امریکی ٹیرف نافذ:چین اور ہانگ کانگ کی مارکیٹوں میں مندی کا رجحان
اشاعت کی تاریخ: 9th, April 2025 GMT
بیجنگ/واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔09 اپریل ۔2025 )امریکہ کی جانب سے چند چینی مصنوعات پر 104 فیصد ٹیکس لاگو کیے جانے کے بعد چین اور ہانگ کانگ کی مارکیٹوں میں ایک بار پھر مندی کا رجحان دیکھنے میں آ رہا ہے کئی روز کی مندی کے بعد منگل کے روز شنگھائی سمیت ایشیا کی کئی سٹاک مارکیٹوں میں قدرے بہتری نظر آئی تھی.
(جاری ہے)
گذشتہ روز وائٹ ہاﺅس کی پریس سیکرٹری کیرولین لیویٹ نے تصدیق کی تھی کہ منگل کا دن ختم ہونے پر رات 12بجے سے امریکہ کی جانب سے چند چینی مصنوعات پر 104 فیصد ٹیکس لاگو ہو جائے گا یہ اقدام چین کی جانب سے جوابی ٹیکس واپس نہ لینے کے بعد اٹھایا گیا ہے انہوں نے کہا کہ صدر ٹرمپ سمجھتے ہیں کہ چین معاہدہ کرنا چاہتا ہے. لیویٹ نے بتایا کہ تقریباً 70 ممالک نے امریکہ سے ٹیرف کے حوالے سے مذاکرات کے لیے رابطہ کیا ہے ان کا کہنا تھا کہ امریکی مفاد کو مدنظر رکھتے ہوئَے پر ملک کے لیے علیحدہ حکمت عملی اپنائی جائے گی ان کا کہنا تھا کہ ٹیرف پر نہ تو کوئی تاخیر ہوگی اور نہ ہی توسیع دی جائے گی . وانگارڈ انویسٹمنٹ فرم کے ایشیا پیسیفک کے چیف اکانومسٹ چیانگ وانگ کا کہنا ہے کہ بلاشبہ امریکہ اور چین کے درمیان تجارتی کشیدگی میں اضافے کے باعث چین کی برآمدات میں تیزی سے کمی آئے گی اور اس کے نتیجے میں مقامی سرمایہ کاری، لیبر مارکیٹ، کھپت اور سرمایہ کاروں کے اعتماد کو ٹھیس پہنچے گا.
ذریعہ: UrduPoint
کلیدی لفظ: تلاش کیجئے امریکہ کی جانب سے کے بعد
پڑھیں:
وینزویلا کا ضبط شدہ آئل ٹینکرامریکی بندرگاہ ہیوسٹن کی جانب روانہ
امریکی حکام کی جانب سے وینزویلا کے صدر نکولس مادورو پر دباؤ بڑھانے کی حکمتِ عملی کے تحت اس ہفتے وینزویلا کے قریب ضبط کیے گئے تیل بردار سپر ٹینکر اسکِپر (Skipper) کو امریکی ریاست ٹیکساس کے شہر ہیوسٹن کی جانب روانہ ہو رہا ہے۔
ٹینکر ٹریکرز ڈاٹ کام کی جانب سے کیے گئے سیٹلائٹ تصاویر کے تجزیے کے مطابق، یہ انتہائی بڑے سائز کا خام تیل بردار جہاز وی ایل سی سی وینزویلا کے میرئی ہیوی کروڈ کے تقریباً 18 لاکھ 50 ہزار بیرل لے جا رہا ہے۔
یہ بھی پڑھیں: امریکی فورسز کی کمانڈو کارروائی، وینزویلا کے تیل بردار جہاز پر قبضے کی ویڈیو وائرل
بندرگاہی حکام کے مطابق جہاز اپنے بڑے حجم کے باعث ہیوسٹن شپ چینل سے گزرنے کے قابل نہیں، اس لیے اسے قریبی سمندری حدود میں لنگر انداز ہو کر تیل کو چھوٹے جہازوں میں منتقل کرنا ہوگا۔
Oil supertanker Skipper, seized by US near Venezuela, is heading to Houston, sources say https://t.co/9I7YBtMQTn
— The Straits Times (@straits_times) December 12, 2025
گریٹر ہیوسٹن پورٹ بیورو کے صدر ایرک کاریرو نے کہا کہ فی الحال ہمیں ایسی کوئی اطلاع یا ایجنٹ فائلنگ موصول نہیں ہوئی، جس سے ظاہر ہو کہ ایم وی اسکِپر کی بندرگاہ ہیوسٹن آمد طے ہے۔
امریکی کوسٹ گارڈ کے ہیوسٹن-گیلوِسٹن سیکٹر نے فوری طور پر تبصرے کی درخواست پر کوئی جواب نہیں دیا، جبکہ وینزویلا کی سرکاری تیل کمپنی پی ڈی وی ایس اے، جو اس کارگو کی فروخت کنندہ ہے، نے بھی مؤقف دینے سے گریز کیا۔
مزید پڑھیں:امریکی حملے کا خوف، عالمی ایئرلائنز وینزویلا کے لیے پروازیں معطل کرنے پر مجبور
امریکی اٹارنی جنرل پام بونڈی نے اس ہفتے کہا کہ ٹینکر کو ضبطی کے وارنٹ کے تحت روکا گیا اور تحویل میں لیا گیا ہے۔
گیانا کی میری ٹائم اتھارٹی کے مطابق جہاز جعلی طور پر گیانا کا پرچم لہرا رہا تھا۔
مزید پڑھیں:وینزویلا کیخلاف نئی امریکی حکمت عملی، فضا سے پروپیگنڈا ’لیف لٹ‘ گرانے پر غور
پابندیوں کے شکار اس تیل بردار جہاز کی ضبطی سے امریکا اور وینزویلا کے درمیان کشیدگی میں نمایاں اضافہ ہوا ہے۔
معاملے سے واقف ذرائع کے مطابق امریکا وینزویلا کا تیل لے جانے والے مزید جہازوں کو روکنے کی تیاری کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹارنی جنرل امریکا پام بونڈی پورٹ بیورو تیل بردار ٹینکر ٹریکرز سپر ٹینکر سمندری حدود سیٹلائٹ کوسٹ گارڈ گریٹر ہیوسٹن لنگر انداز میری ٹائم اتھارٹی وینزویلا
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر