نہتے فلسطینیوں پر بارود کی برسات پر دنیا کی خاموشی شرمناک ہے، ڈاکٹر محمد اکمل مدنی
اشاعت کی تاریخ: 9th, April 2025 GMT
سیمینار سے خطاب کرتے ہوئے متحدہ مسلم موومنٹ کے چیئرمین کا کہنا تھا کہ اسرائیل اعلانیہ فلسطینیوں کی نسل کشی کررہا ہے، مسلم امہ متحد ہوکر آگے بڑھے، اس سے بڑا ظلم اور کیا ہوگا کہ معصوم بچوں کو وحشیانہ بمباری سے اڑایا جارہا ہے، اقوام متحدہ اورانسانی حقوق کے نام نہاد علمبردار فلسطینیوں پر جاری مظالم پر آنکھیں بند کئے بیٹھے ہیں۔ اسلام ٹائمز۔ چیئرمین متحدہ مسلم موومنٹ پاکستان ڈاکٹر محمد اکمل مدنی کی زیرصدارت ضلع کچہری ملتان میں ایڈووکیٹ سید اطہر شاہ بخاری کے چیمبر میں سیمینار بعنوان غزہ ڈوب رہا ہے، امت مسلمہ سو رہی ہے کا انعقاد کیا گیا، جس سے خطاب کرتے ہوئے ڈاکٹر محمد اکمل مدنی کہا کہ غزہ کا نام لینے بھی جرم بن کر رہ گیا ہے، مسلم حکمرانوں کی بے حسی اس سے بڑھ اور کیا ہوگی وہ اسرائیلی فوج کے ظلم و ستم اور معصوم بچوں کا وحشیانہ بمباری سے اڑانے پر بھی خاموشی اختیار کئے ہوئے ہیں، تاریخ بڑے بڑے ظالم اور فرعونوں سے بھری پڑی ہے لیکن سب مٹ گئے، فنا ہو گئے ظلم جب حد سے بڑھ جائے تو مٹ جاتا ہے، بڑھتا ہوا اسرائیلی ظلم و ستم واضح کر رہا ہے کہ اسرائیل مٹنے جا رہا ہے تاہم مسلم ممالک کے حکمرانوں ہوش کے ناخن لو کل قیامت کے روز معصوم فلسطینی بچوں کے سوالوں کا کیا جواب دیں گے۔
انہوں نے کہا کہ فلسطینیوں پر جاری اسرائیل کی وحشیانہ بمباری، غیرانسانی سلوک پر عالمی دنیا کی خاموشی شرمناک ہے، امت مسلمہ کو اسلام دشمن قوتوں کیخلاف متحد ہونے کی ضرورت ہے، اگر مسلمان اسی طرح آپس کے اختلافات میں الجھے رہے تو کوئی بھی محفوظ نہیں رہ پائے گا۔ ایڈووکیٹ اللہ ڈتہ کاشف بوسن، ایڈووکیٹ سید اطہر شاہ بخاری، ایڈووکیٹ وسیم ممتاز، علامہ ایوب مغل، عظیم الحق پیرزادہ، حافظ عبدالرف قریشی اور سید مظہر غوث گیلانی نے کہا کہ اقوام متحدہ سمیت انسانی حقوق کے نام نہاد علمبردار فلسطینیوں پر جاری مظالم پر آنکھیں بند کئے بیٹھے ہیں، نہتے فلسطینیوں پر جاری بارود کی برسات پر مہذب دنیا کی چشم پوشی شرمناک ہے، اسرائیل اعلانیہ فلسطینیوں کی نسل کشی کررہا ہے، امریکہ اسلام اور مسلمانوں کا بدترین دشمن، یہود و ہنود سے کسی بھی خیر کی توقع رکھنا فضول ہوگی، دو ریاستی حل کا نعرہ فلسطینی شہدا کے خو ن سے غداری ہے، غزہ سے بیدخلی فلسطینی قوم کا تشخص ختم کرنے کا منصوبہ، فلسطین کی تقسیم کا امریکی مکروہ منصوبہ کامیاب نہیں ہوگا۔
ذریعہ: Islam Times
کلیدی لفظ: فلسطینیوں پر جاری
پڑھیں:
آئی ایس او کے زیراہتمام ملتان پریس کلب کے اسرائیل کے خلاف احتجاجی ریلی
احتجاجی مظاہرے سے خطاب کرتے ہوئے آئی ایس او کے رہنمائوں کا کہنا تھا کہ غزہ و فلسطین میں بہتا ہوا بے گناہ مسلمانوں کا خون، چیخیں مارتی ماں، معصوم بچوں کی لاشیں، اور تباہ شدہ گھروں کے یہ سب صرف ایک خطے کا المیہ نہیں بلکہ یہ پوری مسلم امہ کے ضمیر پر ایک سوالیہ نشان ہے۔ اسلام ٹائمز۔ امامیہ سٹوڈنٹس آرگنائزیشن پاکستان کے زیراہتمام ملتان پریس کلب کے سامنے احتجاجی ریلی کا انعقاد کیا گیا، جس میں غزہ میں جاری حالیہ جارحیت ،او آئی سی قرار داد اور شراکہ تنظیم اسرائیل کے خلاف نعرے بازی کی گئی، فلسطینی شہدا بچے، مردوں اور خواتین کے ساتھ اظہار یکجہتی کی گئی، شرکاء ریلی سے صوبائی رہنما حسن رضا اور ضلعی صدر علی مصدق نے کہا کہ غزہ و فلسطین میں بہتا ہوا بے گناہ مسلمانوں کا خون، چیخیں مارتی ماں، معصوم بچوں کی لاشیں اور تباہ شدہ گھروں کے یہ سب صرف ایک خطے کا المیہ نہیں بلکہ یہ پوری مسلم امہ کے ضمیر پر ایک سوالیہ نشان ہے، ہر دن ایک قیامت ہے جو فلسطینی مسلمانوں پر ٹوٹتی ہے اور ہر رات ایک اندھیرا ہے جو ہماری بے حسی کو مزید عیاں کرتا ہے لیکن سب سے زیادہ تکلیف دہ منظر وہ نہیں جو غزہ میں ہے بلکہ وہ خاموشی ہے جو مسلم وعرب حکمرانوں کے محلات میں گونج رہی ہے، وہ زبانیں جو کبھی اسلام کے دفاع کی بات کرتی تھیں آج سامراجی طاقتوں کے تلوے چاٹنے میں مصروف ہیں۔
رہنمائوں نے کہا کہ وہ ہاتھ جو مظلوم کی مدد کیلئے اٹھنے چاہیے تھے آج صرف کاروباری معاہدوں پر دستخط کرنے کیلئے حرکت میں آتے ہیں، قرآن ہمیں بار بار یاد دلاتا ہے اللہ کو ظالموں کے اعمال سے غافل نہ سمجھو، غزہ کی مائیں اپنے بچوں کو کفن پہنا کر دفنا رہی ہیں اور تم چمکتی میزوں پر بیٹھ کر سودے طے کر رہے ہو تمہاری فوجیں اپنے ہی عوام کو دبانے میں مصروف ہیں، لیکن فلسطین کیلئے ایک قدم نہیں اٹھتا، جان لو وقت قریب ہے جب یہ خاموشی تمہارے لیے وبال بنے گی، جب زمین کانپے گی اور اللہ کا قہر تم پر نازل ہوگا یہ وقت ہے جاگنے کا، ابھی بھی وقت ہے کہ اپنے دلوں کو جھنجھوڑو ظلم کے خلاف کھڑے ہو جاو، مظلوم کا ساتھ دو ورنہ وہ دن دور نہیں جب تاریخ تمہیں رسوائے زمانہ قرار دے گی۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج