جیا بچن اور امیتابھ بچن کی محبت کیسے پروان چڑھی؟
اشاعت کی تاریخ: 9th, April 2025 GMT
بالی ووڈ کی مایہِ ناز اداکارہ اور لیجنڈری اداکار امیتابھ بچن کی اہلیہ جیا بچن آج اپنی 77ویں سالگرہ منا رہی ہیں۔ اس موقع پر ان کی اور امیتابھ بچن کی محبت کے بارے میں بھی ایک بار پھر بات ہو رہی ہے کہ آخر ان کے درمیان محبت کب پروان چڑھی۔
اداکاری کے بے تاج بادشاہ امیتابھ بچن اور جیا بچن کی محبت کی کہانی 1970 کی دہائی کے اوائل میں شروع ہوئی اور وہ آج تک ایک خوشحال زندگی گزار رہے ہیں۔
جیا نے جب امیتابھ بچن سے ملاقات کی تو ان پر اس ملاقات کا بہت گہرا اثر ڈلا۔ ایک پرانے انٹرویو میں انہوں نے کہا تھا، ’مجھے ان سے فلم ’گُڈی‘ کے سیٹ پر متعارف کرایا گیا۔ میں ان سے متاثر ہوئی اور کچھ حد تک ان کے احترام میں تھی کیونکہ وہ ہری ونش رائے بچن کے بیٹے تھے۔ میں بہت جلد ان سے محبت کرنے لگی تھی‘۔
یہ بھی پڑھیں: جیا بچن کی امیتابھ بچن کے اعزاز میں ڈاک ٹکٹ جاری کرنے کی اپیل
کہا جاتا ہے کہ امیتابھ کو جیا سے محبت اس وقت ہوئی جب وہ فلم ’ایک نظر‘ میں ساتھ کام کر رہے تھے۔ اس وقت جیا پہلے ہی بڑی اسٹار تھیں، جبکہ امیتابھ ابھی اپنی شناخت بنانے کی کوشش کر رہے تھے۔ راجیش کھنہ، جو جیا کے بہت قریبی دوست تھے، ان کی امیتابھ کے ساتھ تعلقات کی حمایت نہیں کرتے تھے۔
امیتابھ بچن نے ایک بار اپنے شیئر کیا تھا کہ انہوں نے جیا کے ساتھ لندن جانے کا منصوبہ بنایا تھا تاکہ فلم ’زنجیر‘ کی کامیابی کا جشن منایا جا سکے، مگر ان کے والد اس بات کے حق میں نہیں تھے کہ وہ بغیر شادی کے سفر کریں۔
یہ بھی پڑھیں: جیا بچن کی خاتون مداح سے بدتمیزی، ویڈیو وائرل
انہوں نے لکھا تھا، ’میرے والد نے مجھے سختی سے کہا کہ اگر تم اس لڑکی کے ساتھ چھٹی پر جا رہے ہو، تو تمہیں اس سے شادی کرنی ہوگی ورنہ تمہیں اس کے ساتھ جانے کی اجازت نہیں ہے۔ میں ایک فرمانبردار بچہ تھا۔ میں نے اگلے ہی دن شادی کر لی، ایسی شادی جو صرف خاندان اور کچھ قریبی دوستوں کی موجودگی میں کی گئی، بغیر کسی دھوم دھام کے، اور اسی رات ہم چھٹی پر روانہ ہو گئے‘۔
یہاں تک کہ جب امیتابھ اور ریکھا کے درمیان تعلقات کی افواہیں چل رہی تھیں تو جیا نے ہمیشہ ان کا ساتھ دیا اور اپنے شادی شدہ رشتہ کی حمایت کی اور ہمیشہ امیتابھ پر مکمل اعتماد رکھا ہے۔ امیتابھ کا کہنا تھا کہ انہیں اپنی بیوی کو کچھ ثابت کرنے کی ضرورت نہیں ہے۔ وہ صرف شکر گزار ہیں کہ جیا بھی فلمی دنیا سے ہیں اور اس انڈسٹری اور اس کے بارے میں اڑائی جانے والی افواہوں کے بارے میں سمجھتی ہیں۔
یہ بھی پڑھیں: ریکھا اور امیتابھ بچن کے افیئر پر جیا بچن کیا کہتی ہیں؟
امیتابھ اور جیا ہمیشہ کہتے ہیں کہ ان کے بچوں، ابھشیک اور شیویتا کا ہونا ان کے رشتہ کی سب سے بہترین چیز ہے۔ جب جیا فلم ’شعلے‘ کی شوٹنگ کے دوران حاملہ تھیں، تو سیٹ پر ہر کوئی ان کی راحت کا خیال رکھتا تھا اور انہیں خاندان کی طرح دیکھ بھال کرتا تھا۔
واضح رہے کہ 9اپریل1948کو بھارتی ریاست مدھیا پردیش کے شہر جبل پور کے ایک بنگالی خاندان میں جنم لینے والی جیا بہادری نے بالی ووڈ میں اپنے کیرئیر کی شروعات1963میں فلمMahanagarسے چائلڈ اسٹار کی حیثیت سے کی۔
یہ بھی پڑھیں: جیا بچن سے شادی کرنے کے لیے امیتابھ بچن نے کیا شرائط رکھی تھیں؟
بالی ووڈ فلم انڈسٹری میں بطور ہیروئن جیا بہادری کی پہلی فلم”گڈی”تھی جس کے بعد انہوں نے “ابھیمان”،جوانی دیوانی،باورچی،پیا کا گھر،زنجیر،سلسلہ،شعلے،ہزار چوراسی کی ماں،فضاء،کبھی خوشی کبھی غم اور کل ہونا ہو جیسی کامیاب فلموں میں کام کرکے بہترین اداکارہ اور معاون اداکارہ کے کئی ایوارڈز اپنے نام کیے۔
کامیاب اداکارہ ،بیوی اور سیاستدان کی حیثیت سے خود کو منوانے والی جیابچن کو لائف ٹائم اچیومنٹ ایوارڈز سمیت بھارت کے چوتھے بڑے سویلین ایوارڈ پدما شری سے بھی نوازا جاچکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن بالی ووڈ جیا بچن جیا بچن سالگرہ.ذریعہ: WE News
کلیدی لفظ: امیتابھ بچن بالی ووڈ جیا بچن جیا بچن سالگرہ امیتابھ بچن جیا بچن کی بالی ووڈ انہوں نے کے ساتھ
پڑھیں:
آصف زرداری سندھ کا پانی بیچنے کے بعد اب مگرمچھ کے آنسو بہا رہے ہیں، عمر ایوب
اپوزیشن لیڈر قومی اسمبلی و سینیئر رہنما پاکستان تحریک انصاف عمر ایوب نے کہا ہے کہ آصف زرداری سندھ کا پانی بیچنے کے بعد اب مگرمچھ کے آنسو بہا رہے ہیں۔
اسلام آباد میں ایم ڈبلیو ایم کے زیراہتمام استحکام پاکستان کانفرنس سے خطاب کرتے ہوئے انہوں نے کہاکہ ہم مانتے ہیں پاکستان کو ہارڈ اسٹیٹ ہونا چاہیے لیکن جب پاکستان میں جب استحکام اور قانون کی حکمرانی ہی نہیں تو ہارڈ اسٹیٹ کیسے بنے گی۔
انہوں نے کہاکہ بتایا جائے ریاست کی تعریف کیا ہے، یہ نہیں ہو سکتا ہے ایک ماتحت اٹھ کر کہے کہ گھر میں چلاؤں گا، ملک میں اگر افراتفری ہوگی تو دفاع کمزور ہوگا، ایسی صورت میں ہم کیسے ترقی کریں گے۔
عمر ایوب نے کہاکہ بلوچستان کے عوام حقوق مانگ رہے ہیں اور کہتے ہیں کہ جبری گمشدگیاں بند کی جائیں، میں وثوق سے کہہ سکتا ہوں کہ یہ تقریر ٹی وی پر نہیں دکھائی جارہی ہوگی۔
اپوزیشن لیڈر نے کہاکہ آصف زرداری نے خود سندھ کا پانی بیچا، اس معاملے پر مشترکہ مفادات کونسل کا اجلاس ہونا چاہیے تھا۔
انہوں نے کہاکہ جولائی 2024 میں ایوان صدر میں گرین انیشیٹو کے اجلاس میں سارے معاملات طے ہوئے، اور آصف زرداری کے دستخط بھی موجود ہیں، اب کیسے انکار کر سکتے ہیں۔
انہوں نے کہاکہ پوری دنیا میں پیٹرول کی قیمتوں میں کم ہورہی ہے، جبکہ پاکستان میں اضافہ کیا جارہا ہے، جس کی وجہ سے مہنگائی بڑھ رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اپوزیشن لیڈر آصف زرداری بلوچستان حقوق ریاست سندھ کا پانی عمر ایوب قومی اسمبلی وی نیوز
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج