ملک کی معاشی ترقی میں توانائی کے شعبے کو بنیادی عامل کی حیثیت حاصل ہے۔ بجلی، گیس اور پٹرولیم مصنوعات کی قیمتوں میں کمی یا اضافے سے پیداواری اخراجات میں جو رد و بدل ہوتا ہے، اس سے اشیاء کی قیمتیں گھٹتی بڑھتی رہتی ہیں۔
پاکستان میں توانائی کا شعبہ ایک طویل عرصے سے بحران کا شکار چلا آ رہا ہے، بالخصوص بجلی اور پٹرولیم مصنوعات کی قیمتوں میں بتدریج اضافے کے باعث نہ صرف مہنگائی میں برق رفتار اضافہ ہو رہا ہے بلکہ بجلی کے بھاری بلز عوام کی قوت ادائیگی سے باہر ہوتے جا رہے ہیں، ایک عام آدمی اور دہاڑی دار مزدور جو کرایہ کے مکان میں رہتا ہے اس کے لیے اپنے بچوں کے نان شبینہ کا اہتمام ناممکن ہوتا جا رہا ہے تو بجلی کے بڑھتے ہوئے بلز ادا کرنا عذاب جاں بن گیا ہے۔
حکومت تواتر کے ساتھ مہنگائی میں کمی کے دعوے کر رہی ہے لیکن زمینی حقائق اس کے برعکس ہیں۔ حکومت نے یہ دعویٰ کیا ہے کہ مہنگائی 38 فی صد سے کم ہو کر سنگل ڈیجٹ میں آ چکی ہے۔ جب کہ آئی ایم ایف کا دعویٰ ہے کہ شرح مہنگائی میں کمی محض عارضی نوعیت کی ہے جلد اس میں اضافہ ہوگا۔ اقتصادی ماہرین اور معاشی تجزیہ نگاروں کا موقف ہے کہ فی الحقیقت ملک میں مہنگائی میں کمی کا اصل مرحلہ ابھی شروع ہی نہیں ہوا۔ صرف مجموعی شرح مہنگائی میں اضافے کی رفتار 38 فی صد سے کم ہو کر سنگل ڈیجٹ میں آئی ہے۔
گویا روزمرہ استعمال کی اشیا کی قیمتوں میں کوئی کمی نہیں آئی بلکہ قیمتوں کے بڑھنے کی رفتار میں کمی آئی ہے۔ مہنگائی میں کمی اسی وقت شمار ہوگی جب اشیائے ضرورت کی قیمتیں کم ہو کر عوام کی دسترس میں آئیں گی، تب ہی عوام کو ریلیف مل سکتا ہے اور حکومت کا دعویٰ بھی اسی وقت سچا اور درست قرار دیا جاسکے گا۔
عالمی بینک کی ایک تازہ رپورٹ کے مطابق سال 2024 کے اختتام پر پاکستان میں خط غربت سے نیچے جانے والی آبادی سات فی صد یعنی 13ملین تک اضافہ ہوا ہے جس کا مطلب ہے کہ ملک کا ہر چوتھا آدمی غربت کی لکیر سے نیچے جانے والی فہرست میں شامل ہوگیا ہے۔ رپورٹ کے مطابق ملک بھر میں غذائی اشیا کی قیمتوں میں کمی کا رجحان پھر تبدیل ہو رہا ہے اور قیمتوں میں ہوش ربا اضافے سے عوام سخت پریشان ہیں۔ ایسے مایوس کن حالات میں حکومت کی جانب سے مہنگائی میں کمی کے دعوؤں کو تواتر کے ساتھ دہرانا محض عوام کو سبز باغ دکھانے کے مترادف ہے۔
وزیر اعظم نے ملک کے بجلی صارفین کو ریلیف فراہم کرتے ہوئے گھریلو صارفین کے لیے بجلی کی قیمت میں فی یونٹ 7 روپے 41 پیسے اور صنعتی صارفین کے لیے 7روپے 69 پیسے کمی کا اعلان کیا ہے۔ انھوں نے دعویٰ کیا ہے کہ مستقبل میں بجلی کی قیمتوں میں مزید کمی کی جائے گی اور آیندہ چند ماہ میں مزید خوش خبری دیں گے۔
وزیر اعظم کا کہنا تھا کہ آیندہ پانچ سال میں 2 کھرب 393 ارب روپے کے گردشی قرضے مکمل ختم کر دیں گے۔ انھوں نے اپنی حکومتی کارکردگی کی ’’کامیابیوں‘‘ کا ذکر کرتے ہوئے کہا کہ جب ہم نے اقتدار سنبھالا تو ملک ڈیفالٹ کے قریب تھا لیکن ہماری معاشی ٹیم نے بہتر کارکردگی کا مظاہرہ کرتے ہوئے ملک کو معاشی استحکام کی جانب لے آئے۔ اب اس سلسلے کو آگے بڑھانا ہے، اب ہمیں اصلاحات اور اسٹرکچرل تبدیلیاں کرنی ہیں، نجکاری و رائٹ سائزنگ کے بغیر ملک ترقی نہیں کر سکتا، سالانہ 600 ارب روپے کی بجلی چوری کا مکمل خاتمہ کرنا ہوگا، تمام شعبوں کی ترقی میں مہنگی بجلی رکاوٹ ہے۔
بجلی کے نرخوں میں کمی کے حوالے سے ملک کے کاروباری و صنعتی حلقوں نے خیر مقدم کیا ہے اور توقع ظاہر کی ہے کہ توانائی کی بلند قیمتوں میں کمی کے حوالے سے ان کے دیرینہ خدشات دور کیے جائیں گے۔ تجزیہ نگاروں نے بجلی کے نرخوں میں کمی کے حکومتی فیصلے مثبت اقدام قرار دیتے ہوئے واضح کیا کہ اگر مستقل اصلاحات نہ کی گئیں تو بحران دوبارہ جنم لے سکتا ہے۔
وزارت خزانہ نے بھی خبردار کیا ہے کہ اگر سرکلر ڈیٹ کا مسئلہ حل نہ کیا گیا تو یہ مالی پائیداری کو کمزور کر دے گا۔ اربوں روپے کی بجلی چوری کی روک تھام اور ہزاروں لوگوں کو کروڑوں یونٹ سالانہ مفت بجلی کی فراہمی جیسے سنگین مسائل پر قابو پائے بغیر اور بجلی بلز میں غیر ضروری ٹیکسوں کے خاتمے کے بنا حکومتی اقدامات دیرپا ثابت نہیں ہو سکتے۔
.ذریعہ: Express News
کلیدی لفظ: مہنگائی میں کمی کی قیمتوں میں میں کمی کے بجلی کے رہا ہے کیا ہے
پڑھیں:
سوزوکی کی نئی آلٹو 2025 ماڈل لانچ: جدید فیچرز اور قیمتوں میں نمایاں اضافہ
اسلام آباد (نیوز ڈیسک) پاکستان سوزوکی موٹرز نے اپنی مقبول گاڑی “آلٹو” کا نیا 2025 ماڈل متعارف کرا دیا ہے، جو جدید خصوصیات اور بہتر سیکیورٹی فیچرز کے ساتھ مارکیٹ میں پیش کیا گیا ہے۔ سوشل میڈیا پر نئی آلٹو کی تصاویر اور ویڈیوز تیزی سے وائرل ہو رہی ہیں اور صارفین کی جانب سے مثبت ردعمل دیکھنے میں آ رہا ہے۔
ذرائع کے مطابق، سوزوکی نے فروری 2025 میں آلٹو کی قیمتوں میں اضافہ کیا، جس کی وجہ گاڑی میں شامل کیے گئے نئے اور بہتر فیچرز ہیں۔ ان اپڈیٹس میں ABS بریکنگ سسٹم، پاور ونڈوز، سیٹ بیلٹ الرٹ سسٹم، اور ISOFIX چائلڈ سیفٹی اینکرز شامل ہیں۔ کمپنی کا کہنا ہے کہ یہ تبدیلیاں صارفین کو مزید محفوظ، آرام دہ اور جدید ڈرائیونگ کا تجربہ فراہم کریں گی۔
نئی آلٹو 2025 ماڈل کی نمایاں خصوصیات:
پچھلے دروازے پر ایمبلم کا نیا ڈیزائن
فرنٹ سیٹ پر سیٹ بیلٹ پری ٹینشنرز
سیٹ بیلٹ ریمائنڈر سسٹم
ISOFIX چائلڈ سیفٹی اینکرز
بیک ڈور گارنش
VXR MT اور VXR AGS ماڈلز میں اضافی فیچرز:
پاور ونڈوز (سامنے اور پیچھے)
پاور ونڈو سوئچ میں لائٹنگ
ڈرائیور ونڈو کے لیے سیفٹی پنچ گارڈ
آٹو اپ/ڈاؤن فنکشن برائے ڈرائیور ونڈو
ABS بریکنگ سسٹم
AGS ویریئنٹ میں خصوصی اضافہ:
سائیڈ ٹرن سگنل لائٹس
قیمتوں میں نیا اضافہ:
آلٹو VXR MT: پرانی قیمت 27,07,000 روپے → نئی قیمت 28,27,000 روپے (اضافہ: 1,20,000 روپے)
آلٹو VXR AGS: پرانی قیمت 28,94,000 روپے → نئی قیمت 29,89,000 روپے (اضافہ: 95,000 روپے)
آلٹو VXL AGS: پرانی قیمت 30,45,000 روپے → نئی قیمت 31,40,000 روپے (اضافہ: 95,000 روپے)
سوزوکی کا دعویٰ ہے کہ یہ تمام اپگریڈز گاڑی کی کارکردگی، آرام اور حفاظت کو بہتر بنانے کے لیے کیے گئے ہیں تاکہ صارفین کو ایک جدید، محفوظ اور آرام دہ سواری کا تجربہ حاصل ہو۔
مزیدپڑھیں:خریداروں کیلئے خوشخبری ، سولرسسٹم، بیٹریاں اور یو پی ایس سستے ہوگئے
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج