سیکرٹری جنرل پیپلز پارٹی، مصنف تاج حیدر انتقال کر گئے
اشاعت کی تاریخ: 9th, April 2025 GMT
کراچی؍ اسلام آباد (نوائے وقت رپورٹ+ نمائندہ خصوصی+ اپنے سٹاف پورٹر سے) پاکستان پیپلز پارٹی کے مرکزی سیکرٹری جنرل اور سینئر سیاست دان سینیٹر تاج حیدر مختصر علالت کے بعد انتقال کرگئے۔ تاج حیدر مقامی ہسپتال میں زیر علاج تھے۔ جنازے و تدفین کا اعلان بعد میں کیا جائے گا۔ تاج حیدر 83برس کے تھے۔ وہ 8 مارچ 1942ء کو کوٹہ راجستھان کے علمی گھرانے میں پیدا ہوئے۔ تاج حیدر نے ابتدائی تعلیم گورنمنٹ بوائز ہائی سکول رنچھوڑ لائن کراچی سے حاصل کی۔ وہ مصنف بھی تھے۔ ٹیلی وژن کے لیے بھی لکھا۔ تاج حیدر نے اپنے ڈرامہ سیریل آبلہ پا میں پروفیسر آڈی والا کا کردار ادا کیا تھا۔ انہوں نے مختلف اخبارات میں کالم بھی لکھے۔ تاج حیدر نے 1967کے سوشلسٹ کنونشن میں شرکت کی اور 1967میں باقاعدہ طور پر پاکستان پیپلز پارٹی میں شمولیت اختیار کی۔ تاج حیدر کا شمار پیپلز پارٹی کے بانی اراکین میں ہوتا تھا۔ تاج حیدر کو 2012 میں ستارہ امتیاز برائے سائنسی خدمات دیا گیا۔ 2006ء میں انہیں تیرھواں پی ٹی وی ایوارڈ برائے مصنف بہترین ڈرامہ سیریل بھی دیا گیا۔ دریں اثناء صدر آصف علی زرداری، بلاول بھٹو زرداری اور پارٹی کے رہنمائوں سید نیر بخاری، فرحت اللہ بابر، سینیٹر روبینہ خالد، ڈاکٹر مہرین بھٹو، فریال تالپور، شازیہ سلیم مانڈوی والا، سینیٹر پلوشہ خان مری ‘عرفان صدیقی اور دیگر نے پیپلز پارٹی کے سینئر رہنما اور بانی رکن تاج حیدر کے انتقال پر افسوس کا اظہار کیا ہے۔ صدر مملکت نے مرحوم تاج حیدر کی پیپلز پارٹی اور جمہوریت کیلئے خدمات کو خراج عقیدت پیش کیا۔ صدر مملکت نے کہا کہ مرحوم تاج حیدر پاکستان پیپلز پارٹی کا اہم اثاثہ تھے، تاج حیدر پاکستان پیپلز پارٹی کے نظریاتی کارکنوں میں سے ایک تھے، تاج حیدر کی وفات سے پاکستان پیپلز پارٹی اہم سیاسی رہنما سے محروم ہوگئی۔ صدر مملکت نے مرحوم تاج حیدر کے ورثاء کے ساتھ اظہار تعزیت کیا، مرحوم کیلئے دعائے مغفرت، اہل خانہ کیلئے صبر جمیل کی دعا کی۔ سید خورشید شاہ، ڈاکٹر نفیسہ شاہ اور گورنر خیبر پی کے فیصل کریم کنڈی، وزیر داخلہ محسن نقوی، احسن اقبال نے بھی سینیٹر تاج حیدر کے انتقال پر گہرے دکھ اور افسوس کا اظہار کیا۔ راجہ پرویز اشرف، حسن مرتضیٰ اور شہزاد سعید چیمہ نے کہا تاج حیدر پیپلز پارٹی کا سیاسی اثاثہ تھے۔
.ذریعہ: Nawaiwaqt
کلیدی لفظ: پاکستان پیپلز پارٹی پیپلز پارٹی کے تاج حیدر
پڑھیں:
پپپلز پارٹی پنجاب میں کسانوں کے حقوق کا پرچم بلند کرے گی
جڑانوالہ میں جیالوں سے خطاب کرتے ہوئے گورنر پنجاب کا کہنا تھا کہ ایک ہی خاندان کے 12 لوگوں کی شہادت کا سنا تو سوچا ضرور جاؤں گا، حکومت میں اعلیٰ عہدے پر رہ کر غمزدہ خاندان کے ساتھ اظہار ہمدردی کے لیے آنا ضروری سمجھا۔ اسلام ٹائمز۔ گورنر پنجاب سردار سلیم حیدر خان لنڈیانوالہ ٹریفک حادثہ میں 12 افراد کے جاں بحق ہونے والوں کے ورثاء سے تعزیت کیلئے جڑانوالہ پہنچ گئے۔ جڑانوالہ آمد پر سابق ٹکٹ ہولڈر رائے وقاص اسلم کے ڈیرے پر جیالوں سے خطاب کرتے ہوئے سردار سلیم حیدر خان کا کہنا تھا کہ ایک ہی خاندان کے 12 لوگوں کی شہادت کا سنا تو سوچا ضرور جاؤں گا، حکومت میں اعلیٰ عہدے پر رہ کر غمزدہ خاندان کے ساتھ اظہار ہمدردی کے لیے آنا ضروری سمجھا۔ انہوں نے کہا کہ موجودہ صورتحال میں کسانوں کو مشکلات کا سامنا کر نا پڑ رہا ہے، بہت جلد بلاول بھٹو پنجاب میں آکر کسانوں کی نمائندگی کریں گے، کارکنوں کے تعاون سے بلاول بھٹو زرداری کو پاکستان کا وزیراعظم بنائیں گے۔
گورنر پنجاب کا کہنا تھا کہ گورنر ہاؤس کے دروازے عوام کے لیے ہمیشہ کھلے ہیں، میرے ہوتے ہوئے غریب عوام کے ساتھ ناانصافی برداشت نہیں کروں گا، شہر شہر جاکر شہید ذوالفقار علی بھٹو اور بے نظیر بھٹو شہید کا پیغام پہنچا رہا ہوں۔ سردار سلیم حیدر خان کا مزید کہنا تھا کہ بھٹو خاندان نے ہمیشہ پسے ہوئے طبقے، کسان اور مزدور کے حقوق کی بات کی ہے، پپپلز پارٹی پنجاب میں کسانوں کے حقوق کا پرچم بلند کرے گی۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج