بھارتی ثقافت کی مخالفت کرنے والے یاسر حسین کا بھارتی گانوں پر رقص، مداح ناراض
اشاعت کی تاریخ: 9th, April 2025 GMT
پاکستانی اداکار اور ہدایت کار یاسر حسین کا تازہ تھیٹر پلے ’منکی بزنس‘ سوشل میڈیا پر طوفان کا باعث بن گیا ہے۔ آرٹس کونسل کراچی میں 5 سے 20 اپریل تک جاری اس ڈرامے میں بھارتی گانوں پر پیش کی جانے والی پرفارمنس نے ناظرین کو اشتعال دلا دیا۔
سوشل میڈیا پر وائرل ہونے والی ویڈیوز میں یاسر حسین اور عمر عالم کو خواتین کے لباس میں بھارتی گانوں ’ساقی ساقی‘ اور ’شاوا شاوا‘ پر رقص کرتے دیکھا جاسکتا ہے۔ یہ مناظر دیکھ کر سوشل میڈیا صارفین نے اداکار پر منافقت کا الزام لگاتے ہوئے کہا کہ ’’یہ وہی یاسر حسین ہیں جو ٹی وی پر بھارتی ثقافت کی مخالفت کرتے ہیں مگر خود اسے فروغ دے رہے ہیں‘‘۔
اداکارہ اقرا عزیز، صبور علی، علی انصاری اور فیصل قریشی سمیت کئی شوبز شخصیات کے ڈرامے کے پہلے شو میں موجود ہونے کے باوجود، عوامی ردعمل انتہائی منفی رہا۔ ایک صارف نے طنزیہ انداز میں لکھا: ’’مسلم ثقافت کا یہ نیا روپ ہے کیا؟‘‘ جبکہ دوسروں نے پاکستانی ڈرامہ صنعت کو اپنی اصل روایات پر قائم رہنے کی تلقین کی۔
یاسر حسین، جو اکثر معاشرتی مسائل پر کھل کر اپنی رائے کا اظہار کرتے ہیں، اس بار خاموش ہیں اور تاحال اس تنازع پر کوئی وضاحت پیش نہیں کی ہے۔ تاہم، سوشل میڈیا پر ان کے حامیوں اور ناقدین کے درمیان بحث جاری ہے۔
ثقافتی ماہرین کا کہنا ہے کہ یہ واقعہ پاکستانی معاشرے میں غیر ملکی ثقافت کے اثرات پر ایک اہم بحث چھیڑتا ہے۔ کیا یہ محض تفریح ہے یا پھر ہماری اپنی ثقافتی اقدار کو مجروح کرنے کی کوشش؟ سوال یہ بھی ہے کہ کیا فنکاروں کو اپنی تخلیقات میں مکمل آزادی ہونی چاہیے یا پھر معاشرتی قدروں کا خیال رکھنا چاہیے؟
اس ڈرامے کو دیکھنے والے چند ناظرین کا کہنا ہے کہ یہ ایک طنزیہ ڈرامہ ہے جو معاشرے کی منافقت کو اجاگر کرتا ہے، جبکہ بیشتر کا خیال ہے کہ اس طرح کے مناظر پاکستانی معاشرے کےلیے نامناسب ہیں۔ اب دیکھنا یہ ہے کہ یاسر حسین اس تنازع کا جواب کیسے دیتے ہیں اور کیا وہ اپنے مداحوں کے اعتماد کو بحال کر پائیں گے۔
.ذریعہ: Express News
کلیدی لفظ: سوشل میڈیا یاسر حسین
پڑھیں:
معروف پاکستانی شیف ذاکر حسین انتقال کرگئے
کراچی:عالمی شہرت کے حامل معروف پاکستانی شیف ذاکر حسین انتقال کرگئے۔
اہل خانہ کے مطابق پیر کے روز ذاکر حسین 58 برس کی عمر میں کراچی میں انتقال کرگئے، وہ گزشتہ عرصے گروں کی بیماری میں مبتلا اور ڈائیلاسز پر تھے۔
بھانجے شایان کے مطابق شیف ذاکر امریکا میں زیر علاج تھے تاہم ڈاکٹرز کے جواب کے بعد وہ ایک ماہ قبل وطن واپس آگئے تھے۔
اہل خانہ کے مطابق شیف ذاکر کی نمازِ جنازہ کل بعد نماز عصر جامعہ رشیدیہ سعودآباد میں ادا کی جائے گی۔
سنگاپور میں پارلیمنٹ تحلیل، عام انتخابات 3 مئی کو ہوں گے