ڈومینیکن ریپبلک، نائٹ کلب کی چھت گرنے سے سابق بیس بال کھلاڑی سمیت 79 افراد ہلاک
اشاعت کی تاریخ: 9th, April 2025 GMT
SANTO DOMINGO, DOMINICAN REPUBLIC:
ڈومینیکن ریپبلک کے دارالحکومت سانتو ڈومنگو میں ایک نائٹ کلب کی چھت گرنے سے 79 افراد ہلاک اور 150 سے زائد زخمی ہوگئے ہیں۔
برطانوی نشریاتی ادارے کے مطابق یہ واقعہ گزشتہ رات اس وقت پیش آیا جب مشہور مرینگی گلوکار روبی پیریز کا کنسرٹ جٹ سیٹ نائٹ کلب میں جاری تھا۔
ہلاک ہونے والوں میں صوبائی گورنر نیلسی کروز اور سابقہ میجر لیگ بیس بال کھلاڑی اوکٹاؤیو ڈوٹیل بھی شامل ہیں۔ 51 سالہ ڈوٹیل ہسپتال جاتے ہوئے زخموں کی تاب نہ لاتے ہوئے دم توڑ گئے۔
جٹ سیٹ نائٹ کلب میں اس وقت تقریباً 400 افراد موجود تھے، اور ریسکیو آپریشن میں 400 سے زائد اہلکار مصروف ہیں۔ حکام کا کہنا ہے کہ ملبے میں دبے افراد میں سے کئی زندہ ہو سکتے ہیں، اور خدشہ ظاہر کیا جا رہا ہے کہ ہلاکتوں کی تعداد مزید بڑھ سکتی ہے۔
ایمرجنسی آپریشن سینٹر کے ڈائریکٹر، جواں مینوئل میندیز نے امید ظاہر کی کہ ملبے کے نیچے دبے افراد میں سے بہت سے زندہ ہوں گے۔
جٹ سیٹ نائٹ کلب سانتو ڈومنگو کا مشہور مقام ہے جہاں اکثر ڈانس میوزک کنسرٹس منعقد کیے جاتے ہیں۔ اس حادثے میں سیاستدانوں، کھلاڑیوں اور دیگر مشہور شخصیات کی بھی موجودگی کی اطلاعات ہیں۔
نیلسی کروز، جو مونٹے کرسٹی صوبے کی گورنر تھیں اور سابق بیس بال کھلاڑی نیلسن کروز کی بہن تھیں، حادثے میں جاں بحق ہو گئیں۔
.ذریعہ: Express News
کلیدی لفظ: نائٹ کلب
پڑھیں:
دکی: سی ٹی ڈی سے فائرنگ کا تبادلہ، 5 افراد ہلاک
— فائل فوٹوبلوچستان کے ضلع دکی میں سی ٹی ڈی اور مسلح افراد کے درمیان فائرنگ کا تبادلہ ہوا ہے۔
سی ٹی ڈی حکام کے مطابق فائرنگ کے تبادلے میں 5 مبینہ مسلح افراد ہلاک ہو گئے۔
ہلاک ہونے والے افراد کے حوالے سے تفتیش شروع کر دی گئی ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج