شاہ رخ، سلمان اور عامر خان کی ناکامی کی وجہ کون؟ جاوید شیخ نے بتا دیا
اشاعت کی تاریخ: 9th, April 2025 GMT
معروف پاکستانی اداکار جاوید شیخ نے بالی ووڈ کے خانز شاہ رخ خان، سلمان خان اور عامر خان کی فلموں کی ناکامی کی وجہ نیٹ فلکس کو قرار دے دیا۔
اپنے ایک حالیہ انٹرویو میں جاوید شیخ نے کہا کہ ساؤتھ بالی ووڈ سے بہت آگے ہے، بالی ووڈ فلمیں کاپی کرتا ہے اور نیٹ فلکس نے بالی ووڈ انڈسٹری کو بھی نقصان پہنچایا ہے۔
نجی ٹی وی چینل میں میزبان نے جاوید شیخ سے سوال کیا کہ ’اب کیا ہوگا جب لوگ بالی ووڈ خانز کو 60 سال کی عمر میں ہیرو کے طور پر قبول نہیں کررہے، کیا انہیں دوسرے کردار ادا کرنے پر غور کرنا چاہیے؟
جاوید شیخ نے کہا کہ ان کے لیے دوسرے کرداروں میں نظر آنا بہت مشکل ہے، وہ ایسے کردار نہیں کریں گے اور لوگوں کے لیے انہیں باپ یا دادا کے طور پر قبول کرنا مشکل ہے۔
انہوں نے کہا کہ ’لوگوں کے لیے یہ مشکل ہے حالانکہ میرے لیے نہیں کیونکہ میں پہلے ہی ایسے کردار ادا کررہا ہوں لیکن ہر کوئی انہیں اس طرح کے کرداروں میں قبول کرنے کے لیے تیار نہیں ہے‘۔
یہ بھی پڑھیں: سلمان خان کی فلم ’سکندر‘ تیسرے دن ہی سینما سے کیوں اتار دی گئی؟
جاوید شیخ نے کہا کہ ’میں 3 سالوں سے بالی ووڈ خانز سے نہیں ملا جب سے ان کی فلمیں فلاپ ہوئی ہیں اس لیے ان کو کوئی مشورہ نہیں دے سکا لیکن جب ملوں گا تو ضرور کوئی نصیحت کروں گا‘۔
واضح رہے بالی ووڈ اسٹار سلمان خان کی حال ہی میں ریلیز ہونے والی فلم ’سکندر‘ کو ناکام ترین فلم کہا جا رہا ہے جس نے توقعات سے نہایت کم بزنس کیا ہے۔
اس سے قبل 2022 میں عامر خان کی فلم ’لال سنگھ چڈھا‘ بھی فلاپ ہوگئی تھی اور انھوں نے تب سے کوئی فلم نہیں کی ہے۔ اس کے علاوہ شاہ رخ خان بھی 2018 میں اپنی فلم زیرو کے فلاپ ہونے پر غائب ہو گئے تھے تاہم انہوں نے 2023 میں ’پٹھان‘ اور ’جوان‘ جیسی فلموں سے کم بیک کیا ہے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ جاوید شیخ سلمان خان شاہ رخ خان عامر خان نیٹ فلکس.ذریعہ: WE News
کلیدی لفظ: بالی ووڈ جاوید شیخ شاہ رخ خان نیٹ فلکس جاوید شیخ نے نے کہا کہ بالی ووڈ شاہ رخ خان کی کے لیے کی فلم
پڑھیں:
5 فلموں سے 2200 کروڑ بھارتی روپے کمانے والے اداکار کون ہیں؟
گزشتہ سالوں کے دوران بالی وڈ کنگ شاہ رخ خان اور رجنی کانت جیسے سپر اسٹارز نے بالی ووڈ کے باکس آفس پر راج کیا اور بزنس کے سابقہ تمام ریکارڈ توڑے، شاہ رخ خان کی 2023 میں 3 فلموں کا مجموعی بزنس 2600 کروڑ روپے تھا۔
دوسری طرف بالی ووڈ کا ایک اسٹار ایسا بھی ہے جس کی فلموں نے آمدنی کے لحاظ سے کئی بڑے اسٹارز کو پیچھے چھوڑ دیا ہے۔
یہ بھی پڑھیں: فلم کالکی نے شاہ رخ خان کی ’جوان‘ کا ریکارڈ توڑ دیا
بھارتی میڈیا رپورٹ کے مطابق 27 سالہ جعفر صادق 5 سال سے بھارتی فلمز انڈسٹری سے وابستہ ہیں، جنہوں نے بطور ڈانسر اپنے کیرئیر کا آغاز کیا اور پھر اداکار کمل ہاسن کی فلم ’ وکرم‘سے انڈسٹری میں اپنا نام بنایا، انہوں نے رجنی کانت کی فلم ’جیلر‘ میں بھی لاجواب اداکاری کی، جو ان کی پہلی فلم سے بھی زیادہ کامیاب رہی۔
جعفر خان نے بالی ووڈ کنگ شاہ رخ خاں کے ساتھ بھی کام کیا، انہوں نے شاہ رخ خان کی فلم ’جوان‘ سے بالی وڈ میں قدم رکھا اور ان کی آخری آن اسکرین فلم ’بے بی جوہن‘ تھی۔
ان کی فلمیں بزنس کے لحاظ سے کافی کامیاب رہیں، ان کی پہلی فلم’ وکرم‘ نے عالمی سطح پر 414 کروڑ بھارتی روپے، رجنی کانت کی فلم’ جیلر‘ نے 650 کروڑ بھارتی روپے کمائے۔
View this post on Instagram
A post shared by Kishor Ravichandran (@sinty_boy)
جعفر صادق کی بالی ووڈ ڈیبیو فلم ’جوان‘ نے بھی بزنس کے تمام ریکارڈ توڑتے ہوئے 1150 کروڑ بھارتی روپے کمائے، مجموعی طور پر ان کی 5 فلمیں باکس آفس پر اب تک 2200 کروڑ سے زیادہ بزنس کرچکی ہیں۔
یہ بھی پڑھیں: سلمان خان کی ایکشن فلم سکندر باکس آفس پر تہلکہ مچانے میں ناکام
رجنی کانت، سنی دیول یا رنبیر کپور جیسے سپر اسٹارز کی فلموں نے بھی باکس آفس پر اتنا زیادہ بزنس نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news باکس آفس بالی ووڈ بزنس جعفر خان رجنی کانت شاہ رخ خان
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج