈیکل سٹی بہتری آئی ہے اجلاس میں کی ہدایت کرنے کا کے لیے
پڑھیں:
یورپی یونین کیساتھ دوستی کو قدر کی نگاہ سے دیکھتے ہیں،وزیراعلیٰ پنجاب مریم نواز
یورپی یونین کیساتھ دوستی کو قدر کی نگاہ سے دیکھتے ہیں،وزیراعلیٰ پنجاب مریم نواز WhatsAppFacebookTwitter 0 19 April, 2025 سب نیوز
لاہور(آئی پی ایس )وزیراعلی پنجاب مریم نواز نے کہا ہے کہ پاکستان یورپی یونین کیساتھ قابل اعتماد دوستی کو قدر کی نگاہ سے دیکھتا ہے۔ مریم نواز سے یورپی یونین کے پارلیمانی وفد برائے جنوبی ایشیا کی ملاقات ہوئی، وزیراعلی پنجاب نے وفد کا پرتپاک خیرمقدم کیا۔
ملاقات کے دوران باہمی دلچسپی کے امور، دوطرفہ تعلقات، تجارت، تعلیم اور سرمایہ کاری پر تبادلہ خیال کیا گیا، تعلیم، آئی ٹی، گرین انرجی اور صحت کے شعبوں میں سرمایہ کاری کی پیشکش، تجارت، امن، ترقی اور مشترکہ اہداف کے لئے تعلقات کو مزید مضبوط بنانے پر بھی اتفاق ہوا۔ اس موقع پر گفتگو کرتے ہوئے وزیراعلی پنجاب مریم نواز شریف کا کہنا تھا کہ پاکستان یورپی یونین کے ساتھ قابل اعتماد دوستی کو قدر کی نگاہ سے دیکھتا ہے، یورپی یونین پاکستان کا شراکت دار ہی نہیں بلکہ دنیا میں استحکام کی آواز بھی ہے، جی ایس پی پلس ملنے سے پاکستان کی برآمدات، بالخصوص ٹیکسٹائل کے شعبے میں بہت بہتری آئی ہے، انسانی حقوق اور لیبر ریفارمز سمیت تمام تقاضے پورے کرنے کے لئے اقدامات کر رہے ہیں۔
وزیراعلی پنجاب نے کہا ہے کہ پنجاب پاکستان کی معیشت کا دل ہے، سرمایہ کاری کے لئے سازگار ماحول مہیا کر رہے ہیں، زراعت، توانائی، ڈیجیٹل انفرااسٹرکچر اور ماحولیاتی منصوبوں میں یورپی یونین کے ساتھ تعاون بڑھانا چاہتے ہیں، پاکستان کے نوجوان باصلاحیت اور متحرک ہیں، عالمی جاب مارکیٹ سے منسلک کرنے کے لئے ٹریننگ کورسز کرا رہے ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج